موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

السلام عليكم ورحمة الله

كيف الحال ام عبد الرحمن........الله يعطيك الف عافيه على الموضوع بصراحه اتشجعت لكلامك وودي اكون معك خاصه انك درستي الموضوع من كافة جوانبه........ انا طولي 160 مثلك ووزني الان اتوقع علي حسب اخر وزن لي 66 وابي انقص على الاقل 6 كيلو بس في عندي مشكله ابيك تساعديني فيها......... بصراحه لو نزل وزني احس وجهي يضعف وبصراحه الحين احسه مليان ومتناسق
بعدين مثل ما قلتي المؤخره ما صدقت زادت شوي خاصه انه ما في شي من الاساس........بس هذا الي ابي اعرفه ايش رايك فيه ........انا امشي بس 20 دكل 3 ايام على السير الكهربائي بس في ناس حذرو منه لانه يسبب تاكل في الركب ايش رايك بعدوصراحه انا ما اقدر اروح نادي رياضي ولا شي با لاضافه الى انه المشي في الطبيعه صعب مثل ما تعرفين... يا ليت القى عندك ردود..على فكره انتي حسيتي المشي شد جسمك؟ وجزاك الله الف خير يا الغاليه

سلام عليكم ابشركم وصلت بالسلامه كيفكم ياحلوات اولا نقول الله يرد بسام لاهله ويصبر قلب امه وابوه
رشيقه تكفين لوسمعتي اخبار جديده عنه تخبرينا
بنات الحمد لله رحنا للبر مع ان الجو اليوم كان حار بس ايش اسوي العيال يبون البر المهم
طلعنا من الصبح وذاك الفطور الي على كيفكم وبراد الشاي على الجمر ياسلام والله موب زي الشاي في البيت
وبعده قلنا نمشي رجولنا اشوي واندور حطب نبي انسوي زي المسلسلات البدويه هههههههههههههه
بس الله لايوريكم رجع ولدي الي اقولكم انه يقول لاتردو ن على التلفون على ترمس المويه وهويطيحه من السياره
وتنكب المويه ومابقى معنا الى جيك مويه جايبته علشان الشاي وعلشان ازيد على الثلج حتى الثلج راح علينا
قلت خلاص نرجع البيت ويلزمون مانرجع الى بعد الغداء واقوم من الزعل احط البصل والطماط والفلفل والبهارات
والدجاج والزيت واليمون الاسود كلها مع بعض في القدر واحط عليه المويه واحطه على الجمر واغسل الرز واصبه عليها
وهم يقولون وين الشوي وين الكباب قلت بعد تبوني اشوي في هالحر ومافيه ثلج واتقوم بنتي ثلف البطاطس في القصدير
واتحطه على الجمر واجلس اسوي السلطه وما صدقت يخلص الغداء اغديهم علشان ارتاح بس والله ياطعم في هالغداء
الي ما ادري واشلون سويته يجنن اكلنا اكل الحمد لله حتى البطاطس ما اكلناه الى في البيت لانا اكتفينا بالسلطه
والكبسه والعصير ولعبوالعيال اشوي والى كل واحد يقول ابي مويه قمنا مشينا ومن سوء الحظ يوم وصلنا البلد
سكرت المحلات علشان الصلاه ونصبر الين وصلنا البيت وهجوم على الثلاجه الي يشرب مويه والى عصير
بغينا نموت من العطش قلت هذي اخرتها توبه ما عاد فيه بر بس اتصدقون لما جيت من البر لقيت وزني نازل نصف كيلو
مع اني مسويه حلى وماخذه مكسرات وشاي وقهوه ونعناع يعني من رحت وانا اكل غير الغداء والعصير
واكلت حبه بطاطس مشويه
قمت الصبح وزني 69 ويوم رجعت من البر قلت لازم اشوف وش سويت في نفسي اليوم
والله يابنات لقيت وزني 68,600 وانا الصبح على الريق وازنه يقول ابونا هذا من تاثير الشغل تحت الشمس وكمان الزعل
علشان المويه الي انكبت علينا ههههههههههه
معليش طولت عليكم بالسالفه

كيف الحال يابنات انه ودى اسوى الرجيم وزنى 100 كيلو واتمنه اضعف بس عندى سوال كم ينزل بالسبوع جاوبونى ضرورى بليز:06::06::06:

سلو قلبي حبيبتي اهتمي بصحتك زين ولاتتعبين نفسك وما دام عديتي الرابع ان شاء الله خير
وامشي على نصائح الطبيب احسن وعلى فكره عندنا في السعوديه دكتور مشهور اسمه جابر القحطاني
في حلقه من حلقاته سالته وحده عن الاغذيه الي تساعدعلى تثبيت الجنين والله انا تفاجات يقول كثري في الورقيات
الى هي الخس والجرجير والكرات والبصل الاخضر سبحان الله ماخلق شي للعبث او للمتعه فقط الى لازم يكون فيه فايده
للجسم فانتي كثري فيها وهي بعد تخفف الترجيع

معليش باروح احضر العشاء وبعدين ارجع لكم

بناااااااااااات

اشتقتلكم كثير
كنت بالدمام امس واليوم

توني راجعه قبل شوي
قرات كل مشاركاتكم وبرد عليكم لاحقا ان شاء الله

خبصت كثيييييييييير
بابتدي الدايت بكره ان شاء الله اليوم الاول فقط
ثم بعيده من السبت معكم ان شاء الله

علشان اخفف شوي