بنتي يمكن انا اللي مرضتها ...والاحساس بالذنب قتلني..تكفون وش الحل؟؟/ قديم

ييييوووووووووه
تلقون البنت أعرست اللحين وانتم تقولون بوسيها!!!!!!
الموضوع صار له أكثر من سنتين مدري وشلون طلع؟؟؟؟

ليش تسالين هي وش فيها بنتك ونتي عارفه وش السبب بنتك في هالعمر محتاجتلك اذا مالقت الحنان والامان عند امها ولا اف بيتها قوليلي وين تلقاه لاتعاملينها على انها بنتك اوبس عامليها على انك صديقتها القريبه منها عشان ماتحتاج الغيرك وييضرها وبالاخير تندمين قد شعر راسك على الي صار وقتها بتحسين بالذنب احتويها او داري خاطرها خليها تدخل معاك المطبخ وتساعدك لو ابوجبه خفيفه قوليلها انا اليوم ابيك معاي بالمطمبخ صدقيني راح تنبسط اذا ارجعت من المدرسه بوسيها وساليها وش سوت من غير ماهي تجيك وتقولك سوي لها مفاجاه اشتري لها هديه وحطيها بدولابها اول ماتشوفها راح تنبسط حطي بشنطتها الاذكار وقوليله اقريهم لاتنادينها باسمها دلعيها وصدقيني كل ذا راح ينعكس على شخصيته وماتتخيلين قد ايش المعامله السيئه بالطفوله تسوي للواحد عقد اذا كبر حتى ثقته بنفسه يفقدها والسبب المعامله عشان تحسين بالي هي فيه تخيلي لو امك اقرب الناس لك تعاملك هالمعامله وش شعورك وقتها صدقيني لوتخيلتي بس مجرد تخيل راح تحسين فيها غيرك يتمنى يكون عنده بنت صدقيني انتي عندك كنز غيره يدوره مو محصله فلا تضيعينها من يديك



ادري قاسيه بكلامي عليك بس صدقيني هذا المصلحتك




>>>>اللهم احفظها بمى تحفظ به عبادك الصالحين وجعلها قرة عينن لكما <<<<<<<<<<<<<<

الله يهديك يا اختي


شوفي انا تخصصي علم نفس واعرف زين بنتك وش تعاني منه


بنتك ما عندها شعور بالامان .. بنتك عندها نقص عاطفي .. بنتك انتي ما اشبعتي فيها غريزة الحب والحنان


هي تلحق وراك بكل مكان تبي تلفت انتباهك .. تبيك تضمينها تبي تحس انك تحبينها

هي ما جربت الحب والحنان منك كيف تبينها تتواصل مع الناس بشكل سليم اساسا ما تقدر لانها ما حست بهالمشاعر

علاجها بعد الله بيدك انتي


لا تقولين ما اقدر

تبين بنتك ترجع بنت مبتسمه طبيعيه

اعطيها حنان

الرسول يقول عليه السلام اتقوا الله واعدلوا بين اولادكم


انتي تعذبينها وانتي ما تحسين


هي الآن ببداية مرحلة مراهقه ومحتاجه لك


كل يوم ضميها

كل يوم قولي لها انا احبك

هذا علاجها

اسمعي منها

صادقيها



الله يحنن قلبك عليها


لا تخلينها تتعذب ارحميها .. وترجمي رحمتك لها بتعبيرك عن حبك لها

الا اذا كنتي فعلا ما تحبينها اعوذ بالله فمثلي عليها الحب الشكوى لله :(




تصدقين وانا صغيره كنت اتمنى ضمه من امي .. ولا عمري جربتها الا في يوم توفى ابوي واذكر اني دفيت امي هذاك اليوم كنت ضايعه ولا ادري وين انا .. كان الحب والحنان منها دايم للناس .. وانا ما تدري عني ..

الحمد لله وبفضل ربي اني الآن سليمه نفسيا ومتفاءله وقلبي كله وحب وحنان بس لعيالي اعوضهم عن اللي كنت اتمناه :(

لكن النتيجه واول مره اقولها اني ما احب امي الى اليوم ارحمها بس حب هي ما اعطتني اياه عشان تلقاه اليوم يوم صرت كبيره

تحاول الآن تعوضني بحبها وحنانها بس بعد فوات الآوان يوم صرت خلاص متزوجه وام ولا انا بحاجتها :(

الله يحنن قلوبكم على بعض
انا عندي ولدي اموت عليه هو الكبير دايم اهاوشه واضربه لأن يسوي حركات تقهر مافي شي عاجبه مهما سوينا لما احضن اخوة وابوسه يجي جنبي بس انا بعض الاحيان ادفه اواصارخ عليه كل يوم كذا وكل يوم لما ينام اقعد ابوسه وابكي ليه سويت كذا
وصرت الوم نفسي دايم بس الحمد لله فتره وراحت يعني انت تطمني مافيها شي اقري عليها كل يوم سورة البقره وانت صدقيني تعاملينها كذا من قهرك عليها وتصرفاتها هي الي تخليك قاسيه عليها مهما سوت لاتعملينها بجفا ليه الجنه تحت اقدام الأمهات
الله لايفرقكم عن بعض ويسخرلك بنتك امين