موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

عزيزتي ام عبد الرحمن (ترى انا ام عبد الرحمن )
انا اقصد اني استخدم الخبز الرقاق الى ان اوصل للوزن الي ابيه بعدين احول للخبز العادي باعتدال


سالت من زمان (مادري يمكن ماانتبهت )وش معناة اللنك تبعك (اذا ما ودك تعلمين عادي قولي شي خاص وانسي ان سالتك معليش بس مستغربه الاسم)

الله يسعدك يا ام عبد الرحمن وسامحني ثقلت عليك

والخبز الله يعين باكل منه مثل ماقلت نص وبعدين ارجع للخبز البر

هي دادا

في كل كلة معاك حق ... واصدق حديث نفس

وصدق اللي قال الجوع كافر
اذا تمكن من الشخص لا يرحم كبير ولا صغير ينهش في مصارينة
ويوحي لدماغة ... انة لا يشبعك الا تللك الوجبة التي يحبها الشخص
وفي الغالب ما تكون الوجبة صحية



وانا الليلة حصل لي ما حصل لام عبدالرجمن جاء العشاء ومعةالاختبار
وكنت ناوية خضار +وزبادي وهلكانة جوع يوم جات الخضار والمفروض بدون خبز
ولكن كان الخبز على السفرة والله اني مسكتة اكثر من مرة وعقب تذكرت البنات
وتركتة ....اكلت الخضار في لمح البصر مع 2 كيوي وعلبة صغيرة زبادي وبعدة رجع عقل في راسي

وعسى الله يسدد خطانا امين ياليت ام عبد الرحمن تعطيني سعراتي اليوم الي اكلتها ؟؟

ملكة الليل
القياس وحساب السعرات دايما يكون على اساس كمية ووزن ومحتوى
شريحة توست بر او ربع خبز بر وزنها 25 جرام فيها 79 كالوي
بس اذا تكلمنا عن شريحة خبز رقاق لنفرض توزن 50 جم وزي ما قالو عنها 127 كالوري
معناه ان الوزن منها اللي يعادل شريحة التوست فيه حوالي 65 سعر يعني اقل بفرق بسيط

اختي
السعرات عالم مرتبط بالاوزان والكميات وقدرتك على المقارنة والاستنتاج
يعني تكونين شاطرة بتكوين وحساب معادلات رياضية ههههههههه

ملكة الليل
يا حبي لك يا سميتي

شوفي ياقلبي
كنت اسجل بالمنتدى وكل ما كتبت اسم يقول مافي
وبديت اعصب
كان ابني ماشي وينشد نشيد اطفال بشريط عصفوريات لعبدالله المهيدب ويقول
هي دادا هي دادا هي دادا دادا دادا يلا مع العم عبدالله ----- الخ
تخيلي طفل ينشد وانتي معصبه تنرفزت اكثر وقلت باكتب هي دادا وان ما انقبلت خلاص ما بسجل
وللاسف انقبلت على طووول
مافي هبله زيي حطت كذا اسم

يلا
قد يكون اكسبني شي من التميز خخخخخخخ

-------------------------

روز

الله يوفقك ويثبتك على طاعته ثم على الريجيم هههههه
وهاتي اكلك وكميته وباذن الله احسبه لك يا الغلا

--------------------------

رشوقه
يا حبي لك ما طلعتي

انصحك بشي حلو وقولي تم ان كنتي لسه هنا
قومي واقري البقره ما بتاخذ شي كلها ساعه الا ربع
ولكن انتي اللي بتاخذين كثير منها

موفقه يا قلبي
وما تشوفين شر