شاركي في النقاش

سجلي الدخول لإضافة تعليق.

التعليقات

3,295
  1. @alsbr_yarb

    بنات أنا عندي إقتراح ياريت تساعدوني و نقدر ننفذه

    عايزين نكتب الأكلات اللي ممكن نعملها بأقل حاجة من الزيت و السمن
    يعني الأكل الصحي و أهم حاجة نبعد عن الأكل المقلي لحسن بيتعبني جداً

    ياريت اللي عندهم أفكار يقولولي

    يعني أنا إنهاردة عايزة أعمل سمك فيليه و جمبري بس مش عايزة أعملهم مقلي قولولي أعمل أيه ؟؟؟؟؟؟؟؟؟؟؟؟؟؟؟؟؟
  2. @roshana

    الصبر يارب
    بنات أنا عندي إقتراح ياريت تساعدوني و نقدر ننفذه عايزين نكتب الأكلات اللي ممكن نعملها بأقل حاجة من الزيت و السمن يعني الأكل الصحي و أهم حاجة نبعد عن الأكل المقلي لحسن بيتعبني جداً ياريت اللي عندهم أفكار يقولولي يعني أنا إنهاردة عايزة أ…
    الجمبرى اغسلية كويس
    وشوية زيت صغيرين على النار ونزليه فيهم
    وقلبى قلبى وتكونى فارمة 4 فصوص توم وقرن فلفل احمر لو بتحبى الشطة او فلفل بارد زى ما تحبى
    وقومى حطاه على الجمبرى على النار وتبلية بقى ملح وفلفل وكمون وشوية كارية لو عندك رشة بسيطة
    بس خدى بالك اوع التوم يتحرق لو ميته نشفت زودى شوية بشوية لحد ما يستوى وهو عادة مش بياخد وقت


    السمك الفيلية شوفت فى فتافيت طريقة حلوة ليه



    تطعى فوبل شرائح وعلى كل شريحة فويل ادهنى زيت بسيط وحطى شريحة فيلية وعليها بصل وفلفل وتوم مقطع صغير خلطة يعنى وعصير ليمون وملح وفلفل وكسبرة وكمون ولو عندك خضرة بقدونس مثلا او شبت وحطى الخلطة على الشريحة وبعدين رشة زيت على الوش

    واقفلى الفويل كويس ورصى الوحدات عندك فى صنية فى الفرن مش بتاخد وقت على حسب تخن الشرايح يعنى قولى ربع تلت ساعى بالكتير وافلى عليها
  3. بنات لو حد عارف رابط ملف ابله دينا من كل بلد اكله بس رقم 2 عايزاه لو سمحتو

    شيماء بصراحة يا جميل معنديش افكار عن السمك و الجمبرى بس اعتقد اقتراح رشا ظريف
  4. @la_rosa_1

    اقولك انا طريقة سمك حلوة برضه يا شيمو
    هاتى الفيليه وانقعيه فى شويه لمون وخل وكمون وثوم وبعدين طاجن فرن رصيه فيها وعليها خلطة خضار فلفل رومى وجزر مبشور وكرفس وبصل وطماطم وممكن تحطى طبقة سمك وكبقة خضار وبعدين طبقة سمك وغطى الوش ببشامل بس ميكونش تقيل يعنى يادوب طبقة على الوش ورشة جبنة موتزاريلا او بقسماط وحطيها فى الفرن حوالى تلت ساعة لنص ساعة بتطلع حلوة جدااااااااااااااااا

    الجمبرى لو كبير احلى حاجه فيه المقلى زى الكنتاكى
    لو صغير يبقى اعمليه بشربة سمك او مع الرز

تابعي تجارب أخرى من هذا القسم.