ملف ..استشارة ..مطبخية.. سريعه
متابعة النقاش، صفحة 198
شاركي في النقاش
سجلي الدخول لإضافة تعليق.
التعليقات
3,295- up
- مى هقولك طريقة الكبسة
مج ونص رز بسمتى تنقعيه فى مية لمدة نص ساعة
فى حلة هاتى بصلة كبيرة ودبليها فى شويه زيت وحطى معاها معلقة صغيرة كمون ومعلقة صغيرة كركم وبعدين حطى حتت اللحمة المتقصعة قد راس العصفور وقلبيها شويه وبعدين حطى المية عليها عشان سلق اللحمة ومعاها معلقة صلصة كبيرة وحبة لومى وحبهان وقرفة وقرنفل وسيبيها تتسلق ولو احتاجت مية زودى وسيبيها لغاية ما تتسلق قويس قوى
حطى الرز وزودى مية لو احتاج لسوى الرز كانك بتسوى الرز عادى خالص وحطى معاه زبيب ومعلقة صغيرة ممسوحة ماء كادى لو عندك ده زى المورد وماء الزهر
وقت الغرف تكونى محمصة شويه لوز وكاجو او لوز شرايح حسب اللى عندك وترشيه على وش الطبق بعد ما تغرفيه ومعاه بقدونس مفروم على الوش - لا روز حلوة طريقتك
عارفة انا كنت باعمل حاجة تانية خالص
كنت بسلق اللحمة لوحدها خالص وبعدين اطلعها وادبل البصل واحطها عليه واحط من شوربة اللحمة وباحط بهارات الكبسة المطحونة مش الصحيحة والملح والرز وساعات بحط هيل حب وبس
بس مش كان طعمها زي الكبسة الحقيقة هههههههه بس قولى لى ماء الكادى دة ضروري والاقيه فين؟ - السلام عليكم
أزيك يا طياخات يا ماهرات
انا عملت كنافه بالكريمة ( اول مرة طلعت الي حد ما كويسة ) بس أمبارح كانت فكه من بعضيها خالص تحسوا ان كل كنفايه مش لوحدها مش عارفه ليه
اقولكم عملتها ازاي و قولولي
قصتها بالمقص قطع صغيره و بعدين وضعتها في السمنه ( السمنه كانت يدوبك سايحة بس ) و خليتها اتبلت بالسمنة كويس و بعدين حطت النص في الصينية ( الصينية طبعاً مدهونه سمنه ) و فوقيها طبقة الكريمة و بعدين النص التاني و لما استوت سقيتها بالشربات و هي سخنه
يبقي ليه بقي طلعت كده
هايا قالتلي يمكن كترتي السمنه انا مش عارفه
نورا و أبله دينا قولولي ايه اللي حصل ؟؟؟؟؟؟ - الصبر يارب
انا بعملها زيك بالضبط وبتفك برضه
يالله هاستنى معاكى الرد
مواضيع مشابهة
تابعي تجارب أخرى من هذا القسم.