مشكله مع أختي

أنا عندي أخت متزوجه وأكبر مني بأربع سنوات ..

من شهر تقريبا ونحن ما نتكلم مجرد سلام فقط .. لا انا أكلمها ولا هي تكلمني ..

والسبب أنا ما كلمتها بسبب هي ما تسأل عني أبداااااا :angry2:


وألحين هي ما مهتمه أبدااااااااااا أني ما أكلمها عادي عندها ..


يا ترى ويش أسوي لها ؟؟!!

إذا صالحتها بتضايق لأن المشكله ما بتنحل ..

أنا اريدها وحدها تصالحني ما انا ..........












جاوبوني بجد هل انا مريضه نفسيا ام هي الي غلطانه ؟؟؟؟؟؟؟؟؟؟؟

25 تعليق 3,003 مشاهدة

شاركي في النقاش

سجلي الدخول لإضافة تعليق.

التعليقات

25
  1. @aasl_sdr

    الله يهديك واذا هي مسئلت عنك انتي اسئلي عنها مو تهجرينها وماتكلمينها كذا يزيد الموضوع وتزيد المشكله ماتحلينها بهالطريقه

    ارجعي كلميها وسولفي معها واسئليها عن حالها والله يصلح بينكم
  2. سوري فديتج

    ماستوعبت المشكله

    أعذريني يمكن مخي شوي مقفل

    فهميني حبه حبه

    اختج متزوجه صارلها 4 اسنين حلو

    ومابينج وبينها علاقه غير السلام وعليكم السلام

    وتبيج انتي دايم الي تسألين عنها

    وكذا زعلت عليج .. وتبين كيف تصالحينها؟

    والسؤال الاخير هل هي غلطانه أو انتي مريضه نفسيه ؟

    أذا فهمي صح قولي نعم

    عشان أعرف أرد لووووووووووووووووووووووول

    سوري احسني متنحه شوي مخفي قفل
  3. @lo0oly_1

    مو مشكله اختي
    لاتشيلين في خاطرك عليها واسألي عنها انتي واعتبريها من باب صلة الرحم
    ويمكن مو قصدها شئ بس هو كذا طبعها وانتي مكبره السالفه

    يالله عاد دقي ولا يسير بينكم زعل ويدخل الشيطان بينكم وتري هو اللي يجبلك هذي الافكار
  4. @smart_3

    صاحبة الموضوع
    جـ:*ـ*:ـوري
    سوري فديتج ماستوعبت المشكله أعذريني يمكن مخي شوي مقفل فهميني حبه حبه اختج متزوجه صارلها 4 اسنين حلو ومابينج وبينها علاقه غير السلام وعليكم السلام وتبيج انتي دايم الي تسألين عنها وكذا زعلت عليج .. وتبين كيف تصالحينها؟ والسؤال الاخي…
    لالالالالالالالالالالالالالالا

    أنا ألي اريدها تسأل عني ما هي .. وعشان كذا انا ما كلمتها

    وهي زادت الحين ما مهتمه إطلاقا اني ما اكلمها وحتى ما سألتني عن سبب الزعل

    يعني المفروض هي تسألني ليش زعلانه بس هي ما سألت أبداا :(


    عشان كذا الحين ما تكلمنا
  5. @bylsan_15

    انا مستغربه ... ادور على المشكله بس مالقيت اي مشكله ...

    انا ماكلمتها وهي ماكلمتني ..عفوا هذي المشكله ممكن تصير
    بين الجارات بين الزميلات .. اما الاخواتت خييييييير ان شاء الله ؟


    هذي اختك .. ولازم اذا هي قصرت انتي ماتقصرين ..

    دائما خلوكم سند لبعض ..
    ووكل وحده تغطي على اخطاء الثانيه ..


    انا قريت العنوان قلت المشكله اكيد في مشكله صعبه
    ومعقده قلت فيها فلوس او مشاكل عائليه معقده او خناقه ..

    اختي اذا اختك غلطانه كوني احسن منها ..
    وصالحيها وانصحيها .. وقولي لها انك تشوفين صديقاتكم
    الاخوات يزورون بعض ويضحكون مع بعض ويدافعون مع بعض وانتي ودك تصيحين من القهر
    لان الناس ياكلونا بكلامهم واحنا ماحنا حاسين

تابعي تجارب أخرى من هذا القسم.