انا كنت زيك قدر الضغط عندي شبح واخاف منه جلس زوجي سنين يحاول يقنعني فيه
بالاخير شريته والله مريح جدآ فرق بينه وبين القدر العادي والان ما استغني عنه
توكلي على الله واشتريه في البدايه بتتعبك الكبسه لحد ماتضبطيها فيه بعدين بيكون الوضع مريح لك
بالنسبه لالانفجار اللي تسمعي عنه يكون بسبب ان الصمام مسدود او الجلده مفكوكه او انه انفك قبل ما يطلع كل الهواء اللي جواه
بنسبه للصمام اذا كبستي الاكل فيه تاكدي انه بداء يطلع الهواء وبعدها بشري يبداء الصمام يدور
اما الجلده لو كانت مفكوكه لا سمح الله راح تلاحظي خروج الهواء من الجنب وبالتالي ماراح يدور الصمام وهذي حلها سهل انك تطفي النار وتفكي الغطاء بعد مايسرب الهواء منه وتضغطي الجلده يملعقه لحد ماترجع مكانها
اهم شيء لما يستوي الاكل شيلي الصمام وخلي كل الهواء يطلع منه لحد ماعاد تسمعي صوت لخروج الهواء بعدها افتحي الغطاء
على فكره انا النوع اللي عندي تربو باخشوين له معاي ماشاء الله اكثر من 6 سنوات ومرتاحه عليه
اتمنى اكون افدتك
بنات انا والله اكتب لكم وانا ميته خوف(قدر الظغط)تم تعديل العنوان
متابعة النقاش، صفحة 2