شاركي في النقاش

سجلي الدخول لإضافة تعليق.

التعليقات

24
  1. والله انك رهيييييييييييبه
    انا اول مره ادخل الواحه الترفيهيه
    بس عقب خبالك بسنتر يوميآ


    يلا عاد اخلصي علينا وكملي الجزء الثاني<ـــــــــــــــ كني بديت امون.
  2. @unque_grl

    صاحبة الموضوع
    strawberries
    :angry2::angry2:واااااااااااااااي وانا ليش نسيتوني المرة الجاية لما تحبوا الفرتكة بالله ازهموووووووووووووووووووووووووووووووووووني وبالنسبة لقنوص ولا يهمك اخوها الشحط انا متخصصة شعبطة على الجدران ما تلاقوني الا وانا هووووووووووووووووووووووو…
    فيه أحد هـنا ..؟! هذا هو عآآلم حواء والا انا داخله غلط ..؟!



    زين زين الحمدالله , وه يـا الزحمه اشارات وحاله لين وصلت لكم

    يالله انك تحيي الربيعات اللي يبن السوآآقه >>> بالمشمش

    strawberries >>>>يابعد هالقلب ولا يهمتس مايصير خاطرتس الا طيب المره الجايه باخذتس بسيارتي الشبح اللي مابعد طلعت من الوكاله

    شذى الورد >>>>> معليش الطلعه طلعة بنااات ماله دااعي تجيبين محرم الا اذا كان رجلتس هذا شي ثااااني *_^

    أنعم عربجيه : الطلعه الجايه مو ب تجلسين ورا انتي بتصيرين السوااقه بس لاتنسين الرخصه

    مشكلتي : يعني عشانتس متملكه شفتي نفستس علي يكون بعلمتس مادام عندي سياره 00بلحق القطار لا ويمكن اسبقه بعد

    قنيص : يابعد ذا الرمش والله دعوتس بردت تسبدي000ماله داعي استراحه يابعدي انتي تعرفين كلام الناس بنات وحاجزات استراحه ماحنا ناقصيين كلااام



    ومرتن أخرى يالله انك تحيي القمييييييييييع


    .. تبووون فضاااااايح هونج كونج .. وأوكلاند ..


    وش رايكم نمسك خط ؟
    بس انتبهوا لاتدعمكم التريله خبركم هاليومين تريلات 2008 تنافس الكامري على السرعه
    اربطوا الاحزمه وعيشوا جوا القووصه




    ****************************************** >>ونرجع ونقول يالب هالنجوم

    طرررررآآآآآآآآآآآآآآخ


    أمي فاكه الباب بقووووه >>يبي للعائله كورس لها مستحيل يفتحون زي الناس لازم ركله وعقبها يفتحون بشكل غير طبيعي ماش مادري متى بيستوعبون اننا كيوت ونرتاع من هالتخبيط والطراخات ع هالبيبان >>> ترفقي يرحم امتس
    وبسرررعه تولع اللمبات وتصكر المكيف وتفتح الدرايش ... قمت مفجووووووووعه ..

    أنا مرتااعه .: يمه شفيتسسسسسسسسسس ؟؟؟؟
    امي .: بسررررررعه قومي
    أنا حظنت المخده ورجعت تنام .: مابي بنام
    امي اسحبت المخده ... وجرررررتني بقووه من شوشتي
    لاقلت قومي قومي زين
    أنا .: زين زين
    أعرف أمي اذا كانت متهاوشه مع أبوي تحط الحره فيني >>>طيب أنا وش ذنبي
    ويدخل ابوي ويكملون الهواش بغرفتي >>>وين فوزيه الدريع عنهم
    ابوي : الحين وش ناقصتس اذا بغيتي شي حنا نجيبه لتس
    أمي:وش زود أم مساعد عني هذا زوجها اشترى لها أكشخ سياره وآآخر وموديل انت ولا حتى ونيت جبت لي
    أبوي : وش يقولون عنا ربعنا مافيه خير خلى مرته تسوق بيخرب حريمنا علينا
    أمي : يقولون اللي يقولون كل وااحد حر بتصرفاته



    مثل العااده ينتهي هواشهم بدون حل طلع ابوي وخل امي تحلطم لحالها
    مابقى الا انا عندها بالغرفه قلت بس الحين بتطلع حرة السياره فيني
    أمي : اسمعيني اذا ابوتس عاند وماجاب لي اللي ابي بروح عند خوالتس
    أنا: هذا سيكل اخوي بالحوش خوذيه وروحي للي تبين
    أمي : تطنزين انتي؟ طالعه على أبوتس ماعنده الا التطنز واستخفاف الدم
    طلعت أمي والشرار يتطاير من عيونها تبي سياره ياحليلها غيرانه من أم مساعد
    وشوفوا ابوي بعد هذا الحين مانع امي العاقله البالغه الراشده عن السواقه اجل وشلون انا السفيهه القاصره بيسمح لي؟
    يدق جوالي هذا رقم قنوصه

