امى تبى اغراض من الكويت

السلام عليكم

اشلونكم يا اخواتى ؟
سؤالى فى الاساس لبنات الكويت او بالاحرى لربات البيوت الكويتيات :23:
والاخوات بعد اللى عندهم خبرة باسواق الكويت
امى بتروح الكويت هذا الاسبوع تغيير جو وتبى تروح اختى وياها للتسوق فامى قررت تشترى اطقم مواعيين من هناك :31: ادرى شى غريب اننا نشترى اغراض مثل هاذى من بلد لبلد بس هذا المجال اللى امى مهتمة فيه وبتروح السوق عشانه تخيلوا
فاخواتى اتمنى انكم تساعدونى فى انى اقترح عليها اسماء محلات مميزة او اسواق معينة تقدر تشترى منها اطقم صينى واطقم سفرة مميزة
امى عزايمها كثيرة وتحب تستعرض مشترياتها ( على كيفها دافعه فيهم ههههههههه)
ها يا بنات ترانى شاده الظهر فيكم اسالوا امهاتكم او خواتكم المتزوجات ومن خبرتكم يا زوار الكويت قولولى وين انصح امى تروح وسلامتكم

6 تعليق 4,976 مشاهدة

شاركي في النقاش

سجلي الدخول لإضافة تعليق.

التعليقات

6
  1. @bryk_alalmas78

    حياها الله في الكويت واحنا عندنا في الكويت مواعين الكشخه والغاليه ممكن تلقاهم في مجمع الرحاب في حولي او مجمع الاوقاف بالديره داخل وعندنا اسواق شعبيه المواعين فيها تهبل وايد حلوه عندج سوق المعلم وله فروع وايد في السالميه وحولي رخيصه لا يطوفها وايد حلو
  2. @aro_6

    تعالي عندي وصفات قصدي اسامي محلات اطقم الشاي والسفرة الحلوة
    عطيها هذي الأسماء وأماكنها :

    مجمع الأوقاف (العاصمة) <<< معرض الشلاحي (الدور الأرضي)
    مجمع شـــــرق ( شرق ) <<< (ســـوق سلطان)
    مجمع العنجري (السالمية) <<< معارض بالدور الأول
    السوق الجديد (السالمية) <<< تجهيزات مبروك الفندقية


    أتمنى أكون أفدتك ومن عيوني أي خدمه بس طمنيناها عساهم يعجبون الوالدة :26:
    تروح وترجع لكم بالسلامة:26:
  3. تبين تروحين حق مكان رااااااااقي و كل شي مضبوط و ماكو منه ....

    روحي A To Z إلي في منطقة شويخ محل متخصص للمواعين و شغلات البيت و أكييييييد راح يعجب أمك
    و على فكرة المحل نفسه فاتح له فرع جديد أكبرمن طابقين في مركز الراية إلي في منطقة شرق و هذا مول جديد و راااااقي يعني راح تضرب امك عصفورين بحجر .... تتسوق و تشتري مواعين راقية .... و إذا امك تحب الفضيات انصحها تروح حق الركن المبارك - مدينة الفضة - فياصل .

    و إذا تبي شغلات عملية حق البيت فعندك سوق المعلم في سوق السالمية هذا في اشكال و ألوان من المواعين ....

    هذا الي على بالي الحين اتمنى تكونين استفدتي و رحلة سعيدة للوالدة

تابعي تجارب أخرى من هذا القسم.