موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

متابعة النقاش، صفحة 1,212

شاركي في النقاش

سجلي الدخول لإضافة تعليق.

التعليقات

11,794
  1. @hy_dada

    صاحبة الموضوع
    ايام حلوه

    والله ما ادري عن العصير هذا ولا جربته
    بس البنات يمدحونه
    واظن سعراته مو عاليه
    ما يمنع انك تجربينه فتره
    وخبرينا بالنتايج

    ---------------------

    بنت النور
    غداك امس قليل حبيبتي
    ويومياتك ممتازه ماشاء الله عليك

    بس خساره خربتيها بتخبيصة اخر الليل -- هي ما بتزيد الوزن ان شاء الله ولكنها بتحد من النزول وبتدخلك مرحلة الثبات بسرعه -- وهذا من تجربتي


    -----------------------

    البتول

    ماشاء الله عليك وعساك على القوة

    -----------------------

    كن قويا
    قوليلها ان يومياتها تمام ماشاء الله
    واؤذا تبي التوقيع تضغط على تواقيعنا وبتفتح لها الصفحه
    وهذا الموقع من اسهل المواقع بصنع التواقيع
    الله يحفظها هالبنت
    خخخخخخخخخخخخ

    -------------------

    غدوده

    فيه العافيه العشاء
    وياريت يا بنات كلكم تجتنبون النشويات بالعشاء
    تراها تنفخ وتبطيء النزول

    -------------------------

    \\\\\\\\\\\\\\\\\\\\\\\\\ يتبع
  2. @hy_dada

    صاحبة الموضوع
    طاغية الانوثه

    والله تستاهلين تحيه كبيييييييره جدا جدا
    ماشاء الله عليك
    الله يوفقك يارب


    ----------------------

    ام الكرم

    الله يسعدك يا قلبي
    والله متمنيه اشوفك انتي واللوجين سبا (لانكم بالدمام )
    وناويه على هالخطه باقرب فرصه ونجتمع برشووقه كمان ان شاء الله
    ولكن زوجي مثقل راسه علي بنزلة الدمام حتى الاجازه الماضيه ما رحت
    يقول انا ما تزوجتك ايام الدراسه بس خخخخخخ
    وبيني بينك انا ساكته لاني ودي ارجه للخمسينات
    وادري نزلة الدمام بتطلع الوزن فوق الله المستعان

    يخليك ربي والعزومه تمت باذن الله ابشري

    ----------------------------

    صوت الصحراء

    عندك ريجيمين
    بالصفحه الاولى وبصفحه 470 اختاري اللي يعجبك واسدحي يومياتك هنا
    احنا حاليا نص البنات تقريبا على الريجيم الثاني صفحه 470
    شوفي اللي يناسبك وننتظرك
    ----------------------

    \\\\\\\\\\\\\\\\\\\\\\ يتبع
  3. @ngmh_stayl

    أم مشاري مشكوره حبيبتي أنا أذا جيت أنام ونا على السرير أسوي شد وسترخى لعضلات البطن بس أمل بسرعه وناااااااام بس شكلي بسوي بنصيحتك وسويها لو كنت جالسه أو ماشيه والله يسهل

تابعي تجارب أخرى من هذا القسم.