يابنااات من بعد ماكنت احب العطله عشان التجمعات ..صرت اكرهها والسبب!

الله يوفقك ويرزقك بالزوج الصالح الكفو اللي احسن منهم
ويرزقني ويرزق بنات المسلمين

والله يا اختي نبع الطيبه لا تهتمين لهم ولا تعطينهم ادنى اهتمام

لأن ناس زي كذا مثل ما قالت اختي جوري عندهم نقص بالعقل

وعاااادي جداً اذا م تزوجتي لا عيب وولا شي .. اصلن عمري ما شفت متزوجه مرتاحه

لكن خليك من عوار الراس والزوج والبزران .. أنا ما اقول لك لا تتزوجين

بس يعني لا تهتمين ولا تفكرين ولا يهمونك هذولي

كأنك قاعدة على قلوبهم !!!!!!!!!

ما لهم خص فيك تزوجتي ، عنستي .. في النهايه هم مو مسؤلين عنك

وهم حسبالهم الزواج عريس حلو وفستان ابيض وشهر عسل

ما فكروا بالمسؤوليه اللي وراااه شي يمكن ما يتحملونه

مو سهل انه يكون عندك زوج واطفال وبيت بكاااامله

فيا اختي طنش تعش ولا تهتمين لهم ولا يهمك نظرة المجتمع والناس

لأنه المجتمع عمره ما بيرحمنا ومثل ما قالت اختي اسطورة ألم حطي حرررررك بدراستك

واشغلي نفسك عن هالكلام الفاضي

تحياتي لك

الله يهديهم عادي أختي في بنات كذا يسوون يجرحون غيرهم

الله يستر عليك ويسعدك بولد الحلال

كلام البنات و الناس لا تخلينه يأثر عليك و على نفسيتك و صحتك
ردي عليهم بكلام أقوى و أقوى منه

ياعزيزتي نبع الطيبه
سبحان الله اقرى كلامك واحس مهما حاولتي تمتدحين فيه وانهم ملكات جمال وغيره وغيره
ماعندهم اهم شي وهو عفويتك برائتك بساطتك طيبة روحك
يعني هم مرضى وتختلف اسباب مرضهم من وحده للثانيه تدرين ليه لانهم يستقلونك ويستصغرونك لو هم واثقين من انفسهم كان عرفوا يتكلمون بس بذمتك وش فايدة الطبله الحلوة الفخمه وهي فارغه ومجوفه من جوى
ثانيا انتي لاتصدقين حكيهم اللي انخطب ثمان واللي سبع واللي لانك منتي عايشه عندهم واكثر الموضى كذا خطاطيب واقفه علىبيبانهم وما اقبلوا الا با الاخير وتلاقين الواقع ان اول واحد جاهم تعلقوا فيه والزقوبه
ثالثا لا ترددين اي شي يقولونه عن قبايل عن خطاب عن اي شي احتفظي برايك وشاركي باللي انتي مقتنعه فيه ولا تخلين احد يحجم افكارك
قوي ثقتكبنفسك واعرفي بحزم توقفينهم عند حدهمقولي لهم ان تحكوا جعلهم الحكه مرة ثانيه انا مانيب اصغر عيالكم واحترمواانفسكم انا اختكم منكم وفيكم وكنت ساكته الفتره اللي راحت لى امل انكم تمزحون وخلاص بتحسون على دمكم لكن وحتى لوكان مزح ما ابيه الرسول صلىالله عليه وسلم يقول ( كثرة المزاح تورث البغض ) ماله داعي من اساليب القراوى وها التفاهات
رابعا جيبي انتي مواضيع مختلفه تناقشوا فيها ثقافيه تجميل اي شيواطلعوا عن سالفة العروس وان استغربوا والا اتريقوا قولي لهم سبحان الله على انكم تقولون ياكثر خطابكم الا انكم تهوجسون بالعروس اكثر مني
وترى الجمال وانا اختك نسبي من شخص لاخر يعني اعرف وحده تزوج ولد عمها وكانوااهلها يمدحون زوجته بشكل تقولين ذي نازلة على الارض ويوم شافتها صديقتي والله ان شغالتها املح منها وقلت بنفسي شكل صديقتي غارة منها وشفتها انا بعرس ويفترض تكون قمة زينتها لقيتها اقل من عاديه وصادقه صديقتي شغالتها املح
وعندي لك رد حلوووو وانا كنت اتجنب اقوله لان فيه ناس راح ياخذونه ويرددونه بس هو مو لاي احد هو لوحده عفيفه كريمه مثلك ماهي بتهوجس انهاعنست والا ما انخطبت
تعرفين العودالمعتق الغالي هذا هو قولي لهم انا نفسيه وغاليه وما ابي اي احد ارتبط فيه والسلام ابي واحد ياخذني وانا فواحه ورائعه
عزيزتي قولي لهم المهم اللي يضحك با الاخر ووسعي صدرك والله يرزقك بواحد اظفره مايسوونه

دمتي بود