شاركي في النقاش

سجلي الدخول لإضافة تعليق.

التعليقات

103
  1. صاحبة الموضوع
    منسمة كول
    كنت ارجع من المدرسة واحط دا زوجي اللي تسويه مرت اخوه وطبعا هي في البيت بالضبط زي الشغالة واقل مسكينة وكانوا يبغوني اسير زيها وهي على بالها اني حاحاول اسير مثلها فخافت اني اسحب البساط من تحت رجليها لانها من ناس يبحوا المدح والكلام اللي ينقا…
    ولدت عند اهلي وكان زوجي يكلمني ويبكي في التلفون عشان ما يبغى يطلقني ورجعت بعد ولدي ,


    حملت بالثاني على طول ونفس المأساة تكررت لكن هالمرة اهله سافروا بعد ما طلعت من النفاس وكنت شايلة معاي كل اغراضي عشان حننفصل انا وزوجي لكن تمه قالت له يأجل موضوع الطلاق لحد مايجوا من السفر ويجيبني عنده اخدمه هو وابوه واخوه!

    شاورت اوبه قال لي روحي لزوجك وحاولي تقنعيه يطلعك في بيت مستقل مادام امه مش موجودة ومافيه احد يضغط عليه مع العلم ان زوجي عنده بيت لك جنب بيت اهله لزم بس كان مأجر.

    رحت عندهم وصار ابوه بس يمدحني ويمدح شغلي ويدعي لي ولأولادي طول الوقت وقدر زوجي يقنعه اننا نطلع في بيته اللي جنبهم وراح ابوه وطلع المستأجر ولما جوا اهله رحنا في نفس اليوم لبيتنا ونمنا فيه وطبعا كان قايل لامه بالتلفون .

    لما رجعوا قالوا له لاعاد تجينا زوجتك ولا نشوفها ام ااولادنا جيبهم لنا كل يوم.ومفاتيح البيت كلها معاهم كولهم حتى الاولاد عشان يثبتوا لي انهم اولى بالبيت.

    طلعت وانصدمت بابو زوجي يرجع كل يوم لما يشوف ابنه رايح للدوام ويهزأني ويدعي علي مع اني طلعت من عنده وهو راضي لكن الحريم فروا له راسه لما رجعوا.


    ارتحت من ضغطهم الشديد لكن لايزال يجيني منهم مشاكل وزوجي صار يتغير علي وانا ما اردي ايش السبب لكني الاحظ انه ياكل ويشرب معاهم واحيانا ينام عندهم.

    نسيت اقول لكم ان ابو زوجي وامه يجوا في اي وقت ويدخلوا البيت حتى لو انا نايمة ويفتشوا فيه ويخرجوا حتى من غير سلام واكتشفت انهم كانوا يتهموني في عرضي ولما ولدت قالوا من وين حملت؟؟ حسبي الله ونعم الوكيل ما ادري ايش يظنوا ولدهم؟؟

    لما طفشت من دخلات الفجأة صرت اقفل الباب من جوا بالمزلاج وانجن جنونهم وخاصمني زوجي لكني اقنعته اني اخاف يدخل علي احد من الشارع خاصة ان ابوه دايم يضيع المفتاح ويمكن يكون اخد اخذه وهنا اقتنع لكن ياويلي لو اقول له لازم اهاله يتأذنوا يكفرني اعوذ بالله.

    تزوجت اخته وبقيت كم سنة ما حملت ثم حملنا سوا تقريبا وولدت هي قبلي ورحت لها وقمت بالواجب وطبعا في هذيك الفترة تزوج اثنين من اخوانه وسكنوا مع اهله وعاشوا نفس المعاناة ولما شافوهم حيخرجوا طلعوهم بمعرفتهم في بيت لابوهم عشان ما يستاجروا ويخسروا!

    سرت اروح لهم لكن على مضض وما يستقبلوني خاصة اخته لما تشوفني تسكر الباب في وجهي او في احسن الاحوال تديني ظهرها وتروح .

    انا استعنت بالصبر والصلاة وصرت اقوم الليل وادعي ربي وابكي ولح بالدعاء من يوم ما كنت عندهم وربك فرجها شوية شوية.

    كانوا يطلعون علي كلام كثير من ضمنه ان زوجي يحبني وطاير في بالعلالي وما يستخسر فيه حاجة وهاكلام بعضه مو صحيح وهم اعلم بهالشي يعني هو يحبني لكن ما يقدر يسوي ليه حاجة حتى المشوار لما يسموع باب البيت مفتوح يرسلو ا ابوه يجي ينزلني من السيارة.

    كنت اجلس لوحدي كثير عشان شغل زوجي على فترتين ولازم لما يجي رايح يودي العيال لامه وكانت تسوي لهم غسيل دماغ لكن ربك ارحم ماصارت تتحملهم ورجعوا لحضني.


    مرة اخوه كانت رادار على بيتي لما تشوف لمبه والعة او مكيف يشتغل على طول تقول لهم عشان يشوفوا شغلهم..

