مبخر لولاتو كبسه دجاج بالخضار خطوه بخطوه وبالصور

@lolato2002_1


رصيت الخضار في الطبقه التانية .

بعد مارصيت الخضار وغطيت القدر ألين لما يستوي الدجاحه.

كدا شكل الدجاجه وهي بتتيخر الله يحميها علشان العين .

رشيت الكزبره الخضراء على وجه الخضار.

هنا قدحت الزيت وحمص الرز شويه زي بابا علشان تقعد واقفه وما يتكير الرز.

طفيت الرز بمرقه المبخر ورخيت النار .

يتبع

255 تعليق 33,766 مشاهدة

0 0

شاركي في النقاش

سجلي الدخول لإضافة تعليق.

التعليقات

242

  1. @lolato2002_1

    صاحبة الموضوع

    كيف حال كل طبخات بنات حواء الشاطرين وأن شاء الله الله يقدرني وكل يوم أوريكم طبخه من طبخات لولاتو وأن شاء تعجبكم طبخاتي..
    واليوم جيبتلكم طبخه من طبخات بابا المبتكره الله يشفيه ويخليلي هو ويرجعه بالسلامه..
    وطبقي اليوم جديد ولذيذ وسهل ومافي دربكه وقربعه في المطبخ...
    في البدايه لازم أحمسكم وأشهيكم وأوريكم الطبق علشان تتحمسو وتسو زيه وأن شاء الله يعجبكم..

    هذه صوره جميع مكونات المبخر ..

    المويه والدجاجه وزبت.

    خضارمقطعه مربعات كبيره(بطاطس,كوسه,بصل,فلفل رومي,جزر,طماطم).

    بهارات كبيره,بهارات مطحونه,كزبره خضراء مفرومه ناعم).

    بهارات مطحونه(فلفل أسود,كمون,زعفران,صبغة زعفران,ملح,ماجي.أبزار مجمع).

    حطيت في صره الأبازير (ليمون ناشف,أبزار الكبسه من العطار).
    [
    يتبع

  2. @lolato2002_1

    صاحبة الموضوع
    أستخدمت قدر المنتو حق ستي الله يرحمها ماما لطشته من ستي وأنا لطشته من ماما لأنو صغير ومحندق ومافي زيه أبداً.

    عبيت القدر مويه وحطيت شويه زيت وصرة الأبازير.

    حطيت الدجاجه في زبديه قزاز علشان أبزره بالبهارات.

    حطيت كل البهارات المطحونه في زبديه قزاز .

    خلطت البهارات مع شويه زيت.

    حطيت كل الخضار في زبديه قزاز علشان أبزره بالبهارات.

    بزرت الخضار مزبوط مع شويه زيت.

    حطيت الدجاج المبزر في الطبقه الأولى من تحت لقدر المنتو.

    دهنت الطبقات برشة زيت علشان يطرى البخار وممكن ماتحطي زيت بالمره في الطبخه وما يأثر أبداً في الطعم.

  3. @lolato2002_1

    صاحبة الموضوع
    حطيت الدجاجه والخضار في صينيه وحمرتها في الفرن أحبها ناشفة ومقرمشة ومحمرة ممكن ماتحمريها زي ماتحبي.

    حطيت شوية مرقه لانو لسه الرز ماأستوى.

    كدا شكل الصينه بعد ماحمرتها من فوق في الفرن.

    قبل ما أغرف الرز حطيتله ملعقة سمن فارم.

    وهنا شكل السفرة.

    وهنا صحن التقديم لمبخر لولاتو كبسة الدجاج بالبخار.

    وهدا صحن لكل بنات حواء.

    وبالعافيه..
    وهذه طبخة بابا المفضله وأدعو لبابا ربي يشفيه

  4. @lyan_aamr

    لولاتو2002
    كيف حال كل طبخات بنات حواء الشاطرين وأن شاء الله الله يقدرني وكل يوم أوريكم طبخه من طبخات لولاتو وأن شاء تعجبكم طبخاتي.. واليوم جيبتلكم طبخه من طبخات بابا المبتكره الله يشفيه ويخليلي هو ويرجعه بالسلامه.. وطبقي اليوم جديد ولذيذ وسهل ومافي د…
    الله يشفي بابا ويسلم يديك يارب

تابعي تجارب أخرى من هذا القسم.