باركوا لي خلصنا شغل في البيت اخيرا
عذرا للتغيب والانقطاع انشغلت كثير الويك اند اللي راح
زارتني امى ونامت عندي خميس وجمعه ....وكان عندي عزى في الاحساء فاضطريت اروح يوم وارجع
خالة زوجي توفت الله يرحمها....والجمعه برضوا مشغووووله مع الوالده وطلعت الاولاد وطبعا
كل الويك اند تخريب بتخريب العزى من جهه والقعده مع الوالده من جهه وطلعت الاولاد من جهه
تخيلوا وزنت لقيت نفسي حفله بقوه
كنت 64 ...ما امداني افرح بهم ....صاروا 67
بس استشرت ام عبدالرحمن وقالت لي راح ينزل الى 64
بس بيعلق ...
يالله اخليكم الحين لحظه نسيت بنات ناويه اعزم خوات زوجي عندى على الغدى الخميس
وش اقتراحاتكم ...انا جهزت المنيو:
دجاج محشي+رز بسمتي مدلل بالحشو البصل المقلي والحمص+شوربة مشروم+بطاطس وجزر محمر بالفرن بالعسل والصويا صوص+سلطه روسيه+حلى شيز كيك+تقديمات قهوه وشاي هنا احترت وش احط الحلى ما عندى مشكله معاه بس اكتشفت انى ما عندي اصناف مالح خفيفه للقهوه ومن الصبح وانا ادور لقيت ولكن
احب اسمع ارائكم ولا تنسون طريقة التقديم بعد والعصير تعرفون عصير غريب وحلو بنفس الوقت
