القشد والحنيني واكلات البرد ( خاص للحريم السنعات والذربات )

الحنيني قرصان + تمر مطحون

ف قدر عصير خمس ليمونات مع سكر مع ماء اغليهم // اغمس القرصان بالخليط تقريبا خمس قرصان : ثم كل قرص مع لفه تمر وبخلاط اللحم لين تخلص الكميه على حسب اذا تحبينه مالح قللي تمرواذا تبينه حالي كثريه : واذا تبين ناعم ثلاث مرات وتبينه خشن مرتين اخلطيهم : وكوريها وحطيها بقدر مع سمنه او زبده ونار اقل من هاديه . وبالعافيه

طريقة الحنيني

خوذي قرصان كم حبة وقطعيها وبلليها بشوية حليب ثم اطحنيها باالخلاط وحطي عليها تمر

مطحون شوي شوي أسهل في الخلط ولما تحسين أنه اختلط تذوقي طعمه اذا يحتاج تمر

زيادة أو لا00وحطي عليه زبدة وقلبيه على النار ثلث ساعة " وعافية عليكم "

وبس هذي طريقة الحنيني،، واذا بغيتي قسميه في علب وحطيه في الفريزر لو يجلس

سنة00وبدون زبدة طبعا00

فوق

معليش خواتي على السؤال الغبي:
وش هي القرصان اللي تستعملونها(يعني كيف شكلها)؟لانه لكل ديره قرصان!

القشد اساسه ان الطحين يطبخ مع الزبده لمده بسيطة ..بعدين تحطين عليه التمر وافضل شيء التمر السكري المكنوز واذا اختلط زين حطي عليه علبه قشطة واخلطيه زين لحد مايتجانس ويروح لون القشطة...

مقاديري حبه زبدة وكاس طحين وعلبه قشطة والتمر على كيفك..

اذا تحبين التمر يصير قاسي لا تطولين طبخه واذا تحبين يصير لين مره ...غلفيه بقصدير وحطيه بالفرن على نار هاديه وكل شوي قلبيه لحد ماتبين..

ملاحظة ترا النار لازم تكون هاديه بكل المراحل عشان مايحترق عليك...