الحمد لله نظام راائع لحيااتي لنقصان الوزن والمحافظة على الرشاقة

السلام عليكم ورحمة الله وبركااته
حبيباتي نااوية افيدكم بشي بسيط جدااا
لكن الحمد لله عني حسيت اني لقيت الشي اللي يخليني احافظ على جسمي

من قبل شهر كان ودي انزل كم كيلو علما اني جسمي ماهو سمين لكن انا احب الجسم يكون عص
سبحان الله مافي احد راضي عن نفسه

المهم اتصفحت القسم ولقيت اللي فيه ماهي رجيمات والله انه طرق انتحار بطيئه
اغلبا طول اليوم ماتكلين شي الا وجبه وحده

طيب ليش وش فايدة الرشاقة من غير صحة
يعني ازين جسمي واخرب صحتي وبشرتي

جسم الانسااان يحتاااج لكل العناصر الغذائية لكن مشكلتنا حنا يااما حرماااان او اسرااااااااااف مافي وسطية

المهم تصفحت القسم وطلعت منه بدون فااايدة لانه كل اللي فيه رجيمااات فظيييييعه وصعبة


علشان تعيش صح لازم تبداي صح
**حطي ببالك هدف بكون رشيقة جميلة بصحه وعاافية**

**تاكدي طريقة الحرمان من كل شي هو اللي يخليك ماتقدرين تكملين الرجيم وفي يوم تخربين رجيم شهور ويضيع تعبك
اعطيك مثال صغير الصااايم شفتي حنا اشلون وقت الصياام نشتهي كل شي ونااس من يوم اذان المغرب الين وقت السحور وهم ياكلون ياحلى يافطاير وغيره وغيره
ليش لانه حرم نفسه
حرم نفسه سااعات ماهو ايام وشهور فتخيلي نفسك محروومة من كل شي ماراح تتحملين والا مايجي يوم وتملي من الرجيم
فالحرمان هي ابشع طريقة واكثر ظلم لك انتي**
**لازم تعرفين نقصي بسرعة طبيعي رااح يرجع الوزن بسرعة**
** اكبر خطا ترتكبينه في صحتك انك تشربين اعشااب تسبب ( الاسهال او الغثيان الله يكرمكم )**
يعني اللي اخذت حبوب مرت وسببت لها غثياان وهي مازالت مستمرة عليهاا
اللي تشرب السنا وهو يسبب اسهال وفرحانه والله نحفت

تدرين ليش نحفتي من السنا وغيره لانه فضى جسمك من اهم شي وهي الموية الموية عمرهااا ماتضر انسان سبحان الله وجعلنا من الماء كل شي حيا
نحفتي الحين لكن خلي نظرك واسع ليكون نظرك قصير وضيق الحين لفضي الجسم من الموية وش بيصير في الكلى
الكلى ماتشتغل وتعطي وظيفتها وتتخلصي من السموم والبول الا بوسط ماي لازم الموية طيب الجسم فضي من الموية والكلى ماهي لاقية السبب الضروري اللي يخليها تعمل وظيفتعااا هنااا بنلقى شي اسمه فشل كلوي ليش الكلى فشلت تنظف جسمك والجسم صار كله تجمع سموم البول والاملاح والسبب انك فضيتي جسمك من اهم شي في الحياة وهي الموية

ويا الحسرة لما لاسمح الله تلقين الجسم اللي فرحتي وتعبتي علشانه بدا يتنفخ بسبب تجمع الاملاح والسموم في جسمك او صااابك جفااااف


