تجمع ستات البيوت الشاطربن جدااا/قديم

طيب نسيت اقولكم انى غسلت مشاية دلوقتى بطريقة اختى حسبى الله
فى موضوع المساحة السحرية



والنتيجة هايلة جدااااااااااااااااااااا



وبكرة هابدأ فى الباقى بأذن الله

شوفو بقى يا بناتيت .. انا امبارح عملت حمله على غرفة النوم وبديت بالدولاب .. الحقيقة انا بيتى على الطريق الرئيسى وطبعا العربيات رايحه جايه والتراب ماساة ..قمت طلعت كل اللى فى الدولاب ونفضته كويس جدا خصوصا من فوق فى البلاكار العالي اللي باخزن فيه البطاطين ولمعته كويس جدا وعندي لكم بقى فى موضوع تلميع الخشب منتج انما ايه اكتشااااااااااااااااااف .. المنتج ده تركى الصنع واسمه اوزاى فى منه بخاخ زي البليدج وفى منه سايل زى اللبن كده بس تحفه والله يا بنات .. تحطى شويه على فوطه يادوب نقطتين وتمسحى نضافة وريحه خيال احلى من بليدج بكتير وتمنه مش غالي بس بقاله عندي اكتر من سنه وبيخللى الموبيليا كانها جديدة .. المهم لمعت الدولاب من جوه وبره كويس جدا وغسلت المشمعات المفروشه ورصيت البطاطين واللبس الشتوى وحطيت القطع المعطرة للملابس اللى على شكل مكعبات بين الهدوم .. ودرج الايشاربات عملت فيه طريقه الشاورما اللي اقترحتها عضوة بالمنتدى الله يوفقها بس للاسف مش فاكرة اسمها .. والادراج الخاصة بالملابس الداخليه رتبتها وعلقت كرافتات جوزى كلها على شماعة واحدة وبعدين جوا الدولاب وانا مخليه درج خاص بالقمصان المكويه عشان ما تتكرمش وكمان درج الشرابات نفس الشىء كل زوج عاملاهم كورة عشان مافيش فرده تضيع .. ماكياجى بقى والتسريحه انا ماحبش الحوسه .. يعنى لميت الماكياج كله فى شنطه الماكياج ودى جاتلي هديه فى جوازي وبصراحه نفعتنى جدا الم فيها كل الماكياج واحطها عالتسريحه وبعد ما استعمله ارجع ادخله فيها علطول واقفلها وشكلها تحفه ويا دوبك ادراج التسريحه للفرش والامشاط والسيشوار والتوك والبنس حاطاهم فى شنطه بسوسته .. وبعد كده لمعت باقى اثاث الغرفه بالملمع ومسحت الارضيه بالمساحه السحريه وحطيت فى ميه المسح شويه كومفورت وبعدين لمعت الزجاج بتاع الشباك والاوده والمرايا بالجلانس وورقة جورنال وفرشت مفرش نضيف ووووووووووووووو .... عارفه هاتقولو ايه كفايه يا رغايه هاهاهاهااااه

ايجبت : متل ماحكتلك مدام وائل حطي قصدير فوق الخزانات بتعطيك اضاءة وبتحافظ على السقف تاع الخزانات
اللي ريحني في التنظيف : كلور و ماء في بخاخ وبرش المجلى و الغرانيت وبمسح ... بس خايفة من شغلة.. هل وضع كلور مخفف بماء ثم مسحه بفوطة فقط بدون ماء راح يخرب الغرانيت في المستقبل ؟؟ انا بعرف انو بأثر على الرخام ولكن الغرانيت مابعرف
تنظيف الابواب بنفس الطريقة السابقة كل اسبوع
بس حابة اجرب طريقة تعطير للبيت : ضعي عطر زيتي في ماء قليل وامسحي الابواب والشبابيك والارضية وكل شي بينمسح مثل الاثاث وووو ( شكلي ناسية هل عطر زيتي ولا عطر عادي .. بس اتوقع زيتي )