شاركي في النقاش

سجلي الدخول لإضافة تعليق.

التعليقات

30
  1. @goaaana_1

    احلى منووولة
    سافري ابها وجيبي النواقص اللي في البيت زوجك معاه حق وانتي في النهاية اللي بتستفيدي
    والله انا اعتقد بما انه وعدك بالسفر خلاص لازم يوفي بالوعد وهي في راسه في راسه اليوم ولا بكرة مادام وعد وعد الحر دين عليه وكلام الرجاجيل سيف و***** الله تكون رحلة سعيدة ونقول لك العود احمد وتحكي لنا عن الرحلة الممتعة
  2. @almhagrh99

    وش تبين بالسفر برى ....


    وش تبين بالسفر كله


    خيها نصيحة حطي فلوسك في بيتك ورتبيه

    وزينية وضبطيه


    وهو صادق زوجك حرام تروح 40 الف عشرة ايام
  3. @ladofyn

    مع اني من الكويت الا اني قريت عن ابها الكثير والكثير من الناس يشكو انها غالية جدا خصوصا في الصيف
    فلازم تحسبون التكلفة المادية يمكن ابها تطلع اغلى من ماليزيا
    انا انصحك بدخول موقع سفاري وهو منتدى اغلب رواده سعوديين ...هم يعطونج جدول للسفر سواء لابها او ماليزيا مع التكلفة التقريبية حسب المدة وعدد الاشخاص

    ولا تستغربين اذا طلعت ابها اغلى من ماليزيا
    ماليزيا احسن مية مرة مع اني ما رحت ابها
    كافي اتشوفين اماكن جديدة والناس هناك مسلمين ومستورين واكلهم حلال
    الموقع: www.sfari.com

    وبالتوفيق
    اتوقع اذا ادرك زوجك ان ابها ممكن تكون اغلى من ماليزيا ممكن يغير رايه
    والله يفرح قلبج
  4. قهر بصراحه ليه يعشمك ؟ وعقبها يغير رايه ..

    لو مكانك انا اقوووله انت وعدتني نروووح؟؟ ليه تجي الحين تستكثر السفره فيني ؟؟ :(

    ودمعتين دلع وتنتهي السالفه ههههههههههه
  5. @am_alolyd_1

    والله يااختي انتي كنتي واضحة وقلتي لنا لاتقولون رايكم من ناحية وين اسافر انتم بس اقترحو علي اسلوب ارد به عليه..
    لكن معليش تحميلني ابقولك رايي ان نفعك خير وبركة وان مانفعك ماراح يضرك ان شالله..
    اولا السياحة الداخلية تقريبا اغلى من شرق اسيا بس اللي يمتاز به الداخل من الناحية الدينية والامان ويمكن في ابها بيخليها يومين ثلاثة وبرا عشرة ايام علشان كذا ابها اوفر.
    ثانيا انتي تقولين انك ماتطلعين ابد طول السنة الا مع اهلك وهذا هو اساس المشكلة!!!
    انتي طول السنة تقدمين تضحيات فاللاشعور عندك ينتظر مقابل هذي التضحية لكن زوجك مايشعر انها تضحية هو يرى ان الوضع عادي.
    طيب ليش تبخسين حقك وحق بناتك في الترفيه طول السنة مع زوجك!!!!
    لازم تخصصون اسبوعيا خرجه مع البنات لاي مكان من باب تغيرون جو وتشمون هوا .
    وهل السفر يستاهل الحماس هذا كله :)!!!!
    يمكن انتي تحبين السفر ووجهة نظرك احترمها واقدرها ويحق لك اذا رايحة دولة اسلامية ويجوز السفر لها ليش لا!!!
    لكن فكري فيها انتي عشرة ايام تروح بسرعة تمر مثل البرق..وبعدين كنكم مارحتو لشي ولا شفتو شي.
    وبعد كم سنة مايبقى لكم الا الصور فقط.
    كملي بيتك هو اللي تعيشين فيه طول السنة مو عشرة ايام.
    وسافرو سفرة قريبة وبسيطة وغير مكلفة:)
    واخيرا انا مالومك اذا زعلتي من زوجك لان هالاسلوب جدا استفزازي وكثير رجال عندهم هالطبع يسكت على اساس انه موافق واذا جد الجد قال انا اصلا ماوافقت.
    يعني مجرد تأجيل الصدام بينه وبينك يعني من ستة شهور ماكان فيه يواجهك قال نأجل المواجهة شوي.
    فانا من رأي تقولين له بغض النظر عن السفر اسلوبك مو مناسب انت تعرف اني كنت اظنك موافق وساكت والسكوت دليل الرضا.
    قولي له انك بنيتي احلام وطموح على هالسكوت حتى الملابس اشتريتيها والمفروض يعتذر لك ويوعدك انه يكون واضح معك وصريح وممكن رضاوتك تكون السفره:)
    الله يسعدك دنيا واخرة ويسخره لك يارب:)

تابعي تجارب أخرى من هذا القسم.