ليش كدا يا صديقه عمري؟

السلام عليكم بنات انا اول مره اكتب في دا القسم ويشهد علي الله اني ما كتبت غير وانا من جد في حاجه لآرائكم انا يا بنات عندي صديقه من ايام الثانوي بس من جد كانت بالنسبه لي اكتر من اخت سبحان الله ارتاح لها مرررررره وهيا كمان ما تخبي عليا اتصورو يا بنات بابا من النوع اللي مره ما يوثق في بنت او صاحبه ليا بس هادي مره ارتاح لها وكان يخليني اروح انام عندها علما انو ماعندها اخوان وابوها متوفي وامها صاحبه ماما يعني كلو تمام لحد هنا احب انبهكم لنقطه معينه البنت مو سعوديه المهم كانت احلامنا واسرارنا كلها عند بعض وفي يوم من الايام حلصت لها ظروف اجبرتها انها تروح بلدها والله يا بنات البنت جلست تبكي علي بكاء غير طبيعي تقولي عمري ما راح انساكي المهم وعدت الايام وسافر وكانت على اتصال دائم بي وامها كمان كانت دايما تتصل على ماما المهم في يوم سمعت من بنت خالتها انها اتخطبت قسم بالله الخبر كان علي زي الصاعقه وقلت في نفسي ليش اسمع من غيرها مو منها مع اني والله في داخل نفسي فرحت لها لأنو حالتهم الماديه كانت شويه تعبانه بس والله في نفس الوقت زعلت ليش ما تقولي ماتوقعت تسوي فيا كده المهم وقتها كان همي الوحيد بس اني اتصل وابارك لها والصمده التانيه انها كانت مغيره رقمها انا وقتها خلاص ضاقت بيا الدنيا وقلت يابنت امكن مشغوله اصبري شويه وبعد فتره امها دقت على البيت ورديت وقالتلي ترى فلانه انخطبت المهم انا باركت لها وقلتلها خاله ممكن اكلم فلانه قالت طيب واعطتها السماعه قلتلها كيفك قلت طيبه فينك يابنت غيرتي رقمك ردت بكل برود قالت ليش انتي بتتصلي والله يابنات كانت في اليوم تسويلي رنات اكتر من مرره وغير الرسايل انا وقتها قلت لا خلاص كل شي واضح المهم قالتلي يالله تعالي الفرح قولتلها ان شاء الله لو بابا وافق والله يا بنات ما لزمت علي مررره ما كنت اتوقع كده راح يكون ردها قالت طيب شوفي وبس قفلت وجعت وبعدها بكم يوم دقيت عليها طبعا اخدت رقمها وسألتها عن مكان الفرح وكده والبنت مررررره عادي الظاهر نسيت كل شي والعيش والملح المهم انا مارحت الفرح وهيا اتزوجت وراحت منطقه تانيه مع زوجها وليومكم هادا ما دقت ولا اعطتني رقمها الجديد والله مررررره مو قادره اصدق لا والمصيبه بنت خالتها جات السعوديه بعد فتره وانصمدت لمن قالتلي انها كل يوم بتتكلم معاها يعني طلعت رقم ولا فكرت تعطيني والله والله اني عمري ما ضريتها وما شافت مني غير كل خير قولولي ايش اسوي اخد رقمها من قريبتها وارسلها اعاتبها ولا اطنش خلاص وانسى اني في يوم كنت مخدوعه في هادي الانسانه ساعدوني انتظركم لأني خلاص نفسيتي زفت ليش الدنيا كده ما صار فيها امان حتى من اقرب الناس والله ما امدح نفسي بس الحمدلله كل الناس تحبني واجتماعيه وعندي صاحبات كتير بس برضوا مجروحه معقوله بس كانت كده ما شيه معايا تسليه واول ما اتزوجت نسيت كل شي آه آه آه