** خليك صاااحبة همه وحركة سبحان الله كل شي يتحرك في الدنيا جسم الانسان على طول بيتحرك الدم فيه الكون والشمس والقمر تتحرك
الجنين يتحرك كل شي سبحان الله يتحرك لاتكونين كسلانة خاامله
خليك نشيطة
عندك درج ومصعد للاسف على طول ركض على المصعد طيب ليش ماتطلعين الدرج انتي تدرين انه حتى مرضى القلب الدكتور ياكد لهم على ضرورة صعود الدرج على حسب استطاااعته طبعااا لانه ينشط كل شي عضلة القلب ويساعد على زيادة ضخ الدم
وللجسم يعتبر من الريااضة يشد لك منطقة الافخاااد وغير فوايده الطبية اطلعي درج تعبتي ارتااحي شوي يعني حنا الحريم مستدين نلف السوووق كله بس على حد الرياضة والدرج خلاص تعبناااا

** تاكلي وتناامين الله يعينك **

** لو قلت لك في مرض خطير منتشر وش بتسوين على طول بتخافين وتحاولين تاخدين تطعيمات للمناعه من المرض
طيب السمنة مرض ليش تخلين جسمك يزيد وزن على وزن وبعدين تقولين ابي انزل وزني لو مشكلة في الهرمونات عالجيها مشكلة بالغدة الدرقية عالجيها والله يشفيك
لكن المصيبة الكبيرة سمنه بسبب الاكل ليش تخلي المرض يهااجمك كلي لكن بالوسطية مو لازم تملين الصحن ثلاثة اربعة مرات اكلتي والحمد لله لكن ماشبعتي اشربي موية او شاي اخضر ان شاء الله بتحسين بالشبع **

** بيبسي سفن ................... بدليهاا بعصيرات والافضل بالموية بدل البيسي موية لكن لاتحرمين نفسك كلي وبعد الكل اشربي شوي وخلاص الحمد لله ++

هذا اهم اشياء حطيتها بالي
عدم الحرمان
ابتعد عن اي اعشاب تسبب اسهال او غثيان
ماراح اقول الارادة لانك ماراح تحرمين نفسك بس راح تخففين
استبدل اشاء باشياء ثانية

حطيت لي نظام اول حاااجة عملتها
** صلحت سلوكي الغذائي **
ابتعد عن المقليات وعن النشوياات
الحلويات مامنها فااايدة ابدا لكن مافي ماانع تاخدين قطعه صغيرة
اكل كل شي لكن احطه بالفرن ماهو قلي
بدلت الخبز الابيض بالاسمر
الجبن والحليب واللبن الكامل الدسم بقليل الدسم
الشابورة نخاالة
السكر سكر الفواكة
والحمد لله اكل واستمتع واحافظ على وزني وصحتي

** مارست رياضية على الاوربت تراك **
كل يوم لمدة نصف سااعة

** قللت الملح **
وش الفايدة منه
احتباس الاملاح تسبب انتفاااخ الجسم
بالاضافة للضغط
مضرة للجهاز البولي

** اشرب مغلي الزنجبيل البودرة مع كمون وقرفة **
اول نتيجة رااائعه انه حسيت جسمي نظف الحمد لله من الاملاح كيف
لانه الزنجبيل مدر للبول والحمد لله حتى التهاب المثانة اللي كان عندي اختفى
نسبة الاملاح نقصت في جسمي
القولون الحمد لله اختفى مني
الدورة الشهرية ولله الحمد تنزل بدون ماتحتبس داخل الرحم

والاهم نزوول وزني على الشراب بطريقة ماتتخيلونها داومت عليه شهر في الشهر نقصت كيلو ونصف الحمد لله
يمكن البعض ماراح يعجبه كيلو ونصف حنا نبي 12 كيلو بالشهر
اقول طلوع السلم درجه درجه واللي يركض ممكن يطيح


طريقة اخذ كمية من قرفة بودرة زنجبيل بودرة كمون بودرة واغليهم على النار
انا املي ترمس القهوة اللي مقااسة عاادي من الصبااح لوقت النوم اشربي على فترات علشان لاتطفشين

الحين انا الحمد لله ماشاء الله تبارك الله نزلت الكم الكيلو اللي ماابيها بس نااوية استمر لاني حسيت فعلااا بالراااحة
والاهم حسيت جسمي ينظف من تراكم الاشياااء اللي تسبب لنا امراااض

اتمنى تستفيدون