شاركي في النقاش

سجلي الدخول لإضافة تعليق.

التعليقات

103
  1. @xbtatsx

    ارجعي على شان عيالك

    مو على شان عيونه

    لو تطلقتي بتتزوجين واحد مايبي عيالك

    وتتركين عيالك عن مرة ابوهم يمكن ماتخاف ربها ويمكن ويمكن

    ولو خافة ربها اولادك بيتأثرون نفسيا وبيتعبون بحياتهم وانتي بتتعبين معاهم

    وبعدين ياقلبي وش يضمن لك الزوج الجديد مايطلع اردى من زوجك هذا ؟؟؟

    خليك في بيتك مكرمه معززه مع عيالك صدقيني هذه السعاده لمن تشوفينهم جنبك

    مبسطوين ومتطمنه عليهم الله يخليك لهم ويخليهم لك

    ترى هذا ثاني رد لي بس والله ادعي لك ومارجعت لموضوعك الا انا من جد خايفه انك تطلقين

    وتتحسفين لمن يطيرون عيالك من يدينك بتندمين طول عمررررك ترى انتبهي ياعمري

    وبالتوفيييييييييييييييق ياارب
  2. @kl_alhla_aandy

    اختي اللي بايعك بيييييييييييييييييييييعيه بتراب بعد
    وانتي صغير وحلوه تقولين يعني الف يتماناك
    بنسبه لعيالك انتي الي عندك اولاد يعني من تصير اعمارهم 11 و12 وهم بحدودونمصيرهم لاتجلسين علشان احد
    الله يرزقك الي يحبك ويحسسك بقيمتك اماهذا معليش اختي بايع
    اذا هو شاف حياته وما وقفها علشان عياله ليش هي تضيع شبابها
    العيال مهب صايرلهم الاالعافيه
  3. @mlak_alkhyr_1

    بنوته سعوديه
    الي تقول تطلقي لاتنسين ان ابغض الحلال عند الله الطلاق عيشي عشان عيالك ...لاتطلقين وتجلسين تتحسفين طول عمرك وبعدين اللي تقول تزوجي وعيشي حياتك ....طيب مافكرتي انو ممكن ياخذ العيال وانو ممكن ماتتزوجين... وان تزوجتي اسمحيلي اختي ماراح ي…
    عين العقل

    لا تتطلقين وتتركينه غارق مع الزوجة الثانية .. باجر تجيب له عيال و تهنيه و تدلعه على الاخر و ينساج وينسى أمه وعياله بعد

    حبيبتي .. انتي مثل أختي ... قولي لا للطلاق
    صدقيني أكيد في أيام حلوة بينكم و ذكريات جميله وفوق هذا في عيال وراح يربطونج فيه مدى العمر
    يمكن سبب تفكيره بالطلاق ..
    1- إما طلب زوجته الثانيه
    2- عشان مايعلقج و يظلمج

    و أتوقع السبب اللي خلاه يوديج بيت أهلج .. أنج رفضتي زواجه الثاني

    حبيبتي .. ردي لبيتج و عيشي حياتج معاه دامه خايف ربه وماعنده خرابيط ..
    وتزيني وتكشخي حتى لو ما لمسج ... وخليج متجددة كل يوم ابهريه
    صدقيني عقب مايتتزوج بيطخ عقب ماحقق اللي فباله ....
    ولاتنسين مهمة الشيطان الأولى التفريق بين الزوجين


    متزوجة وفي بيت زوجج ومع عيالج وعندج وظيفتج
    أحسن من مطلقة بولدين ... حتى لو تزوجتي مرة ثانية العيال بياخذ منهم و ماتضمنين الثاني وتقبله لعيالك إذا كانوا معاك ...


