شاركي في النقاش

سجلي الدخول لإضافة تعليق.

التعليقات

7,275
  1. وانا كمان يا متحمسه وحشتني فراشه دبدوبه.لعل مانع دخولها خير.مايكونش قرد دخل من الشبك وخد اللاب توب بتاعها...............
    وام يحيي كمان مختفيه من كام يوم.
  2. @almslm22

    خواتى كيفكم والله وحشتنى الرابطة انا بطل دايما عليكم بس من بعيد معلش اعزرونى طبعا للى مش فكرينى انا ربطت من شهرين تقريبا بس والله كتير خايفة امبارح رحت للدكتور لقيته مسافر والمساعد اجى يضيقلى وقال شو لقى الخزان متحرك ووجعنى وما عرف يضيق ارجوكم خواتى افيدونى مين مرت بهالحالة وانا خايفة ارجع للدكتور المساعد وشو رايكم استنى الدكتور لما يرجع من برة احسن
  3. رجعت لكم

    بكتب لكم معاناتي اليوم

    بس تعبانه مب قادره حتى امشي

    تحمدولي بالسلامه
  4. @dh_ahmd_1

    السلام على الجميع ..

    المدام الكلبوظه ..
    مبروك النزول عقبال الباقي باذن الله .. على فكرة حكاية المضغ والبصق دي زي الذباب كنت بعملها ايام فترة نزول الوزن لما كان يجي في بالي شيء ممنوع ونفعتني جدا بس مجاش في بالي انها قد تساعد في منع تسوس الاسنان .. على كل حال احتمال دكتور الاسنان عندك معاه حق لان اسناني سوست فجأة ثمان اضراس مرة وحده وكنت فاكره الحمل هو السبب بس ربما لفترة السوائل علاقه ..

    بالنسبة للنفسيه فعادي جدا حدثي ولا حرج .. لاحظت ان في ارتباط قوي بين النزول المفاجيء في الوزن وبين تعب الاعصاب ده كمان توقعي يجي لك لاقدرا لله اضطرابات في الدورة الشهرية بدون سبب في الفترة القادمة كل ده برضه وارد جدا اثناء نزول الوزن بكميات كبيرة فمتقلقيش لو حصل ..


    الوفاء الخالد ..

    بالعكس مش متفقة معاكي ابدا في موضوع اخفاء عيوب العملية عشان الي عملوها مينجرحوش .. يابنتي احنا مش مناسبينها يعني المفرو ض احنا اول ناس نفرح بمعرفة عيوب عملياتنا عشان مننصدمش لو حصل شيء والاهم عشان نبقى مستعدين ونعرف نتصرف .. عن نفسي عمليتي تدبيس معده واول وحده في الدنيا بفتش وانكش على عيوب التدبيس واتوقع كل شيء منه وبكبر اي حاجه بتحصل واتوقع اسوأ الاحتمالات دائما .. بكده اكون واقعية وصريحه مع نفسي .. بعدين متنسيش اننا جميعا كنا سمان جدا لدرجه السمنة المفرطة الخطيرة الي قد تؤدي للوفاه في اي لحظة وامراض في منتهى الخطورة زي الضغط والسكر والقلب والكبد والكلاوي والقوانص المحمرة مع صنوبر ..

    برغم اننا كنا دائما بنسمع الكلام ده من اي حد رفيع او وزنه مثالي او اي طبيب تغذية مكناش بنهتم ابدا .. وانا طخينة ايام لما كنت مية وعشرين او مية خمسة وعشرين بمعنى ادق كانت ماما دائما تقولي حرام عليكي هتموتي لازم تعملي شيء عندك بنت عاوزه تربيها .. مكنتش بهتم لكلامها ابدا .. عادييي .. يبقى مش معقول دلوقت بعد ماعملت العملية ههتم لو حد قالي عمليتك خطيرة وممكن تموتي منها .. عادييي جدا برضه .. بصي احنا كنا في وضع غلط من اوله لآخره وخطر من اوله لآخره فضطرينا نعدله بوضع خطأ نص نص وفيه خطورة برضه بس على الاقل راضيين عن نفسنا فيه اكتر من الوضع الاولاني ..

    بعد المقدمه الطويلة دي بقولك التحوير اخطر العمليات بس اخطر منه اني اكون سمينة جدا ونفسيتي في الحضيض لا عارفه اعيش حياتي ولا استمتع بيها .. صدقيني لو وزني فوق المية وثلاثين او اربعين مكنتش هتردد ابدا في عمل التحوير رغم اني عارفه خطورتها لان بجد كانت هتبقى حبل النجاه بالنسبة لي .. بالظبط زي الي بيقطع رجله عشان فيها غرغرينا مش مهم يعيش برجل وحده المهم انه يعيش ..

    ============

    مش عارفه معليش مين من العضوات الجداد كانت بتسأل عن العملية المناسبة لها ومين من العضوات نصحها بالتحوير .. معليش والله راحت من بالي الاسماء فعذرا ..

    الي فكراه ان طولها كان نفس طولي تقريبا قبل العملية كذلك وزنها .. الي هو كان 120 كيلو على 163 سم .. معدل كتلة الجسم للتركيبه دي مينفعش معاه تحوير او بمعنى ادق مش محتاج تحوير .. يادوب تدبيس او حزام .. او طبعا سليف الي كلكم عارفين رأيي فيه وكطبيب لا انصح بيه ابدا ( صدقت نفسها .. ماعلينا )

    المهم لو حبيتي رأيي ففكري في اي شيء الا التحوير لان وزنك مش مستاهل ويفضل يكون التدبيس او السليف وبلاش حزام لانه محتاج رياضه وعزيمه قويه اوي عشان تنزلي الكم ده من الوزن الزائد فاحصري خياراتك مابين التدبيس والسليف وطبعا لو حبيتي رأيي اكثر فارشح لك التدبيس لان ده الي انا مدبسه بيه ..

    بالنسبة لحبك للشوكلاته وتأثيره على القرار فمين فينا مش بيحب الشوكلاته اكيد كلنا بنموت فيها .. بس في ناس بتاكلها بشراهة يعني لازم يوميا ومتصبرش عنها ابدا سواء هي او اي حلويات اخرى ( يعني والدي مثلا بيموت في السكريات مع ان عنده سكر صحيح وزنه مش زائد لكن طبعه كده سبحان الله بيموت فيها .. بالنسبة لي بحبها جدا لكن كتحلية مش كوجبة زي والدي مابيعمل احيانا )

    فانتي شوفي نفسك هل الحلويات بالنسبة لك شيء لذيذ بتحبي تاكليه كتير لكن بحدود .. يعني هل العسل مثلا تقدري تاكلي منه صحن بحجم صحن الخضار؟ في ناس كده متستغربيش ..

    اذا كنتي بتحبي الحلويات ومن ضمنها الشوكلاته ضمن الحدود الطبيعية للبشر فمفيش مشكلة مش لازمك تحوير لكن لو بتحبيها بشكل شره مرضي لاتستطيعي السيطرة عليه يبقى مقدامكيش غير التحوير طبعا .. بس خلي بالك الي بتاكل حلويات في التحوير مش بس مبتطخنش لاه كمان بيجي لها اعراض حاجه اسمها الدامبنج ياريت تعملي عنها سيرش تستفيدي اكتر بس هي خلاصتها حالة من الدوخه والرعشه والغثيان والاسهال المفاجيء مع اكتآب شديد .. تستمر دقائق بعدين تروح .. وقد تنتهي بخمول او نوم .. طبعا بتيجي بعد تناول كمية حلويات زائده عن قدرة الجسم على الامتصاص بعد العملية ..

    وبالمناسبة نسيت اقولك ان رأيي السابق كله مبني على اساس انك مش بتعاني من اي امراض مزمنة متعلقة بالسمنة زي الضغط او السكر او او .. لو في لاقدر الله اي مرض تاني مصاحب يبقى التحوير برضه هيبقى حل فعال بالنسبة لك حتى لو ان وزنك مش عالي بالدرجه ..

    ==============

    حتى انا مفتقده فراشة وزيزو الكويتية واكيد طبعا عسولة الي مفتقدها وقلقانة عليها اضافة لذلك ..

    ماسبق كان مجرد امثلة وقائمة الافتقاد تطول ..

    ياريت ياجماعه من كل وحده مفتقده عضوة ما ان تراسلها على الخاص تسال عنها وتطلب منا ترجع تنورنا في الرابطه تاني .. للاسف ذاكرتي اضعف من الضعيفه ومش بفتكر المعرف بالظبط عشان اقدر اراسل ..

    ===================

    في بالي ردود بس معليش الوقت لايسمح فرديت على اول كام رد جاء في ذهني وانا بكتب .. اشوفكم في رد قريب ..

تابعي تجارب أخرى من هذا القسم.