سلاام بنات
ام عبد الرحمن
من العصر داخلة طالعة فوق 20 مره انتظر ردك ويوم قريته سجلت دخول
وفعلا لو قلتيلي يارشيقة ردي بدالي كان قلت كل كلمة انت قلتيها >> مو توارد خواطرهههه
صحيح انا اول المعنيين بس اعجبك اني انسانة واقعية
اعترف بسلبياتي مهما كانت
كلاامك ما عليه أي غبااااار وصح مية المية
انا مثلك بيوم من الايام جربت انزل 29 كيلو وعارفة وفاهمة كل كلمة تقولينها
كنت جادة وملتزمة وعندي هدف
بس من جد ما ادري اش صار فيني
هي الارادة راحت ..هي عيون البشر الي ما تتركك بحالك
لاني كنت انسانة منفتحة على الحياة متميزة بشغلي وحياتي الاجتماعية
احب الزين واحب اللبس والكشخة وفجأة انقلبت حياتي ليأس وسمنة وضعف ارادة
مع اني ما استسلم لهالتفكير لاني اخاف يدخلني بدائرة عدم التوكل على رب العالمين
ولا ابي احط لنفسي الاعذار لان مالي اي عذر
بس كلامك صحاني وخلاني احط قدامي هدف لازم احققه
هو اني استعيد روحي اللي سلبتها مني السمنة
ارجع مثل ما كنت اجتماعية فرفوشة محبة للحياة
لا يغركم اني انكت واضحك وكاني مرتاحة او مستسلمة لوضعي
بالواقع غييييييييييير محبطة وحزينة ويمكن ما يمر يوم ما ابكي على حالي
زوجي صارت المسافة بينا اميال هو عادي عنده وزني لان مولها لدرجة مخرب شكلي
لاني من النوع اللي سمنتي بتناسق وتبين امتلاء اكثر من سمنة وربي معوضني الحمدلله بملامح ترضيه
بس لاني طفشااااااانه على طول مالي خلق حتى اتكلم معاه ولا اجلس معاه
صار له عالم ثاني ربع وطلعات وكشتات مع انه كان بييتوتي درجة اولى واكيد انا السبب
عيالي نقطة الضعف الوحيدة بحياتي
في الوقت اللي احس محتاجيني اكثر من اي وقت بسبب مرحلتهم العمرية الجديدة
احس اني ما اسوي اللازم معاهم وباستمرار عندي شعور بالتقصير
انا الحين قاعدة اسوي جلسة مصارحة مع نفسي على الهواء مباشرة اقر واعترف فيها بفشلي وتقصيري
مع اني طول عمري انسانه كتومة حتى اهلي ما احسسهم بضعفي ويأسي
بس احساسي ان هذي المشاعر كل وحدة منكم بتأيدها وعايشتها
بس محتاجة حد يطلعها من داخلها ولذلك قررت اكون اول المبادرين بجلد الذات
وخلي كل وحدة منكم تفضفض عن الاسى والمعاناة اللي مسببتها لها السمنة
وتقرر انها تتحداها وبالنسبة لي
اوعد رشوقة الحلوة >> لا تعتبرونها نرجسية بس لازم نحب انفسنا علشان ننجح
اني أرجعها اربع سنين ورا بعون الله وقدرته
بس هالمرة ما راح ترجع شكل وبس بترجع قلبا وقالبا واكثر نضج وخبرة
سامحوني بنات ما اقدر ارد عليكم
لان النفسية مال امها داعي
حطت لي ام عبد الرحمن الله يجزاها خير مراية مكبرة قاعدة اشوف نفسي فيها من بره وجوه
ولقيت اني من فترة استهتر فيها وفي قدراتها ومو معطيتها حقها
في الوقت اللي معذبة عمري عشان اشياء مالها داعي لدرجة صرت معروفة ام الفزعات
اي عمل محتاج سرعة انجاز وارادة حديدية في تحدي النفس رامينه المدرسة علي
اتحدى كل هالعالم ومو قادرة اتحدى ارادتي >>افا علي بس
دموعي هالمرة غالبتني كل يوم اصيح بس هالمرة غير عسا ما يخرب الكيبورد >> عليكم تصليحه
و ان شاء الله انها بداية مرحلة التغيير
سامحوووووووووووووووني جميعا على القصور
اشوفكم على خير
ومن بكره ما راح اقدر ادخل يوميا بسبب اختبارات عيالي وانشغاي معاهم
دعواتكم لي ولهم بالتوفيق
أحببببببببببببببببببببببببببببببكم في الله
موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود
متابعة النقاش، صفحة 401