    أنا: وينتس يامقصوفة الرقبه

    قنوصه: اسكتي اخوي سوى لي سالفه وسين وجيم من البارح من اللي كلمت ووش تبي بهالوقت وليش ماترد علي وليش سكرت بوجهي وأنا أنواع اللف والدوراان
    لا وازيدتس من الشعر بيت رافض اني اسوق سيارره يقول ماعندنا بنات يسوقن

    أنا : عندنا وعندتس خير تو ابوي وامي يتهاوشون بسبب هالموضوع
    شكلي بغسل يديني من السواقه بس تدرين مالنا الا ام شنب شقوحه
    هي الوحيده اللي بتنقذنا

    شقوحه: صدق على طاري ريومه لازم أطلع معكم عطوني خبر اذا رحتوا عشان اقدر ادبر نفسي

    أنا: أنسب وقت الصبح وحنا رايحين للجامعه عشان مايشكون اهالينا

    قنوصه: جبتيها بس تدرين بعد الخبر أخوي قام يسوي علي رقابه مشدده حتى الجامعه بيحرمني منها بس ماعلي منه بكره رايحه رايحه الله لايعوقني بشر




    وفي الليل يعلن التلفزيون السعودي خبر قيادة المرأه للسياره لكن بشروط :


    1-يسمح للمرأه بالسواقه لكن بصحبة شخص ثاني ( لو قطوه معتس عااادي المهم انتس مانتي بلحالتس)
    2- يسمح لها ان تسوق من الساعه 7 صباحا الى الساعه 8 مساء ومن تخالف تعاقب بالحجز ليله كامله ( طيب بالسوق وش نسوي ننام فيه لين اليوم الثاني ننتظر الساعه 7 تجي )
    2-:المسار الايمن للرجال والايسر للنساء والاوسط يترك فارغا
    3- في حالة تعطل او بنشر كفر سيارة امراة وحب رجل ان يفزع لها فعليه ان يوقف
    سيارته بعيد عن سيارتها بمية متر ويحط اللطمة قبل ان يقترب منها
    4- على المرأه نص عقوبة الرجال
    .
    وننتظر بكره بفارغ الصبربتمرنا شقوحه على سيارتها00 الاخت سوتها وطلعت لها كوريلا مستعمله
    شقوحه الوحيده اللي بينا أهلها اسمحوا لها تسوق لأنها الكبيره ومعتمدين عليها بس مادروا انها بتخرب أمها وبتدج وتدججنا معها


    الساعه 5 الفجر يدق المنبه وأفز من نومي بالعاده ما أقوم الا بكف من أمي وأجر نفسي للجامعه لكن هالمره غييييييير
    وأروح أتروش وأتكشخ وأتزبط وتمرني الشقح على الكوريلا

    وترسل قنوصه مسج روحوا للجامعه وانا بقابلكم هناك اخوي مصر الا يوديني هو بنفسه
    ونروح للجامعه زحمه السيارات متلاصقه ببعضها ونشوف ألوان وأشكال اللي جايه بآخر موديل واللي جايه على وانيت وبالدبه حاطه شعير غنم
    واللي جايه وعليها حراسه مشدده من اخوها والا ابوها


    وصلت قنوصه وأخوها ماحرك الا يوم تأكد انها دخلت باب الجامعه وأول ماراح تطلع وطيرآن لسيارتنا

    قنوصه: الله يستر بتكون نهايتي اذا شافني اخوي
    شقيح: تراتس أذيتينا أخوي وأخوي ماتسوى عليتس تذلين نفستس له وبعدين انتي تراتس عاطيته أكبر من حجمه ( خربت البنت )
    ونمسك خط ونلقى لوحه قدامنا مكتوب عليها






    شقيح: ياشباب أحد منكن معرسه

    أنا وقنوصه بصوت واحد : لااااااا

    شقيح: أجل خلآآآص نمسك طريق العزاب


    أنا : قصدهم العزاب الرجال اللي ما اعرسوا

    قنوصه خايفه : شقوحه لاتتهورين

    شقيح: لا تخافون وانا بنت راعي الحرشاا

    أنا : بنشوف نهاية نفخة الصدر


    ونمسك طريق العزاب وكل ماتمر من عندنا سياره تنطل رقم وبعضهم يتمسخرون ياهوووووووه ياسواقات انتن

