موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

ام الوليد مااصدق الكلام هذا وبعدين حتى لوكان صحيح انتي اختار ي بين 50 سعره زياده وبين صحتك
خليك واقعيه بعدين 50سعره تقدرين تحرقينها في شغل البيت او اطلعي مرتين على الدرج وتنتهي المشكله
والى ايش رايكم يابنات مبداء الرجيم هو البحث عن الصحه وليس دمارها

ام الوليد
لا اختلاف بالسعرات
ولكن هناك آليه للهضم ولها الدور الاكبر في حرق السعرات
يمكن حساب البيبسي دايت سعره واحده ولكنه بغازاته يعيق هضم الاكل اللي معاه فيمتص الجسم كل الدهون
ولا يستطيع ان يستفيد من الفيتامينات بالطعام وانا متاكده من هذه المعلومه

بعكس البرتقال حيث ان فيتامين سي اللي فيه يساعد على امتصاص الحديد والغذاء من الطعم عدا ان انه سائل زي الماء وليس غازي مما يجعله خفيفا ولا يعيق الهضم
ولكن احرصي ان يكون دافئا وليس باردا
فالمشروبات البارده مع الاكل تعيق الهضم لانها تبرد المعده فبالتالي تتوقف المعده عن عملها الطبيعي حتى تستعيد حرارتها المعروفه وهي نفس درجة حرارة الجسم

هنا بالحساب الكلي فان سعرات الطعام ككل تحرق افضل ولا يمتص الجسم الكثير من الدهون مع العصير خلافا للغازيات

اتمنى اني اكون افدتك يالغاليه

----------------------

جنوبيه

يا حياتي كنت اتمنى ال 70 ولما وصلتها تمنيت ال 60 والحين ال 50 خخخخخخ
بني ادم مافي فايده ههههههه

-----------------------

سلاام صبايا اش اخباركم
كن قويا
حبيبتي السكر جبته من المخازن الكبرى اللي عندنا بلخبر وطعمه جدا مقبول مثل تروبيكانا سليم ولا فيه مراره الا اذا كثرتي وااا بطبعي احب المشروبات حلاها وسط ولا استخدمه الا مع الشاي الاحمر والا الباقي اشرب بدون سكر
اجودية
يا هلا ومرحبا نورتي والحمدلله على السلامة
سحوبة
الف الحمدلله على سلامة الامورة وما تشوف شر ما انصحك تودينها اي احد مدام مالها رغبة
وما دام صحتها كويسة وتحاليلها سليمة واستيعابها ما شاء الله حلو لا ترهقينها بزيادة الوزن لاحقة عليه
بس عيبنا يا اهل الديرة نحب عيالنا مدغبجين وتري الاشياء اللي تسمن لها اثار سلبية لبعدين
اعرف وحدة من زميلاتي بالثانوي خذت حاجةللتسمين ما ادري اسمها خرز البقر
والله غدت حسيلة تنرحم مسكينة وما عود جسمها مثل ما كان
نصيحة قالتها لي وحدة من زميلاتي زماان لان واحد من عيالي كان نفس الشي ما اقتنعت بكلامها بس قلت اجرب
قالت شوفي نوع يحبه وكثري منه بتتوسع المعدة وبيصير يطلب وفعلا كان يفطر ويتغدا ويتعشا دونات
والحمدلله ربي فتح عليه وصار يجوع ويطلب اكل شوي شوي بدا يجرب لين استذوق الاكل
غريبة
آه يا أختي في الفصيلة المأساوية >> عموما لو قدرتي تغيرينها غيريلي على طريقك
من يومين اش صرت اسوي فطور جايبة تبروير اللي مقسم واحط جبنة فيتا مكعبات شوي وبالجزء الثاني خيار وطماط وبالثالث خس وجرجير واكلها بالشوكة واليوم نفس الشي بدل الجبن بيضه مسلوقة والغداء مشوي وسلطة والعشاء فاكه
بس انت حذاري تسوين رجيم فصيلة

