موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

متابعة النقاش، صفحة 571

شاركي في النقاش

سجلي الدخول لإضافة تعليق.

التعليقات

11,794
  1. هلا بنوتاتي القماري الحلوين
    بما اني قاعدة اطبق نظام نباتي مؤقت لنهاية الشهر قاعدة ابتكر شوي وصفات من باب التغيير وحبيت اشاركم خرابيطي
    وياليت اللي عندها فكرة لطبق تتحفنا ولو بدون صور عادي
    غداي اليوم
    قوارب كوسا


    الطريقة
    3 حبات كوسا تقورينهم زي المحشي وتحتفظين بللب بعدين تقطعينها بلنص وتسوينها على البخار عشان تطرى وتسوي مو تنهرس
    المهم تاخذين السبري وترشينه وتحمرين شوي بصل وثوم وفلفل بارد ومشروم وتضيفين لب الكوسا مع رشة ملح وفلفل اسود وبقدونس وكزبرة وتصير حشوة
    احشي فيها قوارب الكوسا ورشي على الوجه جبنة مبشوره خالية الدسم ممكن شدر او مازرولا او شرايح تقصينها من النص وتحطينها
    وولعي عليها الفرن من فوق وبعدين افرشي الطبق خس وجرجيير تبليه بشوي خل بلسميك ونتفة زيت زيتون ورتبي الكوسا فوقه
    طبعا ما تذكرت اصور الا بعد ما قضيت على نصها ولا تحاتون كثر الكمية اللي كلتها
    لان سعراتها جدا قليلة ما تتعدى 150

    سحووووووووووووووبة
    ترااااااااااااااااااني عطيت الاوردر من الليل خخخخخخخخ واللي بالي بالك مسويتها
  2. نسيت
    العشا
    قبل المغرب حبة سفندي وحبة كيوي >> يا بنات اللي تدل وين ممكن القى اناناس زين بالبلد رابع حبة اشتريها وتطلع مو مستوية او معفنة مع ان سواقي يعرف يختار متعودين على هالانواع ببلادهم جربت من جيان وكارفور والمزرعة وبنده وكلها ما تشهي
    والعشاء شربت شوربة كنور الكوب خطيرة لاتفوتكم وما تتعدى 76 كالوري
    يالله تصبحون على خير
  3. رهام
    اقلطي معانا الله يحييك واتحفينا بتجربتك

    حور
    خذي حبات المارس الصغار اللي مجموعة بكيسة وكلي كل يوم حبة وحدة ما تتعدى سعراتها 40 - 50
    هو الافضل تبتعدين تماما بس اذا ما قدرتي هذا الحل الافضل
    عالعموم احمدي ربك انه مو سنكرس ولا باونتي ذولي مصيبتهم اعظم وسعراتهم توووووووووووومتش

تابعي تجارب أخرى من هذا القسم.