    وحنا عاطينهم أشكل ولا عبرناهم لازم نتحمل مايجينا000
    ونوقف عند بقاله جايعين ما أفطرنا المصيبه ان كلنا مفلسات بجنبنا سياره فيها شاب واضح انه ملتزم بالشروط بحذافيرها وده يطالع فينا بس خاايف تجيه مصيبه على راسه ويتهمونه

    شقيح: اسكتوا جت فكره على بالي

    وتنزل شقوحه شباك السياره: لو سمحت يا الأخو معك 20 ريال

    هو يحسب انا طرارات :خير مامعي الا 50 ريال 20 بنزين و 30 مصروف أكلي

    شقيح: يعني ماراح تعطينا

    هو : آسف ماعندي

    انشبت له شقيح وقالت له بنزره :الظاهر انك ماسمعت بقانون التعرض00تهقا الحين اننا نصارخ ونتهمك انك تعرضت لنا

    هو : أناااااااااااااااااااااااا

    أنا مستقويه : هاه بتجيب العشرين والا00000

    تقاطعني قنوصه وش عشرينه قولي له خمسين

    هو: طيب وبنزين سيارتي من يعبيه

    شقيح: بتجيب والا شلون


    ويمد لنا المسكين الخمسين ويرهن ساعته ضمان للهندي لين يجيب ثمن البنزين
    >>>يكسر الخاطر


    ننزل للبقاله وناخذ ماألذ وطاب 000ناوينها هيصه اليوم
    ونواصل الطريق ناصيين البر
    قسمنا المونه بينا أهم شي اني حصلت على كندر سربرايز00يازينها من كشته مع صديقاتي غير

    شقيح: شرايكم نخليها هجولة تفحيط

    قنوصه: تفحيط قلت لتس لا تتهورين


    أنا : انتي وش فيتس خوااافه لاتخلينا نندم انا اخذناتس معنا

    ركبنا السياره وتحوس فينا الشقح وقنوصه ماغير تصااارخ وأنا فااااطسه ضحك عليها
    طيحنا اللي بروسنا كبت السنين اللي راحت طلعناه بنص يوووم
    بعد ماخلصنا هجوله قررنا نروح خلآآآص أهالينا بيفقدونا 000المصيبه ان السيااره بنشرت

    قنوصه قامت تولول : ياويلي من أخوي بيذبحني

    شقيح: وقته الحين اكرمينا بسكوتس واللي يرحم والديتس

    البر فاااضي والشمس حااره وارسال الجوال مقطوع مافيه شبكه وهيومه تصيح وحالتنا حاااله
    من بعيد نشوف همر أسود أقبل علينا ونزل منه شاب متلطم >>>ياحليله ملتزم بالقانون رقم ثلاثه

    هو : تبون مساعده ياأخوات

    استلمته شقيح: مااحد طلب منك مساعده ضف وجهك لا تقرب عندنا مانبي مانبي يالله تلايط


    هو : مانتم كفو اللي يساعدكن الشرهه على اللي حط السياره بيدنكن

    راح لسيارته وهو معصب

    أنا : شقيحاان مالتس دآآعي ليش سويتي كذا الرجال واضح ان قصده خير

    شقيح: انتي ماتعرفين الشباب يبون يصيدونا بأي طريقه

    قنوصه: بس هذا شكله غير عن الشباب محترم بيساعنا ويروح

    شقيح: أشوفكن خقيتن معه


    شوي الا ونفس الهمر راجع صوبنا ماهان عليه يترك بنات لحالهن ويروح بدون مايساعدنا

    هو : يا أخوات أنا والله قصدي خير بساعدكن مايهون علي اتركن طعام للذياب بالبر


    وبعد اجتماع لمدة ربع ساعه وافقت شقيح انه يصلح السياره
    جاء الأجودي ومعه العده ويصلح السياره وهو متلطم00وطول مايصلح السياره هو يطالع لشقيح شكله أعجب فيها 00الحين هي الوحيده اللي اغسلت شراعه ومالقى الا هي يعجب فيها وأنا قنوصه المسالمات مالقانا باآآآل

    اتجه صوب شقيح وقال : ياالأخت ممكن كلمة رااس لو سمحتي

    شقيح: اخلص علي وش تبي

    هو : هذا رقمي اذا بغيتي أي شي انا حااضر تبين واسطه تصريح تقديم على وظيفه أي شي لاتتردين اتصلي علي

