هـل حـصل لك مـوقف طـريف او مخيـف اثنـآآء سفـرك ؟؟ تعالـي هنـآ ..

يوه مرة كنت في امريكا في السوق ... كنت اكلم بتليفون العمومي .. ولوحدي المهم في 3 هو 4 شباب شكلهم مكسيكين كلموني بلغة ما فهمتها سويت نفسي مشغولة بالتليفون !!! ولمن خلصت لقينهم ورايا امشي وهم ورايا والسوق كان مافي ناس كثير كان صباح !!!! وبسرعة رحت لاكبر محل ( ميسير) له مدخل خاص وكم دور ومرة كبير ورحت استخبيت بسرعة وطلعت بالدرج فوق وراقبتهم الين مشيوا كانوا يدوروا عليه شكلهم .. مت خوف

وفي نفس السفرة كنا انا واخويا راجعين من عند اهل مرته في امريكا برضة وهم اهلها عايشين هناك .. المهم كنا مستاجرين سيارة كبيرة .. وتلحقنا سيارة سودا !!!!!! طبعا كان الوقت متاخر !!!! ورايحين الفندق .. مطاردة حاول يضيعهم بس هما ورانا ... وقف السارة عند الاوتيا عند الباب وجرينا على الرسبشن وقال اخويا اطلعي انتي بسرعة للغرف .. طبعا انا عنلت فيها كيف اروح واسيبك !!! بس قالي روحي وانا جاي حنكلم الشرطو وكلموهم واخويا طلع لي فوق ... قافلين الباب خايفين .. وشوية والباب يدق رحت اشوف من العين السحرية شفت وحده ما عرفتها رجعت لاخويا اقوله ماادري في وحده عند الباب يمكن حرامية ويمكن من الشرطة !!!

ولمن راح يشوف طلعت مرة اخويا جاية مع امها !!!! قلبها اكلها على اخويا فجات تنام عنده !!!!!!!( بعد دا كله اطلقوا ) وانا الهبلة من الخوف ماعرفتها !!!!

والله امريكا دي مرة تخوف الحمدلله انا بامان والله امشي الصباح في السوق ما احس بخوف

يالبى قلبه ههههههههههههههههههههههههه موتيني ضحك


والورده المخمليه ههههههههههههههههههه وربي تجنن مواقفكم


انا في شهر العسل راح زوجي بيجيب عشاء بعد المغرب لاننا من الصبح نفتر بالمنزهات ولما طلع جاني نوم مفاجئ ماحسيت بحالي ونمت وصحيت بعد ساعه وزوجي بيتجنن والناس اللي حولنا طلعوا من كثر ما طق الباب بصوت عالي

على باله مخطوفه

هههه ياحليلكم...

انا بقولكم سالفتي...

اول العام رحنا انا وزوجي لبنان قلنا شهر عسل من غير عيال...

المهم تعرفون حركات القروبات ...ذاك اليوم مصحينا من صباح الله خير في بالبرنامج رحلة غداء في مطعم مشهور بلبنان ....قبلها طبعا لفلفنا ماخلينا جبل ماركبناه .طبعا انا طول الوقت متشائمه من شامي مسيحي لابارك الله بخشته قاعد يدردع ببيرته قدامنا هو والحرمه والعيال .زوربي عيال صغار ويشربون>>>عبالهم عصير وانا فقعت عيوني من الخز.....

المهم يوم مشينا بذاك الطريق اللي يودي للمطعم واشوف الباص كل ماله ويرتفع وتحسينه بيقلب وانا ميته خوووف وكاتمه بقلبي لكن يوم شفت الجد والمرشد السياحي مرتز يقولي شوفي يامدام نهر الدانوب وربي يوم ناظرت من الشباك الا هالدانوب اللي يتكلم عنه قمله>>>>من صغره ومنارتفاعنا مايبان نتيفه انا شفت كذا المنظر وصابتني حالة هستيريا ماتتخيلون شلت الباص شيل >>>فشيله اكيد قالوا قروويه هههه والله الصراحه يخوف حواف الجبل اللي نمشي عليه ماله صبيات ولا حواجز يعني الطيحه سفر ورويسي بعد!!

لا والحبيب سواق الباص يحسب نفسه برالي طاير فينا وشوفوا صراخي وزوجي يابنت الحلال اهدي فضحتينا وانا صرااااااااخ من قمة راسي يعني مالقيتوا مكان تغدونا فيه الا فوق الجبل شفيها الأرض يعني ؟؟؟؟

وواله بذاك اليوم كل من في الباص ضحك لين داخ من صراخي وتحلطمي>>>>كني عجيز..

والحمد لله يوم طلعنا المطعم يقاله الفردوس الا ذيك التبوله والمشاوي اللي تنسيك طريق الرجعه اللي هم بعد قام صراخي فيه هههه..

وسلامتكم.....

وفيه موقف ثاني يوم كان عمري 8 سنوات كا رايحين مصر المهم امي قاعده تطالع ابوي من البلكونه وقالتلي انزلي ناديه نزلت انا >>خبله وش دراني الا وذاك الكلب السلوقي اللي يحبه قلبكم عاد مصر عندهم عادي كان اطير واصارخ ومراكض ...الحين انا اركض والكلب وراي والأبو فص ملح وذاب ....

مالقيت نفسي الا قريب مكان مدري وشهو المهم قاعدين ع الرصيف حرمتين صعايده شكلهم وانا اصيح من قمة راسي ...الا وكل وحده فيهم تمسكني بيد يقولون لي اهلك فين عاد الله واللهجه اللي عندي اقولهم امي (طرشتني) يعني ارسلتني ..كان يصيحون بأعلى صوتهم ويا الجرار اللي فوق راسهم >>>>يخوفون والله..اميهي طردتهي(امها طردتها) بالصعيدي اميهي طرديتهي وانا اناظر بهم واقول لا لا (طرشتني) >>>مسكينه الفقيره مصره على طرشتيني وهم يصرخون ويدورن بي من مكان لمكان اميهي طرديتهي ههههههه الا ما جاك ذاك الأبو اللي كان طول الوقت يدور وامداه بلغ الشرطه والمره للحين تقول(طرشتني) هههههه من اجمل مواقف حياتي هذا الموقف .....

وسلامتكم....