~*¤®§(*§ ملتقى المغتربات في استراليا الجزء الخامس§*)§®¤*~

يحليلك يازهق اظاهر حلويتهم عاديه بس قد سمعتهم يقولون عاد مدري عن صحة المعلومه ان الواحد اذا حس بالإحباط يحتاج للحلويات ترفع معوياته واللي يهبل اسعار شكولاتاتهم يوم كنت في السعوديه والشوكلاتات رخيصه تصدقين ماكنت اشتهيها وهنا يوم صارت بدولارين وطالع كل ماطلعت خذت لي واحد الله يعين على الوزن ماعندي ميزان شكلي بنصدم اذا وزت وزنت في ميزان السوق بس شكله ماعنده سالفه مزودني خمسه كيلو اظاهر انه مخرف(مانيب معترفه اني سمنت هههههه)بس ملابسي زينه علي مدري سمنت من منطقه ماتبين ولا ثقل دمي

حبيبتي لبنى مافيه شي مهب موجود هنا ماجبت عاي الا البخور والمره والرشاد والمسك هم اللي ماشفتهم هنا ما ادري اذا كانوا موجودات ولا عندنا في سدني كلش حتى القهوه والتمر وان شاء الله تفيدك وحده من بنات بيرث هل موجود عندهم كل شيء

الله يعطيك الف عافيه يانجوم ماقصرتي
باسوي مثل ماقلتي وباشوف شكرا

السلام عليكم
حياك الله يالبنى باستراليا بس ماقلتي متى تلحقي بزوجك وتجي استراليا.
مدية بيرث اللي اسمع عنها ان السعوديين قليل فيها مو مثل باقي المدن الثانيه بس فيها خليجيين واجد ويقولون مدينه زينه بس عيبه الوحيد انها بعيده عن المدن الثانيه وخاصه كانبرا اللي فيها الملحقيه يعني منعزله عن باقي المدن الكبيره وانشالله يكون احد ببيرث يقدر يفيدك .
والله انك صادقه يانجوم الطفش خلى الاكل له مذاق ثاني تصدقين بسكوت دايجستيف العادي بدا يعجبني قبل اذوقه عادي بس الفراغ خلانا مشافيح .. اما الوزن فان متاكده انه زايد شاريه ميزان الكتروني اول الايام اخفف وانتبه لوزني الحين بديت اتهرب مااوزن علشان مايضيق صدري لكن انشالله ابرجع وبشتري كل شي لايت واخفف ولا اخربط بين الوجبات وبعدين شغل البيت رياضه بحد ذاته ولا يمنع نمشي نصف ساعه يوميين .

تكفوووووووون ساعدوني
انا خطيبي باستراليا في ملبورن وانا ان شاء الله بالصيف راح يصير الزواج واسافر ودي اسأل عن الحجاب هناك وش تلبسون؟؟ وممكن البس عبايه او لا ؟ وايش الاغراض اللي تنصحوني آخذها معاي لاني بديت اجهز وحااااااايسه حيل واللي عندها اي نصيحه تكفووون لا تبخلون علي ..ومشكوووورين

مرحبا اختي بنية حنونه ومبروك الخطبه والله يتمملكم على خير ويسعدكم .
بالنسبه للحجاب انشالله ماراح تواجهين مشاكل تقدرين تلبسين عبايه و نقاب لكن الافضل تختارين الوان فاتحه علشان ماتلفتين الانتباه ولا راح يضايقونك يمكن القليل منهم تتضايقين من نظراتهم واعتقد ملبورن متعودين على العبايه والنقاب لانه مليانه سعوديين .
اما ايش تحتاجين فاهم شي جيبي ملابس شتوي لان ملبورن بارده وملابسهم ماهي ذاك الزود وجيبي حلاوة الشعر لانك ماراح تلقينها والبخور والمبخره وترامس الشاهي والقهوه والتمر والقهوه هذا اللي اظن اللي ماراح تلقينه وان تذكرت شي ارجع وبكتبلك انشالله .