اليلانجي الشامي على أصوله , الحشوة السحرية , بنكهة شامية أصلية.. تفضلي .



مرحبا أخواتي و حبيبات ألبي شلونكن إن شالله بخير ؟؟؟؟

اليوووووووم عندي طبق رهييييييييب أكيد الأغلبية منكم حابين يعرفوه على أصوله .

طبقي اليوم هو اليلانجي الشامي الأصلي مع المقادير المظبوطة كالعادة إن شاء الله تعالى .

طبعاً أنتي أختاري النوع , يعني أنا رح قدم لك طريقة الحشوة , و أنتي بتختاري نوع اليلانجي إذا كان ورق عنب (( يبرق )) أو كوسا أو باذنجان .

في ناس عنا بالشام بيحطولوا حمص بالحشوة , بس نصيحتي إلك بلاها , يعني بتروح نكهته الطيبة و مالها طعمة أبداً .
و طبعاً إذا حابة تضيفي حمص على راحتك ...




مقادير الحشوة ::cook:

4 كاسات أرز . (( نوع الرز عادي )) .
5 بصلات حجم كبير .
بندورة بحدود النصف كيلو (( تقريباً من ست لسبع حبات كبار )) .
ملعقتين رب البندورة .
كاسة شاي زيت زيتون .
باقتين من البقدونس المفروم .
ملعقة بن مع الهيل + قرفة حسب الطلب + ملح حسب الطلب أيضاً + بهارات حسب الطلب .
3 حبات ليمون (( و تحديد حموضة الحشوة عليكي أنتي تذوقي و أحكمي لأن في ناس بتحب الحمض و ناس ما بتحبه فهذا ذوقك عزيزتي )) . لكن بشكل متوسط و مناسب للجميع 3 حبات ليمون يكفي .
باقة نعنع أخضر + رشة نعنع يابس .




طريقة التحضير : :21:

في طنجرة كبيرة , ضعي كاسة زيت الزيتون , و من ثم أقلي البصل فيه حتى يذبل و يذهب ماؤه .
ضعي الرز و قلبي من تقليبتين لثلاثة على النار بحدود دقيقتين ...

أزيلي الطنجرة من على النار و تعالي الأن للطريقة :

ضعي فوق الرز و البصل , البندورة المفرومة + رب البندورة + الليمون + البقدونس + النعنع و قلبي تماماً حتى تلاحظي تجانس المقادير بشكل صحيح .
ضعي الآن القرفة + الملح + البن مع الهيل + رشة النعنع اليابس و قلبيهم .

أصبحت لديكي الآن الحشوة السحرية لليلانجي الطيب كتير كتير كتير .

جربيها ومارح تندمي أبداً و صدقيني أنك رح تدعيلي .




طبعاً بالنسبة لطريقة طهيه هذه عليكي و لكن أنا رح أذكر بشكل سريع الطريقة :

إذا كان اليلانجي ورق عنب , صفيهم بطنجرة البخار , و المرقة الباقية بعد أن تنتهي من الحشوة , ضعيها فوقهم , و كملي حتى ينغمر اليبرق ب ماء + ليمون حسب الرغبة + زيت .

يعني المرقة الرئيسية اللي رح تطبخي فيها اليبرق أو الكوسا (( اليلانجي يعني )) رح تكون المرقة اللي زادت من الحشوة عرفتي شلون و أنتي بتضيفي عليها حتى ينغمر اليلانجي ماء + ليمون حسب الرغبة + زيت ؟؟؟؟؟

و أكيد لما تطبخيها رح تفهمي علي شو بقصد تمام و أنا إن شاءالله وضحت لكم كثيييييييراً ما تريدون , و مع ذلك أي إستفسار حبيبات ألبي أنا جااااااهزة و إن شالله ألف صحة و هناء على قلوبكم .

48 تعليق 23,832 مشاهدة

شاركي في النقاش

سجلي الدخول لإضافة تعليق.

التعليقات

47
  1. @am_ndal

    اهلين بالمحبة للخير \ شكله يفتح الشهية تسلمى على الحشوة اجربه واحشى بيه الكوسا بادن الله \ من يد من عدمها مش هيك \ تحياتى :27:
  2. @looool

    مممم أكلات الحمض كتير بحبها يسلموا ايديكي بس أنا لما بساوي اليلنجي بساويه من دون ما قلب البصلة على النار يعني بخلي كل المقادير نية وبحشي ورق العنب أو البيتنجان
    معلومة صغيرة:اليلنجي أكلة تركية ألصل وككلمة(يلنجي)تعني الكذاب وهي تطلق على هذه الأكلة لأنها بدون لحم
    أرجو أن أكون أفدت:26:
  3. صاحبة الموضوع
    أم نضال حبيبت ألبي يا أهلين منورة و الله , و حكياتك حلوين تسلميلي إن شالله حبيبتي مشكووووووووورة يالغلا على تواجدك الحلو متلك :26:

    LOOOOL أهلين و سهلين حبيبتي منورة , بس أنا هيك كنت متلك أعمله كله على البارد , لحد ما علمتني خالتي هالطريقة الروعة و هي أنك بس البصل تقليه لتروح ماؤه مع الرز تقليبتين صغار كتير كتير , و عنجد جربي طريقتي و شوفي كيف الحشوة بتصير سميكة و الرز بيتجانس تماااااااام و ما بيعود في مرق زيادة عرفتي شلون , و الرز بيطلع باليلانجي بيجنن ... عنجد و الله جربيها و ما بتندمي إن شاء الله .

    و صحيح تسلميلي على هالإضافات الحلوة منورة حبيبت ألبي الموضوع :33::26:
  4. @zhrat_1

    مشكوره كتير كتير000س بدي سؤال0000ممكن احفظها بالفريزر000وقت ما بدي استعملها

    ثانيا000 شو قصدك بالبن مع الهيل قصدك القهوه التركيه وما ياثر الطعم 000مرق الطبخ ما اضيف له ملح

    وشكراااا اكثر من الشكر نفسه

تابعي تجارب أخرى من هذا القسم.