ماشاء الله تبارك الرحمن
السلام عليكم ورحمة الله
كيفكم بنات حواء
هذي اول مشاركة لي في عالم الطبخ واتمنى ما تخجلوني
موضوعي عن طريقة صنع الخبز(الصامولي-التوست) في البيت
انا من زمان نفسي اسوي هالنوعين في البيت
بس كل الطرق اللي لقيتها حسيت فيها نوع من التعقيد
كنت اتوقع انه ما راح يضبط معي
الين ربي فتح علي واستخدمت طريقة عجينة تجنن تجنن تجنن
شوفوا كم مرة كررتها
العجينة هذي عبارة عن دمج لطريقة عجينتين رائعة بمعنى الكلمة
والله يجزي صاحباتها كل خير يارب
العجينة الاولى هي عبارة عن عجينة العشر دقائق للاخت فيافي نجد
http://forum.hawaaworld.com/showpost.php?p=126400&postcount=1
والعجينة الثانية هي عجينة الاخت شمس
http://forum.hawaaworld.com/showpost.php?p=128393&postcount=1
انا دمجت الطريقتين مع بعض وطلع لي عجينة رائعة بمعنى الكلمة
سويت منها صامولي وطلع مثل حق المخابز بالضبط
والتوست بعد
طلع يجنن
طري طري لابعد حد
اكيد ذلحين تبغون طريقة العجينة
ابشروا
طبعا انا لمن قريت طريقة الاخت شمس وجدت انها هي بالضبط طريقة الاخت فيافي نجد بس زادت عليها كوب حليب بودرة وقللت الدقيق بمقدار كوب واحد
ففكرت انا اني اسوي عجينة الاخت شمس
وجربتها وطلعت لي لينة مرة ما تقدرين تمسكينها ابد
فقلت خلاص
اضيف كوب دقيق وبالتالي نحصل على عجينة العشر دقائق بزيادة كوب الحليب البودرة
وفي نفس الوقت نحصل على عجينة شمس بزيادة كوب دقيق
والنتيجة كانت ولا اروع
والصور خير برهان
وذلحين باعطيكم المقادير اللي انا سويتها بالضبط
كأس حليب بـــــــودرة- كأسان ماء دافــــــــئ
ملعقة واحدة بكينغ بودر
(5 كاسات دقيق)
ملعقتان خميــــــــــرة
نصف كأس زيـــــــت
فنجان ســــــــــــــــــكر
ملعقة شاي ملـــــــــح
نخلط الماء والسكر والخميرة والملح ونتركها خمس دقائق حتى تفور الخميرة(تأكدي واحرصي ان تكون الخميرة جديدة ومحفوظة في الثلاجة حتى تضبط المعجنات معك)
بعد كذا نضيف عليها الحليب البودرة والزيت ونصف كمية الدقيق ونخلطهم بالسلك اليدوي الين تختفي جميع التكتلات
شوفوا الصورة
ثم نضيف كمية الدقيق الباقية ونعجن مضبوط
لازم ما تقل مدة العجن عن عشر دقائق
لان كل ما طولتي بعجنها راح تطرى لك العجينة اكثر وايضا في اثناء تحميرها من الاعلى تلاقينها اتحمرت بلون واحد رائع
اما لوعجنتيها فترة بسيطة بتلاقينها شوي قاسية ولمن تحمرينها من فوق راح تتحمر بشكل بقع
يعني مو لون واحد
ان شاء الله انكم فهمتم علي
بعد كذا خليها تخمر لمدة ساعة في الفرن(الفرن بارد لا تولعين ابدا حتى لو في الشتاء)
بعد الساعة تعجنين مرة ثانية ثم تقسمين العجين الى كور صغيرة اكبر من حجم البيضة بشوي
شوفوا الصورتين ولاحظوا حجم العجينة بالنسبة للبيضة وبالنسبة لحجم يدي
طبعا الكور لعمل الصامولي
اما بالنسبة للتوست فتعملين كورة كبيرة عشن تعبي القالب تبع التوست
شوفوا الفرق بين حجم كورة الصامولي وحجم كورة التوست
ذلحين غطيهم وخليهم من ربع الى ثلث ساعة
بعدها افرديها بيدك بحيث العجينة ما تكون رقيقة مرة ....شوفوا الصور
