في امان الله نايمه بالليل والا جوال هوسبندي رنااااات ويقطع
وعاد انا خفاشه ونومي خفيف وماحب هالحركات
صحى هوسبندي وصحيت
وعلطول مافي تفاهم طلع اللسان وش طوله وصل الدريشه اخوك مايستحي بس يدقدق لا ورنات بعد بنااااام
وهوسبندي ساكت
وبعدين قالي هذا رقم ماعرفه وحط الجوال اخرس ورجع نام
وبعدين انا نطيت من السرير زي السعدان الظريف
ونقزت لغرفه التلفزيون لقيتلي حرمه تطبخ :7_2_103v:يحووووول نص الليل قلت خليني اطالعها
ولما خلصت الحرمه طبختها (طلعت رز ودجاج هذه اخرتها) بس اسم الطبخه اختراع
جلست ادور في البيت زي المروحه وقلت خليني اخذلي بلوتوث من جوال هوسبندي
واثناء النكش
ظهرت لي رسايل من حرمه ودها تعرس مسيار ولقيته نفس الرقم اللي متصل بالليل
انا فتحت الكراج من الخرعه :o
واجيكم انا كما الثور الهائج وانقل الرقم عندي <<< وبس هذا اللي طلع
الحمدلله انه مارد على الرسايل
ولما صحى وجينا نفطر قالي في حرمه بايره ترسلي ووراني الرسايل اشوا والا كان مصرعه في التو والساعه على يديني بمساعده صديق
شكله الله العالم يحسبها من الحركااااات القديمه اللي اروح اعطي رقمه احد يعطيه رنات ورسايل
واذا داخ وعاش الجو انقض عليه واقول انا مسويتلك اختبار (الحمدلله والشكر حركه غبيه تجيب الطقاق وفرك الخشش بالقاع):42:
ورحت لاختي وقلت هاتي جوالك عاد اختي هذه تحسب الدقيقه ب100 ريال بخيله بخل ماصار وعيت تعطيني
قلت بس رنه
وافقت تحت الضغط ولازم قدامها ادق:09:
المحرومه مو وجه جوال حدها الثابت ابو قرص خخخخخخ
عطينا راعيه المسيار رنه؟ وهجينا! بعدها دقت علينا بحماس
اول مافتحت الخط والا اللي ردت علي بصوت ديناصوري عاللللللللللو :11:
سكرت الخط وصارت كل شوي تدق واختي تهوش تحسب الرنات بفلوس الظاهر خخخخخخ
ورحت لبيتي والا الثابت يدق
الو! والا وحده تقول عاللللللو (مهي غريبه ها لعلللللو الديناصوريه)
قالت بكل بجاحه وين فلان؟ تقصد هوسبندي
انا تروعت خلاص قلت اعرس ابن ..........:06:
قلت انا اخته خير ياديناصور! ضحكت ضحكه الشيطان:30: وقالت حنا عياده مدري ايش للاسنان وحبيت بس اذكره بالموعد
خليه يكلمني ضروري (بصغيه سوي اللي اقولك عليه ياحرمه) عشان نسوي مدري ايش!
قلت مين يكلم قالت فلانه
رجع هوسبندي وركضه يشحن الجوال مافيه شحن من يوم طلع
وانا يقالي نيوتنه (من نيوتن) استنتج واحلل عشان كذا دقت على العريس عندي بالبيت!
بعدين رحت نكشت المحفظه لقيت كرت العياده وسويت نفسي لقيت الكرت طايح وسألته وقالي ايه وعندي موعد ثاني بس خسروني يسوون اشياء مالها داعي عشان الفلوس
عرفت العياده ومكانها
ورحت مع اخوي الصبح للعياده وقلت وين الديناصوره العاشقه؟! وتنطلي؟
قلت اسمعي ياحررمه شوفي نصيبك بعيد عنا في حته تانيه حتى حنا منقرضين من زمان
ولاتدقين على فلان : قالت ماعرفه, قلت رسايلك عندي قالت يمكن لخبطه وبعدين من انتي؟؟؟
قلت ياحرمه انا الحرمه اللي ودك تخربين هاوسها
قالت موانا وياله ياله وتروح تجلس بالرسيبشين
وانا تخرب اخلاقي وارجع ثور هائج واقول وين المدير؟ وهي مسويه نفسها ماهمني؟:angry2:
واطمر للمدير واقول عيب على موظفاتك يزعجونا
تدرون وش قال ؟؟؟؟
قال مو انتي اول وحده تشتكي منها
هذه مطلقه وسوت هالحركه اكثر من مره
ومره جاني رجال يقول تدق علي
انا قلت لاتقطع رزقها حرام بس نبهها والا ببهدلكم
قال انا صابر عليها ابوها شايب وجا ترجاني اشغلها
صراحه ياحررررريم انكسر خاطري <<< بس ولو وش هالصيد الغبي في الماء الوصخ
واحيانا اقول يمكن حسبته عزوبي ماتدري انه متزوج
وانقطعت وربحت المعركه!!:icon28:
ورجعت لهبالتي المعهوده وعلمت هوسبندي بعدها باسبوع
قال يووووووه رحتي ضربتي الحرمه ماتبين عندي معجبات
قلت من زينك يابو سنون خربانه :22:
اسمع مو انا اللي ينلعب عليها وياويلك تطب هالعياده
هذه القصه منذ سنتين عشان كذا اقولها بسخريه والا حزتها مولمتلها ساطور بقطعها فيه كالبقره!
أي سؤال عن كيفيه التحري وكشف الجناه انا حاضره يمكن في تفاصيل ماكتبتها عاد انتم ياحريم حواء ياليتكم شاطرين بحياتكم زي مانتم شاطرين بتصيد الاغلاط خخخخخخخخخ
عموما هوسبندي كل فتره يذكرني بالسالفه؟ وذكرني فيها امس؟
توقعون ليه ياحرررررريم جاوبو؟؟
الموضوع مغلق