جنوبية وانت بعد يا غريبة
اسمحوا لي لو بشد عليكم شوي بس صراحة احس ومو انتوا بس كلنا يجينا هالتفكير الغلط
يعني ما اعاقب نفسي واتذكر اعلن حرب على الشحوم اللي متكومة من سنين الا بالحمل حتى لو كان مشواري بدا وقطعه الحمل
افرمل شوي وبعدين اواصل
يا بنات استوعبوا ان فترة الثلاث شهور الاولى فترة تكوينية للجنين وبعدين يزيد الحجم وتنضج الاعضاء اللي اساسا هي قد تكونت
اللي تقولي المفروض ما يزيد فيها الوزن صح معاكم ليش لانها ماهي فترة اكتساب وزن بالنسبة للبيبي
وزن الجنين الى الشهر السابع 750 جرام يعني ما يكمل الكيلو
بس مهمة له التغذية لان كل الاجهزة تتكون بدايتها بهالفترة غير انكم ما راح تاخذون فيتامينات ومكملات الا بعد الرابع
فلا تستأثمون بنعمة ربي اللي انعمها عليكم وتندمون حيث لا قدر الله ما ينفع الندم
خصوصا ان البحوث العلمية الجديدة اثبتت علاقة كثير من العيوب الخلقية والامراض المجهولة السبب بنقص غذائي لاحد العناصر المهمة في فترة تكوين الجنين >> الله يبعد عنكم كل شر ويتمم حملكم على خير
واتركي يا جنوبية حليب خالي الدسم وبدليه بقليل الدسم لان فيه فيتامينات ما توجد الا ذائبة بالدهون وازالة الدهون يبعدها تماما

هلا ام عبد الرحمن
شوفي حبيبتي يو م شفتك بال 64 كان جسمك مرتب ومو سيء ابدا ويبان اقل
وهذي ميزة اجسامنا العريضة تعطي وزن اقل مثل ما امك قالت لي مو مبين علي وزني
بس تبغين نصيحة انا مو مع البنات ب ال 60 اتمنالك ولنفسي بين 57- 58 ويمكن انا اقل على اساس فرق الطول
مع اني بديت اشك اني يمكن اطلع اطول من 158 لان ما حسيت ان فيه فرق بينا بالطول يوصل 4 سم هههه >> يارب اطول يارب اطول
اقولك ليه هذا رايي
1- لاني دايما مع خليلك كم كيلو احتياط للمناسبات هذا رقم واحد
2-موضوع الشحوب والمرض وعدم التناسق كلها مسالة وقت ونفسية لانك تحسين بالفرق عشان تقارنين نفسك باول
مجرد ما ترتاحين على نظام تثبيت صحي بيرجع لوجهك النضارة اللي يمكن ما فقدت اصلا بس انت حاستها
والجسم بيرجع ينلف مع الرياضة وكمستوى شد وعضل وبيعطيك شكل احلى
يوم شفتك ما جاني اي انطباع ان هذي وحدة كانت واووووووووو متينة وذبل وجهها واختفى بالعكس كان مرة ما شاء الله مناسب
يمكن اصفرار شي بسيط لما انت لفتي نظري وهذا مع علاج فقر الدم بيروح اكيد
اللوجين
هلا وغلا يارب ما ننحرم من هالطلة الحلوة والبسمة الاحلى
وانا جاهزة حددوا الزمان والمكان >> بس يا ويل وحدة فيكم انت وام عبد الرحمن تشوف نفسها علي عشان لا زلت دبدوبة هههه
ترى بقش حلاكم وكوفيكم كله وبخليكم تحاسبون بعد

ام عبد الرحمن ههههههه
الله يقطع ابليسك عجبتني سالفة المدرسات والصينية عايشة معانا الدور صح
عشان كذا انا ما علمتهم مو نحا سة عشان ما تخلص عليكم هههه
تصدقين شكلهم جايبين كمية جديدة لان يوم اروح ما كان موجود الا 3 حبات بلدمام فقط والخبر والرياض اللي بطريق الملك عبدالله ما فيها ابدا
شكلي بروح اشتري لامي ولخواتي الحين قبل طق العصي على ابواب هوم بلازاا متخيلة الناس عند الباب صواني .... صواني
واللا يا حرام مو فاضيين يدوروز ورا الخبز اللي شاح بلبلد
تصدقون امس مرسلة سواقي مخابز الخبر الاتومايكية يجيب صامولي بر لعياي لان برهم الوحيد اللي حبوه وغير شوي عن الابيض
الموهيييييييييم بالعادة نشتري 10 اكياس ونفرزنهم الحين صار ممنوع العشرة كيسين فقط لكل مواطن
ربي يرحمنا برحمته هذا وحنا رقم 2 عالميا بانتاج القمح