مشكلتى مع زميلتى >>> غاثتنى

شوفي ارسلي لها الملزمه و لا تأشرينها و قفلي جوالك و لا تدخلي على الماسنجر و إذا اتصلت على البيت خلي أهلك يصرفونها


و لو سألتك ليه ما رديت قولي لها انك كنت مشغوله عشان الإختبارات وكل مره سوي كذه في الأخير راح تطفش منك و تسيبك

الصراحه راحه قولي لها وريحي نفسك ياتقولين معليش بس ترامو مكلوفه فيك

او ارمي عليها حكي مزح برزح

واذا طلبت منك ودقت عليك ردي واعتذري قولي اذاكر في الملزمه الحين شوفي لك وحده ثانيه تاخذي ملزمتها او اي شي لين تطفش

ولاتفكرين فيها اساسا لان هالنوعيه ماعندهم احساس فلا توجعين راسك فيها
انا اعرف هالاشكال تبغى مصلحتها منك والا انتي اخر همها .. هذي مستضعفتك ومستقله بشخصك ..
انتي ذكرتيني بوحده ايام الجامعه كانت مع صديقتي بنفس اسلوب زميلتك ولا من زود الوقاحه كانت تقعد تسولف وتتضحك وتلتفت على صديقتي تقولها اشري زين وبصوت عالي قدام المدرج وشلتها يضحكون ..وكنت احذرها منها واقولها هذي راعية مصلحه ووقحه .. تخيلي يوم غابت صديقتي يومين جاتني تقول وين الهطفه خويتك ابي ملازمها ؟؟؟؟
يعني فوق شينه قواة عينه ... وهزأتها قدام اللي في المدرج كله ومسحت فيها البلاط وعقبها صديقتي وقفتها عن حدها لانها عرفت ان هالشاكله ماتسوين فيها خير لانها ماتذكره لك..

هلالالالالالالالالالا
والله انك طييييييييييبه طنشيها يابنت الحلال وخليها على جنب
هذي وحده ماعندها ذوق ولا احترام لنفسها وش الله حادك والله لاصداقه ولا تسال عنك ولا شئ مستغله طيبتك وانتي سمعا وطاعه اتركيييييييييها

انا مال دخل وانقهرت منها وشلون انتي :d

الف شكر لك جميعا على الردود الرائعه
سمسمه نفس الطريقه تقريبا بالاخير بقطها بوجهاا بس مشكتى انا من النوع الخجول ماحب اقط كلام على غيري بس مادام هى ماتستحى تتحمل اللى يجيها
والله يصبرنا جميعا على هالاشكال