اخواتى العزيزات الخلطه غريبه شوى بس والله انى عملتها من خلال بحث فى مواضيع فى قوقل وكثير من مواضيع اخواتنا فى منتدانا الغالى يعنى انا مالى فضل فيها بس لاتضحكون ولا تتطنزون لانى والله فى خلال مده قصيره شفت لمعه بشعرى واحس انه تغير يعنى مع الاستمرار ان شاء الله يكون احسن واهم شى عندى ان التساقط خف علما بانى الحين ارضع و تساقطه طبيعى الحمد لله والى ماتناسبها لاتدعى على
المهم انا قريت موضوع كانت وحده من الاخوات تقول ان العطار قالها لماسالته عن زيت البصل او زيت اخر والله انى ناسيه انه قالها انهم مجرد يجيبون البذور ويحطونه باى زيت ويصير زيت كذا وزيت كذا
عاد انا قمت وخذيت الزيوت الى امدحوها البنات وجمعتها
زيت جوز الهند الى بعلبه حديد وعليه نخل+زيت سمسم 1+زيت اللوز 2الحلو+زيت خروع 2 +8 فصوص ثوم +نعناع كبشه ملاء يدك +بردقوش ملاء يدك +قشر برتقالتين مقصصه تقصيص ناعم +جرجير حزمه مفروم +سمسم اسود هم ملاء قبضة اليد +زعتر الى يشرب هم ملاء قبضة اليد +وبيالة رشاد +وبيالة حبه سوداء +وبيالة حلبه طبعا كلهم حب بدون طحن +وكاس زيت زيتون الاصلى كاسه كبيره نوعا ما وحطيت ملعقتين سدر انا مدرى ليه حطيت سدر بس فيه كثير بنات مدحوه وحطيتهم بعلبة قزاز كبيره وحطيتهم بدريشه الغرفه من برا يعنى يحتر على الشمس وخليتهم مده قرابة شهر او اقل شوى لا ماكمللو شهر وشخلتهم وخذيت الزيت وحطيته بعلبه بلاستيك والله انى قمت ادهن فيه شعرى احس الشعر صار حيوى ووقف التساقط وانا ارضع ومااخذ فيتامينات ولا شى بس امانه الى تجرب تسدح لنا تجربتها ولاتبخلون علينا بردودكم وانا ابيكم تستفيدون ولان الخلطه تجميع من هالمنتدى الغالى حبيت انى اقولها لكم بس كنت ابى اتاكد من نتايجها وادام ان بعضكم حب يعرفها قبل لااتاكد من مفعولها بشكل موثوق قلتها لكم والعذر والسموحه والى ماتناسبها تكفون لاتدعى على علما بانها طبيعيه وانتى تكونين مسويتها بنفسك وعارفه مكوناتها واكيد باذن الله مارح تضر احد بس بصراحه انا لاحظت التغير بشعرى صح المده قصيره ومو تغير ملموس يعنى مااقدر اقول كثر ولا طال بس تعرفون لماتحسين ان شعرك بدى يتحسن وتلاحظين توقف الشعر عن التساقط خواتى السلام ختام والله يهديكن لما يحب ويرضى
خلطه من صنعى والنتيجه بعد شهر؟ واخبركم فيها
متابعة النقاش، صفحة 2