[رابطة] أصحاب العمليات الجراحية للتنحيف

الف الف الف مبرررووووك يابنت الكبيســـي وعقبال ماتوصلين للوزن اللي ببالك ...:27:
وكـــل شي مايــتم الا ::
بالإراده ..والعـــزيمه .. والاصـــرار...
والله يوفقك .. والجميــــع ...قـــدهــا وقدووووود ....

أســأل الله الكــريم رب العرش العظيــم ان يشفيني ويشفي مــريم..آآمين
:39:

بنات انا عملت عمليه ربط معده
والوزن الحمدلله في نزول
بس في حاجه مأرقتني ومنكده علي حتى وانا جالسه انحف

هي جروح (ندبات) العمليه بالبطن
الصراحه شكلها مؤذي
انا عندي اربعه
بس بالمره متضايقه منهم

ياليت يابنات اللي سمعت عن حل مضمون او جراحه او ليزر يشيل الندبات تقولي
وياليت اذا احد مجرب يكون احسن
واذا تعرفون عند اي دكتور

بليز بنات محتاجه مساعدتكم بالهشي

انتظركم

ههههههههههههههه لا والله كل الي قلته لكم حصل وكلته بالهنا والشفا واول ماصحيت الصبح اول شيء جاء على بالي وانا لسه مغسلتش وجهي ان نفسي في وحده سمبوسه كمان .. مفيش فايده يموت الدب ولا يتعلم ..

بس في نقطه مهمه جدا اكدت عليها بس يمكن البعض مخدش باله منها وهي اني لولا شربت العصير في وسط الاكل بين كل لقمه والثانيه مكنتش هقدر أكل الكمية دي كلها يعني مش لان التدبيس خفت فعاليته ومعدتي وسعت لاه بس لاني عملت حركه ( تحايل ) على التدبيس وشربت سائل مع الاكل وياسلام لما يكون سائل سكري لاني لاحظت قبل كده ان السكريات بتفتح النفس وتوسع المعده معرفش ازاي ..

زمان اول العملية لو كنت شربت سائل برضه كنت هاكل كتير بس مظنش نفس الكميه .. يعني الي حبيت اوصله ان معدتي لو كانت اول ماعملت العملية عشرة في المية من حجمها الاصلي فاتوقع انها النهرده ممكن تكون عشرين في المية مثلا يعني لو باكل زمان بربع معده اعتقد دلوقت باكل بثلث معده وممكن كمان سنه باذن الله تكون ثلثين معده يعني اكون قربت كتير من اني ارجع لحجم معدتي الاصلية . .

على فكره ده كلام الدكتور لي مش كلامي قالي لو اكلتي كتير هتتوسع معدتك وهيبقى كل اي عملناه راح على الارض وعشان كده بحاول مشربش ابدا مع الاكل او بعده مباشره لان ده من اكبر الاسباب الي بيؤدي لتوسع المعده ..

بالنسبة للرجيم بتاعكم متفائلة بيه جدا وحاسه انه هيجيب نتيجه فتاكة ومنتظره بفارغ صبر اشوف نتائج بنت الكبيسي فيه لانها اول من بدأ .. ان شاء الله بعد الولاده بكام شهر هعمله من باب التشجيع لان اكيد باذن الله هينزل كام كيلو دفعه وحده وده يدي الواحد امل انه يستمر ..

========

بنت زايد .. منورة الرابطة .. ياترى اخبار الوزن بقى ايه دلوقت؟ يارب كلام يفتح النفس ..

========

الكلبوظه :
ها عامله ايه مع الكلى ونمبر ون ..
زعلانة من الدنيا ..

ها عاملة ايه مع القولون ونمبر تو ..

=========

شيرينية ..

مفعول العمليات لازم يروح بس من رحمة ربنا انه بيروح بعد فترة طويلة ان شاء الله يعني كام سنة يكون كفانا فيها تنزيل وزن .. مش هينفعنا بعد ذهاب المفعول بعد الله إلا التزامنا طول فترة تنزيل الوزن بالعادات الغذائية الصحية .. يعني في خلال السنتين تلاته اربعه دول لو حافظنا في اكلنا وتعودنا ناكل باعتدال ونبعد عن الحاجات الي بتطخن ونكتر من الاكل الصحي ( معصي ) وعملنا كل مايرضي الله وصلينا الصبح وغسلنا اسناننا بالفرشاة قبل ماننام وشربنا كوب الحليب الدافي وتركنا شويه للعيال كل ده باذن الله هيساعدنا ان بعد مفعول العملية مايروح ميرجعش وزننا يزيد تاني ..

