بديت أعلم ولدي استخدام الحمام ... ولكن.......!!!

مشكورة والله على هالدعوات الحلوة .. والله يعطيج مثلها وأحسن يا رب.


الحمدلله .. يعني صار تقدم حلو مع بنوتج. :2thmup:

بس لازم انبهج الغالية .. توقعي حدوث كبوات وعثرات بين فترة وفترة.
يعني لا تقولين لانها سوتها في الحمام اخيرا فما بتسويها مرة ثانية خلاص في ثيابها .. لا الغالية .. يعني توقعي ان تطور قدرتها على استخدام الحمام يحصل بالتدريج .. يعني كل ما طال الوقت بتشوفين ان المرات اللي بتسويها في الحمام بتزيد والمرات اللي بتسويها على نفسها بتقل .. وهكذا لين تصير تسوي في الحمام على طول وما توسخ ثيابها ابدا.

والمهم انج تعطينها وقتها لين تتمكن من الموضوع وتقدر تطور قدرتها على التحكم في نفسها .. يعني لا تستعجلين عليها.

شدي حليج يا هنونة وطولي بااااااالج.
كل شي في بدايته صعب .. والله اني كرهت عمري في الأسبوع الأول من تعليم ولدي .. لكن ان شاءالله الأمور بتتحسن.

حبيبتي احتمال انها تغير من اختها الصغيرة (وهذا احتمال وارد)

جربي تسوين مثل اختنا نغمة تائهة .. يوم تبدلين للصغيرة بيني انج متضايقة منها انها مب شاطرة وبعدها تلبس بامبرز وما تعرف تروح بروحها للحمام .. واخترعي مشهد تمثيلي وياها .. يعني قولي لها (انتي مب حلوة ووايد متعبة وكل شوي اغير لج البامبرز .. مب مثل بنتي الكبيرة الشاطرة الحلوة اللي تروح الحمام بروحها) أو (انتي مب شاطرة ووسختي البامبرز عشان جذي ما باعطيج بوسة بس بنتي البطلة الحلوة باعطيها بوسة كبييييييرة لانها تروح الحمام مثل الشطار)

طبعاً قولي مثل هالكلام والبنت الكبيرة موجودة وسامعة كلامج مع اختها الصغيرة .. وان شاء الله بتتأثر بالكلام وبتحاول تتحكم في نفسها أكثر عشان ترضيج وعشان تكون فعلاً أحسن من اختها الصغيرة (الغيرة في هالحالة ممكن تنفع لو وجهناها بطريقة صحيحة)

ما شاء الله على ولدج .. الله يحفظه لج من كل عين وسوء.

اعذريني حبيبتي ما اقدر افيدج بخصوص تدريب الليل .. لاني بعدني ما بديت مع ولدي هالمرحلة.

لكن اعتقد ان المسألة ما بتصير بالتدريب .. لان الطفل يكون نايم فكيف بيقدر يتدرب على انه يتحكم في نفسه وهو راقد؟!!!!!

ما اعرف بس احسها صعبة .. خصوصاً اني ما اعتقد ان اسلوب الثواب والعقاب بينفع وياه وهو راقد!!!


اختي قالت لي ان هالسالفة بتحصل تلقائياً في اي وقت .. بدون تدريب ولا شي .. وقالت لي ان بناتها وصلو هالمرحلة على عمر أربع سنوات تقريباً .. مع انهم كانو متعلمين على الحمام على عمر سنتين وسنتين ونص.

بس للأمانة في بنات هني نصحو بان الأم لازم تشيل البامبرز نهائياً حتى وقت النوم .. وتقوم نص الليل عشان توديه الحمام حتى وهو نايم!

بس انا بصراحة ما جربت هالسالفة .. وبصراحة اكثر ما عندي استعداد اخرب نومي ونوم ولدي عشان الحمام .. ولا حتى متحمسة وايد اني اخليه ينام بدون بامبرز ونقوم على وساخة السرير وتبديله كل يوم في الليل!!

انا ناوية اسمع كلام اختي في هالسالفة بالذات :wink:

مشكووورة ع الرد
صح كلامك لازم الام يكون عندها استعداد انها تقوم بالليل كل فتره وتودي ولدها للحمام


الله يعين :09: