بديت أعلم ولدي استخدام الحمام ... ولكن.......!!!

انا ولدي نفس عمر ولدك ونفس الطريقه اسويله بس تعلم بسرعه ماشاءالله عليه وصار يروح لوحده واذ جات الكبيرة بعض الاحيان يخيب ظني باقي وقت النوم وهذا الضربه بصراحه متعبه جدا

حبيبتي هتوني ..هونيها وبتهون ان شاء الله.

خبريني انتي شو تسوين يوم بنتج تسويها على نفسها؟؟؟ .. يعني كيف تكون ردة فعلج؟؟ (بالتفصيل الممل) :27:

غالبا الطفل يقدر يتدرب في عمر السنتين ونص تقريباً .. وطبعاً الاختلافات موجودة بين الأطفال.

انا مثلاً يوم وصل ولدي سنتين ونص بغيت اعلمه بس ما فلحت .... ويوم رجعت اعلمه على سنتين وسبع شهور ضبطت السالفة ولله الحمد.

مممممم

انتي جربي الغالية وشوفي شو بيصير وياج.

يعني جربي لمدة أسبوع أو عشر ايام مثلاً .. اذا شفتي الأمور زينة والولد متجاوب وياج كملي .. واذا شفتي ما في اي تقدم ابدا فهذا معناه ان الولد بعده مب مستعد.


بس مع احترامي لراي زميلاتج .. انا عن نفسي ما احب الخدامة تتولى مثل هالأمور .. يعني يا اختي نفسية الطفل في هالمرحلة مهمة جداً ولازم تكونين حريصة وياه عشان ما تتصرفين اي تصرف ممكن يخليه يكره الحمام ويرفض التعليم .. وبصراحة انا اشك ان اي خدامة في الدنيا ممكن تراعي هالنقطة بالذات.

الشي الثاني .. بداية التعليم تكون متعبة ويبالها صبر وبال طويل .. وانا صراحة ما اضمن ان الخدامة ممكن يكون بالها طويل مثل الأم .. يعني لا سمح الله ممكن اذا طفرت منه تضربه أو تصرخ عليه او اي شي.


اسمحي لي بس انا عن نفسي وايد اخاف من الخدامات .. ودايما اقول (اذا كانت الام نفسها تطفر احياناً من ولدها فكيف اتوقع ان الخدامة بتتحمل وتصبر عليه؟؟؟؟)