موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

أختي أم عبدالرحمن ... السلام عليكم شكراً على الرجيم لكن كم ينزل تقريبًا في الأسبوع؟

السلام عليكم

رشيقه تصدقين قبل لا اقرا ردك كنت ابحث بقوقل عن السعرات وصدفه طلع موقع مطاحن الكويت عن السعرات وانا كان عندي هالموقع زمان بس انحذف وكنت ادور عليه باشوف الرقاق كم فيه وما طلع الا الموقع السعودي
عاد يوم قريت الموقع الكويتي انصدمت بخبز الرقاق وانا اكله مطمئنه واوصي عليه يمكن الموقع السعودي ساقط رقم 2 بالغلط لانهم كاتبين 17والكويتي 127
وانا مثلك لازم خبز مايهمني الرز قد الخبز
المهم وحده هنا بالمنتدى ذكرت ان اختها كانت تاكله وما سمنت
طيب ياليت احد يفيدنا يمكن خبز الرقاق الي بالكويت غير الي نقصده

أم عبدالرحمن ، اشفيج كل شوي تعتذرين وتتأسفين وخايفة انج تزعلينا !!!!!!!!! انت أصلا ماتدرين شلون كلامج يأثر فيني ، وشلون ترفعين معنوياتي وتشدين عزيمتي لما تكلمينا جذي وتقولينا مواقفج وتجربتج ، أنا أصلا مااستمريت بالريجيم ، الا بفضل الله أولا ثم بفضلج ، لأن انت مثال قدامي ، مو قصة اسمعها من ناس عن وحدة سمينة ونحفت ، انت كنت بنفس وزني وصلتي للشيء اللي كنت دايما اتمناه وأحسه بعيد أو مستحيل أوصله ، أما الحين أقول لاااا كاهي أم عبدالرحمن استمرت على الريجيم ونحفت ، ولما ناس يقولون لي يبا خلاص هذا طبيعة جسمنا ومستحيل ننحف لو شنو ماسوينا ، أو احنا صار لنا سنين ومانحفنا ، أقول لهم لاااا هذا مو صحيح انتو مالتزمتاو ، أنا صديقتي ماشاء الله عليها وصلت للمثالي بالاصرار والالتزام وبريجيم صحي ، لا حبوب ولاأدوية ولاريجيمات قاسية !! دايما أتكلم عنج لما أحد يحبطني أو يقول لي مستحيل!!!!

فرجاء أم عبدالرحمن لاتقولين ان كلامج يزعلنا ، ولاتستحين ترفعين العصاية على روسنا ترى والله نستاهل هههه والله يعينج علينا وعلى تخبيصنا اللي مايخلص ، بس ان شاء الله في النهاية نبيض وجهج يالغالية ونخليج تفتخرين فيها .

دايما اذا فضيتي اكتبي لنا مواقفج اللي مريتي فيها ، واذا رحتي السوق لازم تصورين الملابس اللي شريتها عشان تحرينا هههه والله من جد أتكلم

الله يخليج لنا يااااااااارب ولايحرمنا منج ويجزاج خير على كل اللي تسوينه معانا وينولج اللي تتمنينه وتوصلين للخمسينات بصحة وعافية وتثبتين عليها ان شاء الله ^__^