طبعا بقولك الكلام ده لاني عايشه على امل ان يجي يوم ارجع طبيعية واكل عادي مش عشان الاكل نفسه لاه خلاص انا زهدت حاجات كتير ومعدتش بشتهيها ابدا واولها اللحوم .. بس لاني نفسي ارجع آكل مع اسرتي تاني ونلتم على اكله كبيرة كده ونستمتع بيها او ارجع افرح لما اشوف وليمه ولا حاجه شهية محطوطه قدامي .. دلوقت للاسف لما يقولوا هنجيب اكلة كذا ولا نعمل كذا من الاكلات الي مش بتتكرر كتير خلاص ميفرقش معايا لان في كل الاحوال مش هاكل منها .. يعني شوفي في العيد بالذات خاصه عيد الاضحى لازم بيكون في حفلات وولائم وكلها لحوم ومشويات وو وو .. خلاص هم بياكلوا وانا اتفرج عليهم مش زعلانه من الاكل الي مكلتوش لاني شبعانه لكن زعلانه ان كان نفسي انضم للمجموعه دي .. حتى زمان لما كان زوجي بيجي من السفر كنت بحتفل بيه باني اجهز له شيء مميز من الاكل دلوقت خلاص مبعملش كده عنده في الثلاجة جبنة وعيش ياكل زي ماهو عاوز . .القيمه المعنويه للاكل فقدتها للاسف ونفسي اقدر استرجعها تاني ..

عرفتي بقى انا بروج لشائعة انتهاء صلاحية العمليات ليه ؟ طبعا انتي مستجده بس مصيرك هيجي لك اليوم الي تؤمني بيه بالخرافة دي وتنتظري تحققها ..

انا مش عاوزه احبطك بس بما انك عملتي عملية فوزنك اكيد زائد جدا زي حالاتي كده او حالاتنا كلنا .. وده يعني انك عشان تستفيدي منها لازم تنزلي لك عشرين تلاتين اربعين.. الخ كيلو

في الحالة دي كمية الترهلات الي هتحصل لك مش هتخليكي تشوفي اصلا وجود الندبات دي .. يعني الجسم متشوه متشوه وندبات العملية هي اقل حاجه هتحصل فيه يعني آخر ماينبغي عليك القلق بشأنه ..

لو انك لسه عامله العملية جديد هيكون لسه جسمك مشدود خاصه لو نازلة لك عشرة خمستاشر كيلو بس هتلاقي نفسك خسيتي والعيب الوحيد فيك هو الندبات .. اصبري شويه لما تنزلي كمية اكبر وهتقولي ياريت لو عشرين ندبه كمان بس بلاش الجيلي الي طلع لي ده ..

ده الخبر الوحش

الخبر الحلو بقى ان مع الوقت الندبات دي بتخف كتير ولونها بدال ماهو بنفسجي بيتحول للابيض ومش بيبقى باين اوي .. معرفش للاسف الوقت ده بياخذ قد ايه لان مر على عمليتي فوق السنة دلوقت ولسه لونها بنفسجي بس جزء منها تحول للابيض وبقى مقبول الشكل .. سمعت برضه ان الندبات واثار العمليات ممكن تزال بالليزر وفكرت فيا لحكايه دي بس قلت اخلص من الترهلات الاول بعدين ابقى التفت لرفاهية التخلص من الندوب .. .

بس تعرفي احلى من كل ماسبق ايه ؟ ان شكلنا زمان بلبس ولا بدون لبس يجيب العلة .. لكن دلوقت بعد نزول الوزن لو لبسنا حاجه تستر مكان العملية هيبقى شكلنا بني آدم وجميل ويستاهل كل التعب الي عملناه عشان نوصل له .. ركزي على الحكايه دي ومتفكريش خالص في كام خرم وان كانوا مضايقينك اوي ابقي حطي عليهم ستيكرز
:P