ابي رايكم؟؟؟

السلام عليكم ..

بدخل في الموضوع على طووووووول

امسات راده من السفر رحنا السعوديه عرسنا لأخوي وردينا كملنا حدود شهر اول اقل شوووي من شهر

المهم هناك عندي ولد خالتي امه تكون بنت عم امي المهم عمره 27 سنه وتاجر صغيرووني

يعني توووه مبتدئ .... ومتعلم وكل شي شهادته بكالريوس محاسبة وادارة اعمال

المهم من اول مارحت وهو مسويلي سوالف حب وغرام وعشق

المهم قبل لا ارد الامارات بفتره يمكن يومين او ثلاث قالي انه قال حق خواته اللي اكبر عنه وحق خالاته

انه يباني للزواج ..... امه متوووفيه ..

بس ماخبر امي *عمتي* ولا حد من أهلي ... بس امي شاااكه في الموضوع لان السنه اللي طافت يوم

رحنا كان يحاول يتقرب مني .... انا كنت اول مره اشوووفه ... المهم سرت وقلت لأمي وقالت لي ولد

خالتك بس بحدووود

المهم الحين بنت خالتي كلمتني وقالت لي ان اخته رمستها وقالت لها قولي حق فلانه عرسك شهر 7

اللي هي انا ...

واي حد من اهله هووو يقولووله مبرووووك على الخطوبه وعقبال العرس شهر 7 ..

وان شاء الله شهر 7 انت وفلانه تكونون فبيت واحد

المشكله ان اهلي مايعرفون شي ومحد خطبني رسمي من اهلي .. ومحد يدري حتى اخووووووويه

اللي اعزة ماقلت له اخاف اروووح اقوووله وعقب اتفشل ...

وانا من ناحيتي احس اني موافقه عليه لان ما يعيبه شي ... بس المشكله العوووده ابوي احس ان

ابوي ما بيوافق عليه مع انه ابووه وابوي وايد اوكي مع بعض

بس ابوي يقول يبا واااحد واااصل وعنده بيزات ومادري شوووو

شو تنصحوني اخبر اهلي ولا اصبر شووووي ولا شوووو السالفه

10 تعليق 727 مشاهدة

شاركي في النقاش

سجلي الدخول لإضافة تعليق.

التعليقات

10
  1. @dhy_smt_3

    اصبري احسن لك عشان ماتفشلين .. واذا اتصل عليك احد منهم قولي لهم يتقدمون عن طريق امك .. احسن .. عشان هي تقنع ابوك ..

    واي احد يتصل فيك منهم .. قولي اخطبوني رسممممممممممممي فقط .. اما كلام بالهواء ماينفع ..

    والله يكتب لك اللي فيه الخير . . ويسهلك ..
  2. @lhthat_olkn

    موقف غررريب

    شلون حددوا العرس وللحين مافي شي رسمي بالمررة

    المفروض ما يجيبون طاري لاحد الا اذا صار شي رسمي

    والله يوفقكـ
  3. @fooryh

    واضح انهم بيجسون نبضك لكن مثل ماقالوا خواتي اذا فتحوا معك الموضوع قولي لي أهل تقدرون تخطبوني منهم حتى كل شي يصير رسمي..وانصحك تفاتحي امك وتقولي لها كل شي حتى تكون بالصورة والله يوفقك للصالح لك
  4. @i_am_cute

    اصبري اصبري اصبري

    ثلاث مرات قلتها لك....ان شالله ربي بيهونها عليك بس انتي اصبري

تابعي تجارب أخرى من هذا القسم.