السلام عليكم ورحمة الله وبركاته
صباح الخيرات يا قمرات
ماشاء الله مستحيل اقدر ارد عليكم بيوميات امس
ولكن بشكل عام
اشكر كل من سال عني
وموفقين اللي نزلت اوزانهم
والف مراحب بالجديدات
واشوف فيه تخبيص لكني بتغاضى اليوم خخخخخخخخ
وبشكل خاص
سحايب صيف
يا حبي لك والله يعوضك بخيري الدنيا والاخره اللهم امين
ام الوليد
الف مبروك على النزول وعقبال المثالي يارب
ام الكرم
اهلي قبل وفاة الوالد رحمه الله كانوا ساكنين بالحمرا
اكيد تعرفين بيتهم مميز هناك
البيت الكبييير على زاويتين مقابل ازاري للشقق المفروشه
وقتها لما بنى ابوي البيت شاف العماره مقابل البيت تمام قام اشتراها وسواها شقق مفروشه علشان يتسلى فيها
الحين بعنا الحلال كله خلاص وتوازعناه وامي سكنت الشاطيء علشان بيت اخوي هناك فاشترت فيلا جنبه
الله يرحمه ويسكنه فسيح جناته
-------------------------
من بعد مشاركتي هذه حبوبات بابدا بالانتظام بالردود
علشان كذا الله يعافيكم اللي سالتني سؤال امس تعيده الحين علشان ارد
والله لا يضيع لنا تعب كلنا
------------------------
يومياتي امس بنات ما تعديت ال 1500 تقريبا
لاني فطرت عند صديقتي حاطه سفره ممدوده الله يجزيها خير
اخذت ربع خبزه وقلت هذا حدي واكلت من كل الاصناف الى ان خلصت الربع خبزه وقلت الحمدلله
ثم شربت شاي بحليب وسكر تروبيكانا
واخذت قطعة حلا قهوة صغيره ومو دسمه
ثم رجعت البيت وعلى العصر جعت اكلت سندويتش فيها نص حبة مكدوس وبصل وطماطم ثم شوربة الكوب
كلمت امي وقالت بتجي
سويت ناجيت دجاج بالبيت قلت بجرب اسويها انا احسن من السوق
جبت صدور دجاج وسلقتها وشلت الجلد والعظم ونتفتها مع مكعبين ماجي وبصله و5 فصوص ثوم وبهار شيش طاووق من كارفور لذيذ وكمون وفلفل اسود ونص خبزه خلطتهم سوا يدويا يعني قطعت الدجاج بيدي ما فرمته - يطلع اطيب - ثم غمستهم بلبن زبادي وبقسماط وقليتهم - حطيت لبن لانه يمنع امتصاص الزيت ولا يعطي نكهة بيض ولان عمر الصغير معه حساسية بيض شديده- وقليتهم على نار حاميه بسرعه ما شربت زيت ابدا
بصراحه لذييذه جدا وصارت اقرب للكفته ولكن اهم شي حبوها الاولاد
اكلت منها حبه ونص فقط مع ان حجمهم تقريبا الحبه اصغر من البيضه
ووطلعت مع مامي وشربت عصير برتقال كي دي دي و كبوتشينو (ما قدرت اكمله صرت اشبع )
ما طبخت بالبيت شي كله برا وانا ما اكلت منه ولاااااشي
ثم اخذت للاولاد ايسكريم فانيلا كورن العادي ابو ريالين مو الدسم اللي بباسكن روبنز لا
اخذت اللي بثلاجة السوبرماركت
واكلت واحد مع البسكوته تبعه فقط
هذا كان اكلي امس
وزنت اليوم بنات
فرحااااااااااااااااااااااااااااااااااااااانه
حطيت ببالي اصير 63 قبل الويك اند وبفضل الله قدرت
وزنت الصبح لقيته 63.9 ادري قريب ال 64
بس قدرت اوصل للتحدي مع نفسي الحمدلله وماشاء الله
واليوم تمشية الاولاد بحاول اروح المجمع مشي وارجع مشي ان شاء الله تقريبا ساع رايح وساعه جاي
هذه كانت خلاصة يومياتي امس
------------------------
اليوم الى الان ما فطرت شي
بقوم الحين ان شاء الله اسويلي شي اكله وارجعلكم
باااااااااااااايووووووووووو
موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود
متابعة النقاش، صفحة 580