أبي أتطلق؟؟؟ خلالالالالالالالالالالالالالاص

اهلين اختي

اولا احمدي ربك على نعمة الصحه هذي اكبر نعمه

وقومي جيبي ورقه وقلم وسوي لك كاس شاهي واقعدي اكتبي كل شي حلو عندك كل شي حلو عند زوجك كل شي حلو عطاك اياه ربي

انا الحين وانا ما اعرفك اقدر اعدد لك كثيييير من النعم الي انتي عايشه فيها وما حسيتي
الحمد لله عندك بيت وعندك زوج ما يسكر ولا يرتكب المعاصي وعنك اطفال :04:وهذي نعمه وما يحس فيها الا المحروم منها والحمد لله كلكم بصحه وعافيه

ثانيا الملل يجي من عدم النظام وايضا من عدم التغيير كيف ؟؟؟
يعني اذا كل يوم قمتي الصبح وانتي ما عندك جدول ولا نظام راح تكونين معصبه وزهقانه وضااااااايعه غير اذا صار لك جدول تمشين عليه وتنتظمين فيه
وايضا من عدم التغيير فاذا ما صار عنك جدول تمشين عليه فما راح تحسين بالتغيير اما لو سويتي لك جدول بكل الاشياء الي بتسوينها اليوم من اشغال وقراءة قرآن ولعب مع اطفالك وجلوس على النت وبيوم من الايام كسرتي الجدول راح تحسي بفرق التغيير وهذا ما راح تحسين فيه الا اذا جربتيه:32:

ثالثا يا اختي جددي بنفسك وحياتك وانسي زوجك فتره من الزمن وصدقيني اذا نسيتيه واهتميتي باشياء ثانيه راح يرجع يحب رجولك:35:

رابعا اكيد عندك هوايه واذا ما عندك انتي سوي لك هوايه وابدعي فيها مثلا الطبخ:cook: او العمل على الكمبيوتر وتقدرين تاخذين دورات تصميم وانتي جالسه في بيتك وتقدرين تطبخين حلا او فطاير وترسلين لجاراتك وشوي شوي بيحبونك وتتعرفون على بعض

كل يوم اجلسو بمكان بالبيت يعني مره بالمجلس مره بغرفة التلفزيون مره بالحوش او بالسطح (اذا عندك) ومره بغرفة الاطفال

احرصي على تخصيص نصف ساعه لقراءة القران وخلي اطفالك جنبك وانتي تقرين وايضا خصصي ربع او نصف ساعه لقيام الليل والله راح تشوفي نفسيتك عاااااال العاااااال

المسجل بالبيت مره خليه على اذاعة القران ومره على نشيد للاطفال ومره على محاضره ومره اناشيد
خصصي وقت العبي فيه مع اطفالك مثلا لعبت التركيب ومره جيبي الالوان وارسمو سوا انتي وياهم

مره طفشي بالمويه والصابون انتي وياهم <<<< بس انتبهي لا ينكسرون:hahaha:
مره سوي حفله ومره قصي عليهم قصه وجيبي الوان الوجه ولوني وجيههم

حتى التلفزيون لا يكون دائما على قناة وحده نوعي بالقنوات

وزوجك قومي بواجبه بس وانسييييييييييييييييه:16:

كل يوم قومي الصبح لان اللي يقوم متاخر سبحان الله يكون ضايق صدره ومكتوم ومعصب طووووووول اليوم
واتروشي واتعطري ونفس الشي كل يوم عطر مختلف والله العطر يحسن النفسيه ويبعد الاكتئاب ونفس الشي اطفالك روشيهم وعطريهم

تقدرين مره تسوين حفل شواء وتحطين بطاقه لزوجك وتجهزين كل شي من الى


ولا تنسين الابتساااااااااااااااامه خلي وجهك داااااااائما مبتسم ولو بالغصب وبعدين تتعودين:)

دللي نفسك واهتمي فيها سوي لك حممات الزيوت العطريه تلقينها عند نكتار وبودي شوب عبي البانيو مويه وحطي كم نقطه من الزيت واجلسي فيه ربع ساعه او نص ساعه