    نصيحة اخت ... ردي لزوجك والجئي لله تعالى و ادعي واستغفري والله الذي لاإله إلاهو راح يردلك ويمكن يطلق زوجته الثانيه يمكن مايرتاح معاها أو يشوف منج أشياء تعجبه أكثر منها ... أو يكون زواجه الثاني نزوة أو وحده قاصة عليه ولاعبه بعقلة

    حبيبتي من واقع تجربتي بنت خالتي تزوج عليها زوجها و عندها خمسه
    وأكبر عيالها فوق ال 15 سنه
    واللي اخذها ليست بمستوى بنت خالتي بل بنت خالتي تفوقها
    من جمال و علم وثقافة ... اللهم لاشماته
    تدرين شنو سوت !!!!!

    سكتت وصبرت وماشكت لأحد
    وعاشت حياتها معاه عادي تحاول ترضيه
    شنو سوى بعدها
    سنتين و طلق الثانيه واعترف انه غلط
    والحين الحمدلله معاه عايشه ومستانسه

    لاتتركينه بروحه معاها يقول لنفسه خلاص هذي زوجتي الثانيه
    ولازم اتمسك فيها لان زوجتي الاولى هدتني و أرخصت فيني
    ترى الشيطان شاطر ...

    ردي له دري له دري له
    وهالله هالله بالكلمة الطيبة و النظرة الحانية والباقي عليج :)

    أسأل الله العيظم رب العرش الكريم أن يسخره لج ويفرج همج عاجل غير اجل
    " استعينوا بالصبر والصلاة"
    "ان الله مع الصابرين"

    واعلمي بأن الله سامع للدعاء قريب مجيب
    وانه عند حسن ظن عبده به
    يعني ادعي وانتي واثقة بأن يرد لج ولبيته
    واقنعي نفسج بأن الله حلل أربع ومو 2 بس
    مو معناته أني أأيد تعدد الزوجات ولكن هذا قدر الله تعالى
    علينا احنا كنساء
    لو كنت في مكانج ... راح أسوي مثل اللي قلت لج عليه
    و أتذكر مرة قريت قصة بالنت في منتدى ثاني عطتني إياه أحدى الخوات
    نفس موضعك .. أخصائية نفسية مشهورة حيل

    عالجت قصة امرة تزوج عيلها زوجها بزوجة ثانيه وبعد استعانتها بالله ثم فيها
    الزوج رد للزوجة الاولى وطلق الثانيه لانه وجد كل مايرضيه ويبيه فيزوجته الاولى

    حبيبتي حبي زوجج واقنعي فيه
    لانه هو جنتك ونارك و احتسبي الأجر لله تعالى
    وخليه يشوف منك أشياء مايلقاها بالثانيه .. وانتي ذكيه وراح تعرفين اشلون :)


    نصيحة .. : ولا تسمحين لأي أحد يخرب بيتج و يقول اطلبي الطلاق
    أو يأثر على تفكيرج الشيطان ويقولج " الحين أرد كأنه خوف أو ضعف بعد تهديد بالزواج من ثانيه وطلاقي"
    قلي لا وألف لا لهذا التفكير
    وترى مافي كرامة بين الزوج وزو جها
    بل بالعكس قولي له .. أنا زوجتك وام لعيالك وانتي راعي بيتي ومن هالكلام الطيب اللي يحبه قلبه

    ترى المره مو كل يوم لها زوج ...
    تزوج ثانية عادي... رسولنا الكريم تزوج 11 وحدة وزوجاته كلهم عنده ويحبونه ويحبهم
    حبيبتي هوني عليج .. أمر الزواج الثاني أقل مرارة من مشاكل الطلاق و همومه


    لانه بيظل زوجج و بيحاسب نفسه و بخاف عليج و على عياله والحب يأتي بالكلمة والنظرة
    وأكيد في مواقف حلوة تجمعكم ذكريه فيها بين الحين والثانيه وعبري عن مشاعرج تجاهه
    بالاشتياق و المحبة ... يوم بعد يوم راح تكسبينه ...:27:


    أدري طولت عليج .. بس اتكلم من كل قلبي .. واطلب من العلي القدير
    أن يوفق بينكم و يصلح امركم في هذا اليوم المبارك اللي الدعاء مستجاب فيه .. اللهم امين

    لا للطلاق نعم للرجوع

تابعي تجارب أخرى من هذا القسم.