موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

متابعة النقاش، صفحة 325

شاركي في النقاش

سجلي الدخول لإضافة تعليق.

التعليقات

11,794
  1. الله يعطيك العافية

    ريجيمكم حلوووومافيه حرمان مررررره

    باذن الله بكون معكم

    وزني الان 63

    الطول 156

    الوزن المطلوب 50 باذن الله

    بس بسالك الزبادي كل يوم مايسبب امسااااك؟؟

    الاكل الحار مسموح
  2. @hy_dada

    صاحبة الموضوع
    n1n7

    حياك الله
    والزبادي ما يسبب الامساك ابدا ابدا خصوصا اذا اكلتيه مع خس وخيار
    بالعكس هو حارق للدهون باذن الله ويسهل الهضم

    والاكل الحار مسمووووووح جدا
    خخخخخخخ
    انا احبه
  3. مساء الخير يا حلوات ^^ اشتتقتولي
    اليوم داومت ، أنا كانوا قايلي لي ان المدرسة فيها نقص بقسم الانجليزي ، فتوقعت اذا كثروا المدرسات في القسم بيكونون أربعة ، طلع الفسم عنده زيادة مو طبيعية في المدرسات ، وانصدموا اني متعينة عندهم ، حتى غرفتهم صغيرة تحسون قاعدين فوق بعض . الصراحة الانطباع الاول مايبشر بخير ، ماارتحت بينهم ،بس طبعا أول يوم أكيد لازم أحس بالغربة ، والله يسهل باجر يمكن أحس براحة أكبر وأطمن لهم . ورشيقة سويت نصيحتج وماتكلمت عن نفسي ، ولابينت لهم اذا كنت شاطرة بشي ،وخصوصا اني شاطرة بالكمبيوتر وبطاقاتي أسويها كلها بالفوتوشوب ، واليوم كانوا يتكلمون عن دورة ICDL وانها صارت الزامية لازم ياخذونها ، ماعطيتهم أي تعليق عليها ، مع اني دايما أسأعد صديقاتي فيها ، لأن عندي برنامج الدورة وأجوبة الامتحانات واعرف طريقة الحل ، والبرنامج اللي عندي نادر ماخذته من موظفة تدرس في الدورة ، وأنا نسخته قبل لصديقاتي ، بس اليوم ماحبيب أساعد أو أبادر بشي ، قلت أتعرف شخصياتهم بالاول وأشوف.

    الشي الحلو اني ماخبصت بالريجيم اليوم ، ههههه طبعا كنت مستحية وماتفطرت معاهم ، بالغصب شربت قهوه ( مع اني ماحبه ) وأكلت قطعة حلو صغيرة( استحيت أرد البنت ).

    ورديت البيت تغديت : صدر دجاج مشوي +1 توست +زبادي قليل الدسم +سلطة
    العشاء : كورنفلكس +حليب كرنيشن بشاي بس مو قليل الدسم

    ومشكورين ياحبيباتي على سؤالكم عني وقلبكم علي ، الله لايحرمني منكم ـ أحبكم :)
  4. سالفتي غير ألف ألف مبروووووووووووووووك حبيبتي ، وأكيد 2 كيلو انجاز بأسبوع مبرووووك فرحت لج من كل قلبي ( أحس من زمان مانزلنا نزلة سنعة هههههه) وعقبالي يااارب ، واستمري وثابري

    بناااات وين رحيل ، من زمان مادخلت ، رحيل لايكون خبصتي !!

    هي دادا ولكم باااااااااااك ، والله فرحت لما قريت ردك وانج اليوم ماشاء الله استعدتي معنوياتك وحماسك بسرعة للريجيم ، ويااارب تنزلين بصحة وعافية وننزل معاج يازعيمتها >>> ترى أم عبدالرحمن انت معطتني دافع مو طبيعي للنزول عشان جذي تضايقت أمس لما حسيتيج مليتي من الريجيم مع اني كنت متفهمة ومقدرة وضعج ، والحمدلله ان معنوياتج اليوم مرتفعة ، ولاتنسين أكلي باليوم الحر اللي تبين وانسي الوزن عشان ماتمرين بلحظة الضعف اللي مريتي فيها أمس ^__^

تابعي تجارب أخرى من هذا القسم.