    شقيح : ومن تكون

    هو :هذي بطاقتي بس بيني وبينتس

    ومن ذاك الوقت شقيح البويه المعربجه صآآرت نعومه وهيمآآنه بس تفكر براعي الهمر حتى حنا ياصديقاتها ما علمتنا أي شي عنه
    تسهل الرجال وحنا شفنا طريقنا00زحمه وشرطه 00طحنا بمصيبه ثاانيه طلع فيه تنظيم سير وتفتيش والله الورطه وش نسوي
    جاء الضابط أبو كرش : الرخصه لو سمحتي

    شقيح: نسيتها ماني متعوده

    الضابط : طيب الاستماره أو أي شي يثبت ان السياره لتس

    شقيح:هاااااااااااااااااااه السياره باسم ابوي بس هاليومين بيحولها باسمي

    الضابط : وش هاالجرئه لا استماره ولا رخصه الظاهر انكن ماجربتن الحجز

    قنوصه: حجز لااااااااااااااااااااااااااع أنا بوجهك يالعسكري (خسفت بالتاج والنجوم اللي على كتفه )

    وننحجز ليله كامله وتذكرت شقوحه راعي الهمر وتتصل عليه00 ثواني بعد المكالمه طلعت على كفالته
    وحنا ولا كأنا صديقاتها اشتغل عرق النذاله عندها اتركتنا بالسجن راحت علوم المرجله عند شقيح بعد ماعرفت راعي الهمر
    ويتصل الضابط على أهالينا عشان يستلمونا

    يجي أخو قنوصه ويجرها مع شوشتها ويجي ابوي متلطم مايبي أحد يعرفه فشلته اذا شافوه بيصير مصخره على قولته قداام الجماعه
    المهم يجيني شي وش كبره على رآآسي وأقوم ما أشوف الا نجوم الظهر قدامي أثريه كرآآآع اختي نايمه بجنبي وطااح كراعها على راسي وصحااني من كابوس الله لايعيده



    Exit :
    تخيلوا لو الحريم بيسوقن ........................ونلقالهم في كل شارع ضرايب

    تلقى العجايز في الشوارع يدورن.................. وسيارة الاسعاف تركب حسايف

    لو تاخرنا دقايق يصيحن ..........................ثم اركبوا فوق المواتر ولايف

    قامت تكبسلك بالانوار ياهن......................... بين أخوياك وصرت محرج وخايف

    تخيلوا لو ذات يوم يمرن........................ عليك دوريات والجمس طايف

    يوم طرحوه يصير موقفك محزن ....................تلقى العجوز مكلبشه ياحسايف

    تلقى البني في كل جلسة يتكن ................طقة بلوت ومعهن الكيف كايف

    هاذي تبي تحكم وهذي تبي صن..................... والبيت ضايع بدون طبخ وغرايف





    الأفكار الرئيسيه :>>>>حصة مطالعه


    1أخذ العظه والعبره من الأمم السابقه ( أول مايستفاد أقوله بحصة المطالعه)
    2-اللي مايعرف الصقر يشويه
    3- المره مالها الا بيتها السواقه من جنبها
    4- البنت السنعه ماتخالف شور اهلها
    5- الدنيا حظوظ >>>>تغمز لشقيح




    وتوته توته خلصت الحتوته
    ولحس العسكريم وأكل البسكوته



    كانت معكم من صلب الحدث


    عنعن الملقبه بالعنقريزيه *_^
  3. طع ..طع << كف بخشمك لييش ماخذيتووني معكم طييييييييب والله لامر على مشكلتي بالهمر واجحدكم يالصديقاات الخاايساات

    أقول قنوصه أنا ان رحت والله مايردني الا دريم اجل ليش اروح افحط بالبر لااااااااا انا ابي مع بدر عوض وبوبو ها وش قلتي


    مو حبن فيك عنااد بـ((مشكلتي )) خخخ<< الطيبه مالها صااحب خخخخ
    أفاااااا مسرع قلبتي علي بس انا وااااااثقه مافيه امل هالعانس تعرس بتاتا البته


    مشكلتي : يعني عشانتس متملكه شفتي نفستس علي يكون بعلمتس مادام عندي سياره 00بلحق القطار لا ويمكن اسبقه بعد
    احم احم فيه احد يكلمني هنا؟؟؟؟؟؟؟
    انا ماأكلم عوااااااااااااااانس حبي اذا اتملكتي عطيني رنه اوكي>>وجهن مطلع لسانه.....

تابعي تجارب أخرى من هذا القسم.