ياحرام هي صغيره وعيالها مكبرينها

اختي الظاهر هي ظالمه نفسها وما تهتم بنفسها
انا تزوجت عمري 17سنه وبنتي الان بثالث متوسط بس الحد لله اللي يشوفني ما يحسب عندي بنت بالمتوسط وبنتي الثانيه بسادس ابتدائي يوم رحت المدرسه الا المعلمه اسالها عن مستوى بنتي الا تقولي انتي جايه معاها قلت انا امها قالت ما شاء الله شكلك صغير مومبين عليك انك امها
وفي حاجه جدا مهمه وخطيره تبين الوحده اكبر من عمرها هي
السمنه يعني انا اعرف حريم في عمري واصغر بسنوات والله العظيم اللي يشوفني معاهم يحسب انه انا اصغر منهم لانهم جسمهم سمين الله ينحفهم
انا استغرب من الحرمه اللي تهمل في نفسها وشكلها ليش الوحده تتزوج وتنسى انوثتها تنسى جسمها ويصير مليان شحوم والشعر شوشه وما خفي اعظم
انا شعاري (رشاقه طول العمر )ان شاء الله لو خلفت درزن مو شرط عشان ابو الشباب لا عشان نفسي عشان يكون عندي ثقه لانني انثى والله ميز الانثى بجمالها ودائما الجمال يكمن في الرشاقه وطبعا الجمال الداخلي اولا
مشكووووووووووره على طرح الموضوع جميل جدا وبحاجه للنقاش

العيال مو سبب...
مثلا قعد مع بنت مخطوبة ولله اني حسيت اني قاعده مع جدتي كلامها لباسها اسلوبها مواضيعها....

بوقت امي كملت 40 سنه... لكن من يشوفها وياي يقول حلوة اختك..ويوم خطوبتي راحت لها زميلتي تمازحها وانحرجت موووت لما عرفت انها امي مو اختي...وغير هذا كانت تبي تخطبها ..ويستغربون اذا قالت لهم عندي بنت مدرسة وعندي حفيده..... ليش؟؟؟ لان بطبعها تحتب تهتم بنفسها ... وعلاقتها مع اللي بسنها واللي اكبر...وبنفس الوقت صديقاتي يحبون قعدتها وسوالفها معاهم...

يعني الاهتمام مو لان ماعندي عيال او توني متزوجه...الشكل والمظهر يعتمد على الراحة النفسية وتقدير الذات....

عادي هالموضوع جدا يعني بنات تتزوج 15 سنه وبنات بعد 30 فلو نقارن بين بكر الاولى والثانيه بنظلم الاولى
وكلام المجتمع مالنا فيه حنا نعطيهم فرصه يتكلمون فينا بناء على سواليفنا وطريقتنا باللبس والاهتمام

الله يعطيكي العافيه اختي مدمنة قهوه انا شخصيا مدرسه تزوجت وتعينت 18سنه وكنت اصغر معلمه بالمدرسه ............. لاتستغربون لاني خريجة معهد معلمات........
بنتي في ثاني متوسط ولدي بسادس وعايشه حياتي مثل الي بسني وما تزوجو صحيح اني ما عشت مراهقتي زي كل البنات دلع وتغنج على الاهل لكن عشتها مع زوجي
وزميلاتي بالمدرسه .
والان مع بنتي الله يحفضها . ولما اروح اسأل عنها يقولون لي اختك ماتشبهك اضحك واقول لهم هذي بنتي والله انهم مايصدقون
فعلا الشكل والاهتمام ينعكس على الشخصيه العام المديره اخذت خبرات المعلمات وخبرتي كانت 14سنه وحده من المعلمات قالتها بوجهي طلعتي عجوز ومو مبين عليكي ياعجوز وماخلت وحده ماقالت لها نست نفسها انها من جيلي ودرسنا المتوسطه سوا
لانها تأخرت بالزواج وبنتها كانت بصف ثاني .
انا انقهرت منها وقلت لها قولي ماشاء الله .

رحت البيت وقلت الله يسامحكم ياهلي اللي زوجتوني بدري لكن كلمت زوجي لي بردت ناري
قال قولي لها زوجي يقول انتي كل ماتكبري تصغري بعيني .....لاتفهمونه غلط يعني الروح الحلوه والشكل العام.

وعلى فكره بنت عمتي بسني والعام تزوجت ودوبها جابت اول طفل لكن اللي يشوفنا مايعطينا نفس العمر ويقول انها اكبر لانها ظخمه طويله وعريظه.
وهذا اكبر دليل ان الاولاد والشكل العام للانثى مالهم علاقه بالعمر
وسلااااااااااااامتكم من الكبر الله يكبرنا بطاعته
وكل انثى مدلعه حالها هي صغيره بنظرها .

بصراحه انا انحرمت من اهم شيء وهو اخذ راحتي في اللبس زي زمان
احس اولادي كبروا وما اقدر البس قدامهم بعض الملابس اللي ..... عاد انتوا فاهمين
وفعلا احس انهم كبروني