السلام عليكم و رحمة الله وبركاته
اسمحولي ما عرفت هل اكتب الموضوع اهنه او في قسم المشكلات الاجتماعيه
بصراحه من صدمتي امس قلت مالي غيركم
امس كنت مسويه حفلة في البيت و بنتي عزمت وحده من صديقاتها
و كان فيه كثير من الاطفال في البداية لاحظت زعل اخوها الوحيد و كان يصيح و
انا اعرف انه من النادر يصيح على اي شي طبعا هو ما تكلم لكن تميت اراقب الجو
شفت انه صديقت بنتي بعدت اخوها عنها هذا اولا ثاني شي تعامل الكل بكبرياء و قلت ادب
و تضرب هذا و ترد على هذا و تغلط على هذا و بنتي متقبلة الوضع
ثالث شي بنتي وجهت لي كلام و انا اصور بالكاميرا اول مره تناديني بهالطريقة ( ايه ) !!! ما قالتلي امي او ماما !!!!!!!
طبعا الي عرفته من صديقاتي اول ما رجعوا البيت اتصلت في كل وحده عشان اعرف شو الي صار معاهم
قالولي انه البنت ضربت وحده اكبر منها و ردت عليها رد وقح جدا و الي صدمني اكثر انها طلبت من بنتي
تسير تعتذر نيابة عنها ؟؟؟ حتى البنت الي غلطت عليها قالتلها ليش انتي تعتذرين لي هيه الي غلطت و هيه الي تعتذر مب انتي
و الشي الي لاحظته بعد انه تعامل بنتي كبشكارة عندها هاتي هذا ودي هذا سويلي الشي الفلاني
شو الحل كيف اتصرف هم اعمارهم في ال7 لكن مستحيل اقبل علاقتها ببنتي كيف اتصرف و اخلي بنتي تبتعد عنها
ساعدوني الله يخليكم :D:06:
شاركي في النقاش
سجلي الدخول لإضافة تعليق.
التعليقات
19- يماما انتي المسؤله عن بنتك
ابعدي بنتك عنها بأي طرييييييقة
بنتك في سن الطفولة وفي هذا السن طريقة تعامل الغير معاها راح يأثر بشكل كبييير على شخصيتها
لازم تكون قويه وما تسمح لاحد يسيرها
وكويس انك لاحظتي من بدري
اقطعي علاقة بنتك فيها
والله يحفضها ويخليها لكي ان شاءالله وتشوفيها عرووووس - الله يعينك بس فعلا لو تمت صداقتها مع هذي البنت راح تاثر على شخصيتها كثير
- حاولي تنبهين بنتك عن اخطا صديقتها بس باسلوب غير مباشر وحاولي تبعدينها عنها لازم تحس ان صديقاتها تسوي شي غلط عشان حتى في المدرسه تحاول تبتعد عنها
- اختي حاولي تبعدي البنت عن بنتك الله يحفظها لانه شكل البنت مسيطرة عليها وتعلمها التمرد
اللي اخشاه انها تعلمها سلوكيات ما ترضين عنها لان الاطفال يقلدوا بعض - اختي البنت لسى صغيره يعني عجين تقدرين تشكلينه على كيفك لحقي على بنتك بالاسلوب طبعا لان لو جيتها بالقوه رح تعاند لكن حاولي تكرهينها بتصرفات البنت وتقولين لها على الصح والله يحفظ لك بنتك ويحفظ لنا بناتنا
مواضيع مشابهة
تابعي تجارب أخرى من هذا القسم.