شاركي في النقاش

سجلي الدخول لإضافة تعليق.

التعليقات

84
  1. @am_amp_amz

    صاحبة الموضوع
    akg
    الله يسعدك على الكلام الحلو فعلا عيوني دام ضميرك مأنبك فهذا يدل على أصلك ولا يقلل منك شي لو قلتيلها معليه ترى أنا كنت خايفة على الولد وصرخت عليك تراها بتشوفها كبيرة منك وبتلاقيها بعد اليوم حريصة لارضائك هذا غير الاجر العظيم
    اختي الفاضله: احلى مطيريه،كلامك عين العقل ومشكورة ياقلبي على مشاركتك،،
    فعلا،بعض الاخوات يعتبرون الام اذا وصت الشغالة تتابع ولدها انها مهملة واتكاليه وماتتحمل مسؤوليه و و و ....الخ!!

    اختي ghada74 :ما يحتاج تنبهيني وانا اختك،انا وش قاعدة اقول من الصبح،وليش كتبت الموضوع من أصله؟!
    انا قلت اني (متحسفه) لأني هاوشتها،انا ماكان ودي بكذا لكن ردة فعل جت سريعه من خوفي على ولدي،والواحد وقتها مايفكر!

    اخواتي: princesah ، دلوعة الهم، دلوعة كلمتي مسموعة، لحظات ولكن، ام لوليتا 22، akg يعطيكم العافيه حبيباتي،شاكرة لكم مشاركاتكم الكريمه.
  2. @anghm_alshok

    شوفي اذا بتاخذين نصيحتي لا تخلين الشغالة مع ولدك وخاصة في الطلعات اقولك ليش والله ياما سمعنا عن امهات اعتمدوا على الشغالات وخاصة في الاستراحات والولد طاح في المسبح او طلع لشارع ودهسته السيارة وحوادث ما لها اول وتالي ولا الي تخلي اولدها في الملاهي مع الشغاله يالله وش هذي القلوب
    اصلا الشغالات ما يصدقون يطلعون برى الا ينسون الأولاد ولاهمهم شي

    لذلك خوذيها درس لا عاد تعتمدين عليها خاصة وان ولدك لسى صغير خليه بين عيونك الله يخليه لك يارب


    وهي خليها للبيت والتنظيف والتلميع
  3. @alans_1

    معليش اختي اذا كنت استقدمتيها على فيزة عاملة منزلية ما يحق لك تسلمينها امور ولدك انا عارفة ان غيرك يسوي هالشي بس انا اقول لك القانون

    يعني هي لها حق انها ترفض تعتني به لأنه مو الشغل اللي اتفقت مع المكتب عليه
  4. @am_amp_amz

    صاحبة الموضوع
    الانسة
    معليش اختي اذا كنت استقدمتيها على فيزة عاملة منزلية ما يحق لك تسلمينها امور ولدك انا عارفة ان غيرك يسوي هالشي بس انا اقول لك القانون يعني هي لها حق انها ترفض تعتني به لأنه مو الشغل اللي اتفقت مع المكتب عليه
    عزيزتي انغم الشوق: عمرنا ما اعتمدنا على الشغالات لا باستراحات ولابغيره،ولازم نشيك كل شوي.
    مافيه ام بترمي ولدها على الخدامه وتتكل.
    ولعلمك الملاهي و الاستراحات اللي فيها مسبح هذي انا حاطه عليها 70 اكس وعمري ماطلعت،لو اني من النوع اللي يتكل كان طلعت وقلت معه شغالته.
    ** سؤال: وش قصدك بقولة (وش ذا القلوب)؟؟!
    ما راح تكونين احن على أطفال الناس من أمهاتهم يا عزيزتي،وما يحق لك تصفين غيرك بقسوة القلب بقولك (يا الله وش ذا القلوب)!
    وانا ذكرت سابقا يا عزيزتي نقطة ان الخدامه تتابع ولدي فهذي انا مقتنعة فيها ولا ابي احد يناقشني بها،مافيها شي اذا تتابعه تحت اشرافي.
    اهم شي اني ماأتركه لحاله معها، وكل أم أدرى بوضع بيتها وبولدها وباللي يناسبها.

    الأخت الانسه: انا شارطه بالعقد (تجيد رعاية الأطفال) على أساس تكون حليوه مع ولدي، يعني مالها أي حق ترفض وهي جايـه بناء على الشروط.
  5. @ana_bnt_alaarb

    والله إني اتغثيت وأنا أقرأ بعض الردود!!
    الحين الحرمة جاية تفضفض لكم وتعترف بغلطها مع الشغالة، وتبغى منكم النصيحة وكيف تصلح خطأها وتردون عليها كدا؟؟
    الله يهديكم بس!
    مو كذا يكون التناصح في الله،، الحين بتدلوها على كيف تصلح خطأها وللا بتقعدوا تسبوها؟!!
    ما عليكي منهم يا أختي،، مثل هذي الردود لا توجعي راسك بيها طنشي أصحابها أحسن!!
    يا أختي أنا بشوف إنك تعتذري لها وتحاولي تطيبي خاطرها ، هذا علشان لا يدخل الحقد قلبها وتفكر في الإنتقام - وياما سمعت قصص تشيب الراس عن إنتقام الخدامات من أقل خطأ- وبعدين إذا شفتي إنها لسة زعلانة أو حسيتي منها إنها بدأت تحقد عليكي لازم تطرديها وتجيبي غيرها ،، صدقيني علشان تسلمي من شرها،، وألف سلامة لولدك...

تابعي تجارب أخرى من هذا القسم.