شاركي في النقاش

سجلي الدخول لإضافة تعليق.

التعليقات

146
  1. @tamh

    الحمدلله على نعمة عدم الاختلاط...نعمة مانعرف قدرها الا اذا فقدناها...
    يالله كملي الله يسعدك...
  2. صاحبة الموضوع
    بسبوسة حياك انا امليك وانتي اكتبي
    البزران مشغليني اكتب سطر و اقوم اشوف ايش يبون

    شكرا لجميع العضوات و الله مو قصدي اقطع عليكم بس الموضوع توني اكتبه توني اليوم جا في بالي اكتب تجربتي

    المهم اكمل معاكم

    انا ظليت ابين له اني مو مهتمة و اني واثقة من نفسي و حاولت فعلا اني اتجاهلها
    لأني ان ظليت أتخانق معه بسببها راح تصير حياتنا جحيم وراح أبان اني مو واثقة من نفسي و فوق هذا راح اطلع شكاكة وأن تفكيري خلاص صار زي الحريم الي ماشغلها الا زوجها تكتم على انفاسه

    صرت اقنع نفسي انه مستحيل ينجرف وراها و مستحيل يسويها و يزوجها حتى لو خطرت الفكرة في باله
    امه و ابوه اكيد ماراح يأيدونه على هالشيء
    صرت أقنع نفسي هو لسه ماتخلص من ديون عرسنا مو معقولة راح يورط نفسه في ديون ثانية
    بس خفت انها موظفة و يمكن تساعده بفلوس او ماتطلب كثير
    حاولت اني اطردها من تفكيري و صرت أحيانا اتصل بشغل زوجي و اطلبها بالأسم و اسولف معها
    مو هي تبي نصير أصدقاء خلاص
    صراحة لمن صرت اتصل عليها اكلمها كنت احس انها مرتبكة ومو عارفة ايش تقول و ودها تخلص المكالمة بسرعة

    ظليت كذا فترة طويلة ما اجيب طاريها نهائي وبعدين صرت كل فترة و فترة اقول ايش أخبار فلانة
    من باب السوالف العامة يعني و اسأل بعد عن فلان و علان عشان لا يحس اني اتقصد أخبارها

    المهم يوم من الأيام قال انها مسكينة عمها حاط عليها حطة يبي يزوجها بس هي مو راضية
    قلت ليش ماتبي تعرس البنت؟
    قال هي تقول عمها جايب واحد مو جامعي , مو نفس تفكيرها
    وهي تبي واحد جامعي, وتفكيره متفتح يفهمها يحس فيها مو أي واحد و السلام

    قلت له الله يوفقها و يعينها لو أبوها عايش ماكان عمها تحكم فيها
    وانا في بالي اقول حسبي الله عليها تبي تبين لزوجي انها مرغوبة وانها تبي جامعي و متفتح يعني عشان زوجي يحس انها تقصده هو ؟ اياك اعني و افهمي يا جارة
    صارت البنت تلمح بالعرس و ماتتكلم الا بالعرس

    ظليت كل فترة أسال عنها و اقول ايش صار على موضوع فلانة و ان شاء الله عمها فكها من شره

    زوجي يقول أن عمه مهددها يا تتزوج يا بيطلعها من الشغل
    وعمها يقول لها احمدي ربك انك لقيتي واحد يجي يخطبك وانت اصلا تشتغلين في مكان مختلط مين يفكر يبيك

    وهي مسكينة تقول لو انه واحد يسوى لو أنه واحد يملى العين كان وافقت على طووووووووووووول بس ما اقدر اتزوج أي واحد

    وكل يوم تجي الشغل و هي تبكي من عمها

    أنا حسيت انها كذااااابة ما نخطبت ولا شي هي تقول بس كذا لزوجي عشان يتصرف بنبل و شهامة و ينقذ سندريلا البنت اليتيمة من قبضة عمها الشرير الي يبي يزوجها غصب

    طبعا ما قلت لكم بنات عن سوالف عمها كيف يذلها هي و امها و اخواتها و كيف بنات عمها يعايرونها

    وأنا أقول لزوجي مسكينة الله يعينها الله يرحم بحالها الله يرزقها بابن الحلال
    وانا داخلي أقول حسبي الله منها الله يكفيني شرها ان كيدهن عظيم

    صرت افكر و افكر ايش اسووووووي احس خلاص السكوت صار خطر هي أشوفها صارت تتمادى صارت تحكي بعرس و خطوبة ويمكن قالت هذي هبلة مقدوووور عليها


    اقروا هذا على ما أسوي كوب شاي و أجي
  3. صاحبة الموضوع
    أختي طامح القصة هذي حدثت في الرياض
    للأسف في أماكن عمل فيها اختلاط
    الشر هذا و صل لكل مكان و البنت هذي منقبة و قبيلية بعد
    بس ايش تقولين
  4. @um_abdulatif

    قهوة بدون حليب
    أهلين خواتي أولا أبشركم القصة قديمة انتهت و خلصت الحمد لله بس أنا أنقلها لكم الان للفائدة شكرا لكل الردود على كلام زوجي الظاهر بس هو الي كانت تطلب منه يجيب لها أغراض وعلى فكرة هي كانت محجبة و منقبة بعد هي جاته باسلوب ما حسسته انها تق…
    :26::26::26::26::26:
    عزبزتي
    ارجوا من الله السميع العليم ان يبعد شر هاذي المخلوقه عنك وعن زوجك
    بس نصيحتي لك توخذي الموضوع بهداوه ,لان بعض الازواج اذا شاف زوجته معنده على شي سووا العكس
    وخصوصا ان على كلامك ماخذ الموضوع شهامه وتعاطف.
    واتمنى لك التوفيق
    :26::26::26::26::26:

تابعي تجارب أخرى من هذا القسم.