بديت أعلم ولدي استخدام الحمام ... ولكن.......!!!

مراحب يا امهات طحت لكم على هافات روعه محشيه بقطن للتنقيط مايسرب على طول بس قلت لكم للتنقيط مو للبوله الكامله وشريتها ونفعتني وايد وبخمسه ريال للحبه شريتها من بيبي هوس اللي بالدمام لونها ابيض وفيها رسمه سفينه على ما اعتقد جربوها والله بتنفعكم

طيب يابنات انتوا كل كم تودوا عيالكم الحمام ؟
مثلا كل ساعه

احنا لسا لنا يومين بس هذه مو اول مره اعلمه
كل مااجيي اعلمه اما يجيه اسهال او نسافر او امرض
وكل مره نقطع التعليم
بس المره هذه باذن الله
يتعلم لاني حسيته خلاص ماشي حاله
مع انه يروح الحمام بالقوه

السلام عليكم
احب اضيف تجربتي يمكن تساعدكم وانا لاحظت انهه افضل طريقة مع بنتي والحمد لله شهر وارتحت..
انا علمت بنتي على الحمام بعمر السنتين وكنت من قبل دائما اجلسها على القيصريه اذا حسيت انهه بتتبرز يعني من عمرها سبعة اشهر كانت تعرف القيصرية..
لكن في التجربه الجديه ما شلت عنها الحفاظة لا من تشرب بربع او نص ساعه اشيل الحفاظة وتقعد على البوتيه اول الايام ما تتبول لكن بعد كم يوم راح تتبول وهذا اول تطور بعدين لازم افهمها لما تبول في الحفاظة انه غلط ولازم في البوتيه الى حد ما يبدأ الطفل يخبرج انه بيعملها في البوتيه من نفسه وهذا اللي صار معي ما شاء الله تبارك الله ونجي لليل خلوا الحفاظة عليهم ولا تعطونهم شرب الا قبل ساعة من النوم ونص الليل كنت اصحيها مرة تبول في القيصريه ونرد نلبسها الحفاظة وتكمل النوم وأخر شي الطفل بيصير جاف فالليل وهني شيلي الحفاظة نهائي وهذي الطريقة اللي نفعت معاي واخذت تقريبا شهر لكن اهم شي تدخلونهم الحمام بعد الشرب ولا تسون عقب كل مرة يقضي الحاجة المكافأة بشي بسيط انا كنت اعطيها حبه شوكولاته دائرة صغيرة جدا وداخلهه زبيب اشتريهم في كيس تاكلهه وتفرح.

مرحبا يا حلوات.. :26:

ما شاء الله تبارك الرحمن .. شو هالنشاط :biggthump.... عيني عليكم باردة والله.


في البداية سامحوني على الانقطاع .. بس لاني سرت بيت أهلي كم يوم وكمبيوترهم فيه فايروس .. وتوني رادة اليوم بحمد الله.

طبعاً احنا كملنا شهر من وقت ما بدينا تتعلم استخدام الحمام .. والحال بشكل عام على ما هو عليه .. وبالعكس كانت فيه للأسف كبوات في بيت اهلي بسبب اللعب الزايد والحركة الكثيرة .. بس اخر يومين رجع لعقله وصلح غلطته :rolleyes:

وبالنسبة لوقت النوم .. بعدنا مرة البامبرز نظيف ومرة مليان .. عشان جذي ما فكرنا نبدا نخلي البامبرز وقت النوم.

ويوم كنت في بيت أهلي ولدي طلع مرتين من غيري .. مرة مع خالته ومرة مع خاله .. وفي المرتين كانت أموره تمام ويدخل حمام المول عادي ... بس بعده يخاف من رشاش الماي مالهم :rolleyes:

واليوم واحنا راجعين مرينا على الجمعية قبل ما نرجع البيت .. ويوم كنا واقفين عند الكاشير عشان الدفع لقيت ولدي واقف يتعصر ويلف ريل على ريل .. سألته فقال لي انه يبا يروح الحمام .. فقلت لزوجي (الولد يبا يروح الحمام .. يالله نرجع البيت بسرعة عن الفضايح) .. بس زوجي كان كوووووول وعادي وقال لي (عادي خليه يتعلم يمسك عمره).

تبون الصدق انا كنت خايفة لأن احنا يوم نكون في البيت والحمام على بعد خطوتين ينقط في ثيابه .. فكيف عيل يوم ما في حمام ابدا في المكان ويبالنا وقت لين نرد البيت!!!! .. بصراحة توقعت انه يسويها في ثيابه .. بس الحمدلله ولدي اول مرة يمسك نفسه لمدة ربع ساعة تقريباً وصبر لين رجعنا البيت وعقب ركض على الحمام :wink: