زووف ..
لاه مش قريبتي الي حصلت لها السالفة دي قريبة وحده في المنتدى وانا الي ارسلت اسألها .. كنت وقتها لسه بقالي كام شهر عامله العملية وكنت مفزوعه من موضوع فك الدبابيس ده لان الدكتور كان مخوفني منه .. ارسلت لها بس موصلنيش الرد الا الآن وحسيت انه مفيد جدا وبيلفت النظر لجوانب لازم نكون ملمين بيها لو نوينا نعمل عملية تدبيس او غيره يعني الواحد يشوف التجارب الفاشلة قبل الناجحة عشان ياخذ قراره وهو على نور والاهم عشان يعمل حسابه ميقعش في نفس الخطأ ..
======
بالمناسبة ياجماعه عملت النهرده حركه روعه .. راضية عن نفسي بشكل ..
النهرده طلبت اكل من المطعم .. كنت جعانة وانا بطلب فطلبت وجبة مليانة حاجات وشكلت في الطلبات .. لما الاكل وصل وانا عارفه نفسي مش هقدر آكل وهستفرغ كما العاده بس برضه عارفه ان اكل المطعم ده بالذات رهيب وبقالي فترة مطلبتش منه ..
المهم رحت بسرعه جهزت كوب عصير برتقال تانج بارد كبير ( حوالي كوب ونصف من الحجم العادي ) وقعدت آكل بهدوء واشرب بين كل لقمه والثانية شويه عصير انتظر شويه واكمل اكل ..
تركت الاكل المعتاد ودخلت على المقبلات دي الي كنت محرومه منها بجد .. تخيلوا ماشاء الله اكلت ثلاث حبات سمبوسك كبار وحبة كبيبة يعني في حجم البيضه تقريبا وقضمة او اثنين من الكانولوني فيها شويه لحم مفروم .. محصلش حاجه .. مش مصدقة نفسي .. شويه وارتحت وكلت ثلاث اربع ملاعق سلطة طحينة محصلش حاجه .. فرحت اكتر ونفسي انفتحت رحت آكل كام ملعقة مكرونة بشاميل .. ياسلاااام كل ده كلته مع كوب كبير جدا من عصير البرتقال المثلج .. مش مصدقة نفسي عمرها ماحصلت من سنه وشويه من يوم مادبست معدتي ..
كان في امكاني اكل دجاج وشيبس و وو .. بس قلت بلاش خليني في السمبوسك كان نفسي فيها من زماااان .. بالعاده اكل نصف وحده او وحده بالكتير واستفرغ بعدها .. المرة دي الحمد والشكر لله عدت بسلام ..
نستفيد من هذه القصة .. اولا ان التدبيس بعد سنه فعلا بيبدأ يفقد فاعليته الى حد ما يعني زمان مستحيل كنت اقدر آكل الكمية دي في وقت واحد والاهم ان في مقليات ولحوم ودي اشياء كانت بتخليني استفرغ مباشرة ايام زمان ..
النقطه التانية وهي الشرب مع الاكل .. فعلا بيوسع المعده جدا .. هو الي بيحصل انه بيذوب الاكل ويسحبه للمعده الكبيرة فبيفضي الجيب الصغير وبالتالي بنقدر ناكل كمية اكبر ..
طبعا الشرب بعد الاكل بسرعه او مع الاكل بيخليني استفرغ فورا لكن الي حصل اني كنت باكل وامضغ كويس بعدين انتظر شويه بعدين ابلع كمية صغيره من العصير وانتظر شويه بعدين كمية صغيره تانية وهكذا لو شربت مرة وحده جرعه كبيرة اكيد كنت هستفرغ برضه ..
سيبوني بقى استمتع بذكرى هذه اللحظات الي عدت زي الحلم .. ياسلااام متخيلين معايا قرمشة السمبوسه الطازه .. ياااه الحرمان ده وحش بشكل ..
[رابطة] أصحاب العمليات الجراحية للتنحيف
متابعة النقاش، صفحة 255