موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

بنات معليش حبايبي تو انتبه اني فوق كتب مقال مو مشاركة
بس وانا اكتب كان ببالي سؤال لنفسي
اقول اش نظرتنا للتوكل على الله لما كل وحدة تقول انا اتوكل على رب العالمين وما بيظرني شي ولا وكلي امرك لله >> ونعم بالله خير حافظ ولكن ........
هل توكلنا فعلا التوكل المقرون بالعمل في حديث <<اعقلها وتوكل
ارفع اصابيعي العشرة ان انا اول المقصرين

ام عبد الرحمن حبيبتي وانا اعرف ان قلبك كبير
اعذريني اذا كنت احيانا اجنح واطلع عن الموضوع الاساسي لتجمعنا
وهو معالجة مشكلة السمنة بس على قولتهم خلجات النفس وحديثها
اللي ما يحلى الا اخر الليل هههههههه

مرة ثانية اكرر اعتذاري ومن بكره بالتزم ادب الحوار في اربع كلمات
فطوري - غداي - عشاي - رياضتي

ام لين تكفين الى سندويشتي خصوصا اذا كانت بالطعميه والشطه ترا اموت اذا خذيتيها

اهلين بالاخوات الجدد معانا الله يحييكم ويجعلكم على القوه وتخففون اوزانكم يارب


انا اقول الصفحه منوره اتاري الشيخه رشيقه هنا يامرحبا يامرحبا
كلامك صحيح رشيقه وانا عارفه الشي هذا عارفه انه ماراح ينفعني في النهايه الى صحتي وعارفه كمان انه مادمت قويه الكل
يدور علي لكن لما اضعف محد راح يعبرني لكن انا فيني عيب النا س يشوفونه تميز وشطاره لكن انا اشوف انه عيب
ومشكله مالها حل وهي اني انسانه ما ارتاح الى اذا سويت شغلي بيدي زمان قبل زواجي كان عند اهلي شغاله والله المسكينه
طفشت مني بس لحسن حظها اني ما جلست معها الى شهر واحد فقط لانها جات من هنا وانا تزوجت من هنا
والله حتى بناتي اقولهم روحو غسلو المواعين مايمديهم يحطون ايديهم الى وانا معهم ما اقدر اعتمد على احد بدا
الله يعين مره تنومت بالمستشفى يومين وكنت حاطه في بالي اني بارجع القى الدنيا حوسه والله لقيت كل شي على احسن
مايكون لكن بمجرد ما رجعتلي عافيتي رجعت حليمه لعادتها القديمه

رشيقه عليك باية الكرسي والايتين الاخيره من سورة البقره والمعوذات ورقيا الحسد ولوتروحين لاحد يقراء عليك ترا مافيها شي
والله يشفيك ويخليك لعيالك

الله يجزاك خير جنوبية على النصيحة
أبشرك اني الحين احسن بفضل الله تعالى
لان سويت كل اللي نصحتيني فيه ولازلت مستمره عليه وعسا الله يثبتني
وعارفة الاهم ايش ؟؟؟؟؟؟
تبريت من عرق 07 اللي احسه من كلامك ههههه وكانك تتكلمين عني في يوم ما
بطلت الحرارة والادهار الي مال ابوه وامه داعي
وتري كل قناعاتي اللي قلتها لك جديدة ومستحدثة
متى تبنيتها ؟؟يوم وقعت ولا حدش سمى عليه هههههه
والحين صرت اكثر حرصا محاسبة على كلامي وتصرفاتي
حتى شغلي اسوي المطلوب في حدود امكانياتي وقدراتي
وحتى الاشياء اللي كانت بحسن نية تطلع مني صرت احرص
يعني استعين على قضاء حوائجي بالكتمان
احيانا يغلبني الطيب مثل قبل كم يوم بس عادي اخذ على راسي وارجع اقوم
كنا فين وبأينا فين
والله لما اتذكر ذيك الايام يجيني شعور ودي اطلع اركض بالشارع من الفرحة
الصحة ما تقدر بثمن خصوصا لو عندك عيال وصغار

السلام عليكم
حبيت امسي عليكم والا بمعنى اصح اصبح عليكم لان الساعه صارت 1 ليلا قبل انام
مع اني والله مازلت تعبووووووووووونااااااه تعبووووووناااااااااه :freak6:


رشيقه
سلامتك والله من المرض والله ماتوقعت انك مريتي بالحاله الخطيره اللي قلتي عنها
كنت احسب من كلامك انه مرض عادي مثل اي انسان يمر فيه
الله يكتب لك الاجر ان شاء الله عن كل لحظة الم عانيتيها وكل لحظة حزن مريتي فيها
لان المرض الله يكفينا شره يأثر اكثر شي عالنفسيه
الله يشفيك ان شاء الله
وفعلا الصحه تاج على رؤؤس الاصحاء لا يراه إلا المرضى
والحمد لله ان حالتك تحسنت
والمؤمن امره كله خير فهنئيا لك الاجر العظيم بإذن الله

وعلى فكره كرزه تسلم عليك خلصت عدتها ورجعت عند اهلها ويوم الخميس ارسلت لي مسج تقول انها بمكه تاخذ عمره لزوجها الله يرحمه
ووصتني اسلم عليك وعلى باقي شلتنا زمان
الله يصبرها ان شاء الله ويجبر مصابها ويبارك لها في ولدها



جنوبيه
يالصقره :icon20:
هدي اللعب شوي لين تولدين بالسلامه وبعدها ادهري بالكرف بتلحقين خير


ام عبد الرحمن
وام لين
سلامتهم الكتاكيت مايشوفون شر ان شاء الله



ام الوليد
موفقه ان شاء الله
حتى انا ودي اشترك في مسابقه عشان اتحمس بس دايم اجي على الحلقه الاخيره
اذا تخبرين مسابقه توها باديه عطيني خبر


ملكة الليل
ماعرفت الرقاق :nerd:
كل اللي ببالي انه الخبز اليابس اللي يتكسر
بس لما قلتي لين ماعرفته
ياليت احد ينزل لنا صورته واكون له من الشاكرين