حبيبتى بالله عليكى لا تلجئى للعمليات
الحل فى ايدك يمكن فى نظرك حاليا الدايت صعب وعايز اراده وتعب بس صدقينى اسهل بكتير من عمليه ومستشفيات والالام
سبحان الله امبارح شفت برنامج بيوتى كلينك الى بيجى على قناه المستقبل اللبنانيه وكانت فيها زوجين خضعوا لعمليه ربط معده او حزام معده مش عارفه وفعلا نزلوا وزنهم
ورجعوا تانى عملوا شفط دهون وازاله وقص الجلد المترهل وعمليات كده بعدها تجمليه
والله العظيم ما تعرفى انا حسيت بحزن عميق وخوف قد ايه
ليه الواحد يسيب نفسه لما يوصل للمرحله دى ويدخل فى دايره العمليات والتعب حبيبتى العمليات مش سهله ولا نتايجها سحريه
فكرى فى نفسك وانتى على سرير المستشفى بتتالملى وتعبانه وجرح فى جسمك
حاولى وبضمير انك تعملى دايت خففى الاول فى اكلك وابعدى عن النشويات والدهون والسكريات
افضلى كده اسبوعين تلاته وبعد كده قللى الكميه تدريجيا وحاولى تعملى اى رياضه بسيطه ولو انك تمشى فى البيت حتى اختارى اى ممر فى بيتكم افضلى رايحه جايه فيه
وواحده واحده هاتوصلى حتى لو تخسى كيلو فى الشهر وياخد النزول منك سنتين اهو احسن من العمليات
لازم تغيرى اسلوبك فى الاكل عشان لو معملتيش كده ولا ميه عمليه هاتنفع
وممكن تزيدى تانى بعد العمليه
تذكر قول الله ولا تلقوا بايديكم الى التهلكه
اهم حاجه الصحه افتكرى نعم ربنا وابداى بدايت ومتمليش انا بكلمك وبنصحك وبقولك الى بقوله لنفسى والله انا وزنى كان 109 كيلو وانا لسه بنت قعدت اققول لنفسى لما انا كده دلوقتى امال بعد كده هاوصل ل ايه واشتركت فى مسابقه المنتدى والحمد لله خسيت 5 كيلو فى تلات اسابيع اهو احسن ما ازيد وجالى شرخ شرجى الامه لا تحتمل والله بموت فى اليوم عشر مرات من الامه دا الى خلانى اقولك ان الانسان لازم يغير اسلوبه ويعرف ان الصحه غاليه
نصحيتى ليكى دى من قلبى والله لانى خايفه عليكى رغم انى معرفكيش
توكلى على الله واصرفى نظر عن العمليه دى نهائى وابدئى فى تخفيف الاكل
اول ما تصحى اشربى نصف لتر ميه وبعد 45 دقيقه
افطرى بيضتين مسلوقين ونصف رغيف وطبق سلطه
وتعالى بعد 5 ساعات اتغدى
اشربى بردو فى الاول نصف لتر ميه وبعد 45 دقيقه اتغدى
كلى سلطه وخضار سوتيه او متسبك على خفيف ومعاه لحمه او سمك او فراخ مشويه
وفاكهه وربع رغيف واكلى ببطء واستمتعى بكل لقمه وامضغى بالراحه
عشان اشاره الشبع بتوصل للمخ بعد 20 دقيقه
وكرىى موضوع الفطار فى العشا
وواحده واحده قللى الكميه
مهما كان وزنك زايد الداييت هايجيب نتيجه معاه
شوفى الرابح الاكبر عملوا ايه
اعملى دا وان شاء الله توصلى ولو عايزه نشجع بعض انا معاكى
اخواتي عالم حواء استشاره الله يحفظكم
متابعة النقاش، صفحة 4