اختي zahraa alqamar :26: ...
كاني كاني خخخخخخخ
أول شي و الله ياعيوني اسفه على التاخير ... اشتراااكي كان خااالص ومااجددته الا قبل شوي ...
شوفي يالغاليه :
طريقه الرز بالباجيلا والاشبنت :
رز ( تقريييبا 3 طاسات جلي الصغيره ) - شبنت ( شدتين مفرومين ) - ملعقه ملح كبيره - باجيلا خضرا طازجه تقريبااا كوب ونص مغسوله ومنقوعه ... او على حسب الكميه الي تحبينها في ناس يحبون الباجيلا تكون شويه وفي ناس يحبونهااا تكون وايده ..
الطريقه :
تغلين مااي بقدر الرز المعتااد ( كميه الماء تكون كبيره لانك راح تشخلين الرز او تصفينه ) ... وبعدين تحطين فيه الباجيلا وملعقه الملح .. لما تحسين الباجيلا بدت تلين وشبه مستويه تضيفن الرز عليه وتخلينه يستوي مثل طريقه الرز المشخووول يعني الحبه ماتصير مستويه ميه ميه لاا تكون قاسيه شوي لانك راح تخلينها تستوي على البخار ...
وقبل ماتصفين الرز من المااااي بالمصفااه او بالمشخله تضيفين له الشبنت ... وتحركينه عشان يختلط بالرز وعقب تصفين الرز من الماااي ...
وبالقدر تحطين شويه زيت قبل ماترجعين الرز فيه واذا كنتي تحبين الحكوكه <<< تحسب الناس كلهم مثلها خخخخ
اخذي خبزة لبنانيه او عربيه ... كامله مو مقطعه اقليهااا بالقدر بشويه زيت لين تصير حمرا وبعدين ردي الرز بالقدر
وتكونين محمرة بصله او بصلتين بزيت بس لاتحرقينهم وعقب صبي الزيت والبصل فووووق الرز وبس حطي الغطاااء وخليه يكمل استوااااء على البخااار والنار تكون خفيفه
:26: ... وان شاء الله تعجبك الطريقه :26: ... وسامحيني على التاخير يالغاليه ..
ملاحظه : في ناس يحبون يضيفون للرز شويه كركم اثناء غلي الماء ... وفي ناس يرشوووون على الرز عقب مايرجعونه في القدر اشويه ماي زعفرااان وزيت ...
:26: :26:
الفـــول .. تعالي تعلمي وعلمينااا كيف تسووينه ( موضوع اجباري الكل يشارك فيه غصب طيب)
متابعة النقاش، صفحة 15