يا بنت الحلال والله لو فكرتي ترا الدنيا ما تسوى وبعد كم سنه ان شاء الله تضحكين على نفسك انك فكرتي بالطلاق ولازم اول كم سنه صعبه على المتزوجين وانتي ما لك الا ثلاث سنوات بس

وبعدين معروف ان المراه هي الي تخلي البيت جنه او نار اما الرجل فما يقدر على هالشي

وبيتك غيري فيه اشياء بسيطه مثلا غيري مكان التلفزيون اومكان الكنبات غيري بغرفة النوم وتقدرين تجيبين اشجار الظل وتحطينها بالحمام وبغرفة النوم او بالصاله او بالمطبخاو تشترين حوض سمك او قفص بلابل وكل هالاشياء البسيطه راح تشوفين تاثيرها على نفسك وعلى زوجك وعلى اطفالك

انصحك تشترين كتب وتقرين اذا تحبين مثل كتاب الرجال من المريخ والمراه من الزهره <<<الظاهر اسمه كذا ماني متذكره
او تشترين اشرطه للمدربين على الحياة الزوجيه وتسمعينها

ادخلي دار التحفيظ والله ونااااااااااسه سواء العصر او الصبح وعيالك اغلب الدور فيه حضانه

واذا زوجك عنده اصحاب تعرفي على زوجاتهم واعزميم عندك بالبيت او اطلعوا سوا حديقه

ولا تناظرين للناس ترا والله بتتعبين وكمان لا تصدقين كلامهم ترا الحريم اغلبهم يحبون الفشخره الفاضيه

لكن اولا دللي نفسك واهتمي فيها وبعدين اطفالك واخيييييييييرا زوجك ولاتنسين الاستغفار والابتعاد عن المعاصي

يلله قولي بسم الله ابدئي بتغيير حياتك للافضل باذن الله:26:

الله يكون في عونج

لازم يا حبيبتي تغيرين من نظامك الي انت فيه
تطلبين شغاله اول الامر واذا ما نفذ طلبك عادي ...عامليه بشوي من البرود وحاولي تتغاضين عن طلباته شوي
مثل يوم لا تقعدين معاه على الغدا ..مثلا يعني غيري من الروتين الي معيشه نفسك فيه
اانا ما احاول اعصيك على زوجك لا ..بس في بعض الازواج ما تحب الزوجه الي مثل صفاتك بصراحه انت عايشه بس لشغل البيت وتربيه الاولاد ..!
كلنا عندنا اولاد وعندنا مسؤليات بس لازم تنتبهين لنفسك شوي
تعرفي على جمعه بنات وحاول تدخلين معاهم بدوريه اطلعي طلعه خاصه فيك مع اهلك او حتى معاه هو بدون الاولاد
احس فيك والله حاسه انك محطمه نفسيا لكن الحل بايدك انت والتصرفات الي يتصرفها زوجك هو عباره عن رده فعل لتصرفاتك انت ..!
حبيبتي اذا انت ودك بصديقات انا بكون اول وحده اعرض عليك صداقتي واذا حابه ارسلي على الخاص.

مرحبا حبيبتي وسعي صدرك وتفاءلي وان شاء الله بتنفرج وراح اقولك نقاط تمشي عليها وحده وحده واجزم باذن الله انه راح تنحل مشكلتك اذا طبقتيها 1}راجعي نفسك وتوبي الى الله من جميع المعاصي واكثري من الاستغفار فمن لزم الاستغفار جعل الله له من كل هم فرجا. 2}قومي قبل اذان الفجر ولو بعشر دقائق واستغفري وصلي الوتر وادعي ربك بالحاح ان يفرج همك ويشرح صدرك ويحقق مرادك وان يقيض لك رفقة صالحه 3}صلي الفجر ثم اجلسي في مصلاك واقراي ماتيسر من القران 4}اشغلي وقتك بكل نافع ومفيد من سماع لبعض المحاضرات وقرأة كتب او مجلات اسلاميه 5}انصحك بكثرة قرائة الكتب التي تتكلم عن الحياة الزوجية وفقك الله واعانك غاليتي