صباح الخير بنات كيفكم كيف ايامكم عسى الويك اند كان حلو معاكم
انا الحمدلله تمام اليوم هو اليوم الاول من الرجيم الثاني
امس شربت من السنا كانت ريحته مادري شويه قويه وغريبه مادري
بس فعلا حلو مفعوله جدا رائع
لسه ما فطرت بعد شويه راح افطر
تحياتي الحاره لكل الحلوات اللي سلموا وباركوا ليا
هذا من طيبكم والله
تعالوا ابي اسالكم عن الميزان
لاحظت ان ميزان البيت النوع اللي توقفين عليه
اوكى يعطي قراءه تختلف عن قراءة ميزان المستشفى بحيث ان ميزان المستشفى
يزيد عن تبع البيت بثلاث كيلو
فمادري شويه يقهر بس اتمنى تكون معلومه فلط والا على كذا كل ماوزن لازم ازيد ثلاث كيلو على وزني
معناتها مزيدا من الاحباط والممل
انا من قبل ما اتزوج وانا اوزن على ميزان البيت وكانت تعطي دايم 55 او 56
بالحدود هذي وحتى بد الزواج نفس الشي
ولما اسوي دايت بعد الولاده ارجع الى نفس الوزن
بس من جبت طفلي الثالث وانا بديت احس بصعوبه بانقاص الوزن
لكن بعد كل ولاده تصعب اكثر مثلا الاولى من دون ولا شي بس اكتئااب الولاده والنفاس كان كفيل ينحفني لانى ماكنت اكل ابد وبسبب فقر الدم بعد سد نفسي
الثاني تخفيف اكل ونزلت بسرعه
الثالث رجيم اول مره بحياتي اسويه الرابع رجيم ورياضه وبصعوبه قدرت اتحكم فيه لكن بوقت قصير اما الخامسه فهذي ابو التناحه جلست تقريبا سنتين انزل وزني وكان ينزل بصعوبه والله بس في النهايه انضبطت
وظليت مدة تقريبا ست سنوات بعد ولادة بنتي نوف محافظه على وزني وجسمي لكن من نقلت لشقه وعقبها للبيت اقصد انى كنت ساكنه في بيت اهل زوجي لكن بعد12 سنه طلعت في شقه لوحدي وعقبها بيت اجار
المهم من هنا بدا وزني يزيد على شويه شويه مع العلم انى ما اكل لولا شي كان اكلي عادي
الى ان حملت بمشوري الله يحفظه وهنا انبطيت بقوه وصلت الثمانينات صرت كنبه متحركه والله لما اطالع ظلي على الجدار اشوف وحده ما اعرفها انا
عقب الولاده انسخط ال 13 كيلو لانى كنت عايشه على تمر وعصير كي دي دي وكب كيك
هذي كانت عيشتي بالنفاس لان ماكان عند شغاله وقتها وكنت والده قيصريه
عقبها صار ينزل كيلو كل شهر لوحده وانا اكل عادى مااحرم نفسي ولا اقلل اكل
الى ان وصلت السبعين وهنا تنح وانا زهقت كمل ولدي سنه وانا ماخلصت نزول الوزن
اشتركت بمركز دايت سنتر للمعيبد وخلال شهر نزلت بس 3 كيلو مع انها حاطه لي بس الف كالوري وماكنت الخبط بره اكلهم ولا اروح مطاعم والعب رياضه 3 ساعات باليوم بس مادري كان نزولي يقهر
قالت اخصائيه التغذيه بسبب الدوره وحبوب منع الحمل
عاد القهر انو كان اشتراكهم غالي بس قهر ما جاب نتيجه فكرت اشترك بدايت سنتر اللي في الراشد
لكن ترددت خفت ماانزل نزول معتبر مثل سالفة المعيبد مع العلم انهم اقل اسعار من المعيبد وحركاتهم احلى واروق
بس مادري
الحين انا معاكم وما شاء الله الاسبوع الماضي خلال ثلاث ايام ف رق معاي 2 كيلو
انبسطت وقلت اكيد النفسيه لها واتمنى انى انزل اكثر انا احب اكون مع قروب يشجع ما احب لوحدي
ازهق بسرعه
بس الله ييسر لنا كلنا النزول ونوصل لاهدافنا بسرعه
سوري على الاطاله انا قايله لكم تراني هذذذذذذااااااااااااااااااره اذا فتحت فمي وما اسكت واذا بديت اكتب ما اعرف اوقف
لووووووووووووووووووووووووووووووووووووووووووووووووووووووووووووووول
سلام
"معا نحو وزن افضل"
:26:
موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود
متابعة النقاش، صفحة 1,162