    لما اخرج كنت اطفي النور المكيف وعلى طول يكشفني وزوجي يخاف يخرجني بسببهم فصرت على طول مطفية اللمبات اللي على بيتهم وصاروا يهزوا ولدهم ويقولوا انت مخرجها وهو يحلف اننا ما خرجنا وهذي كانت اول درس لي في الحياة.

    صار زوجي يخرجني مادموا زعلانين على طول وهو لحد الحين ما يعرف ليه.

    مافيه سفر الا مع اهله.ممنوع الدراسة بعد الثانوية . مع انه كان واعدني لما اختخ تدرس حيدرسني لكن رفض وطلب مني اخلي ابويه يتوسط لاخته تدرس وهذا كله من اهله وفعلا طلبت من ابوه يتوسط لاخته واتوسط لنا كلنا وبعدها زوجي وافق اني ادرس انتساب وسويت كل اللي اقدر عليه عشان انجح.
  2. صاحبة الموضوع
    حاولوا اهل زوجي انهم يزوجونه لكنه كان يرفض بحجة ان الناس كانت ترفضه قبل يتزوجني وفعلا صاروا الرجال يخطبونه لما شافوه قدر يطلعني في بيت خاصة اللي خطب منهم ورفضوا .ومنهم خالات زوجي رفضوا يزوجونه بناتهم مع ان الولد عاجبهم لكن يعرفوا اهله ولما مشيت معاه ومع الكلام المبهر حق اهله صاروا يبغوا الرجال باي طريقة.

    وانا كنت اقول له اني اتمنى يتزوج عشان الاقي حاجة تسوى واتركه واتزوج واحد ثاني وهالكلام من قلبي وهو عارف .

    خلصت الدراسة وابوه كبر وماعاد فيه حيل للمشاكل لكن اقول كلمة حق ابوه طيب وكان يزورني لما اولد في اولادي الاولين ولما تعب في بيتي يجيني وكان حنون بس الحريم يغيرونه.

    زوجي كان غيوووووور جدا وما بانت غيرته الا لما طلعنا في بيت مستقل وكان ما يبغاني اشيل السماعة ولا اطلع للسوق الا للضرورة القصوى ولا اسلم حتى بلساني على اخوانه.

    وانا حامل لقيت جواز السفر حق زوجي واكتسفت انه كان صاحب سفريات قبل الزواج لكم بلد منها الفلبين والبحرين والهند ...الخ

    ما دري لحد الحين اني لاقيته ومشيت حياتي طبيعي معاه.لحد مرة زادت به الغيرة والشكوك فقلت له: انت كنت صاحب معاصي وخيانات؟؟؟ طارت عيونه واستغرب كلامي.زقلت ما يشك هالشك كله الا اللي مجرب!

    خف علي كثير بتكراري هالجملة.

    كل شي ممنوع التلفزيون(كنت تاركته قبل اتزوجه) الفيديو وحتى قناة المجد لكن مع الوقت قدرت بفضل الله اني ادخل اهلي في المواضيع وكانوا خير عون لي في كل شي بعد الله.


    ابويه اهداني كمبوتر بعد ماكان زوجي رافض اجيبه وابتدا زوجي يلين شويه شويه ..

    الجوال كان رافضوا ولا يزال لكن اهلي جابوا لي هو ويسددوا لي الفواتير وكمان الشغالة يقول مايبغى يجيبها في ذمته بدون محرم وابويه يجيبها لي الله يخليه لي وترى ابويه حاس بالذنب من هذي الزواجه فيبغى يوفر ليه اي حاجة كتعويض الله لايحرمني منه.



    دخلت المجد في بيتي واولادي كبروا وصاروا يساعدوني على ابوهم.وهو خف كثيييييييير عن اول لكن لايزال عنده بعض الصعوبات .

    اكثر شي خسرته هو حبي لزوجي انكسر وبقوة وماعاد زي اول ودحين انا عايشة معاه من باب تأدية الواجب لا اكثر ولا اقل ولا تظنوني مش مرتاحة بالعكس انا دحين مرتاحة جدا جدا والحب هو اللي ودى الحريم في داهية وخلاهم يذلوا انفسهم وهو اللي كان مخليني متنازلة عن حقوقي لكن الدنيا علمتني صح.


    هذا مختصر قصتي والمعاناة استمرت ماعايه اكثر من 10 سنوات ضربتني فيها الدنيا على راسي لحد ما قلت آمييين لكن طلعت بدروس كثييييير .

    انتهت القصة باختصار شديييييد .
  3. منسمة كول
    حاولوا اهل زوجي انهم يزوجونه لكنه كان يرفض بحجة ان الناس كانت ترفضه قبل يتزوجني وفعلا صاروا الرجال يخطبونه لما شافوه قدر يطلعني في بيت خاصة اللي خطب منهم ورفضوا .ومنهم خالات زوجي رفضوا يزوجونه بناتهم مع ان الولد عاجبهم لكن يعرفوا اهله ولما…
    بصراحه معاناه هذولي مو اوادم وحوش :30::angry2::30::mad:
    لكن ماشاء الله عليك كنت نعم الصابره
    الله يخلي لك عيالك وابوك ويسخر لك زوجك:arb::27:
    دمت بود وسعاده:icon35:

تابعي تجارب أخرى من هذا القسم.