التجمع الجديد لستات البيوت الشاطرين جداااااااا

صباح الخير على الجميع أنا لسه قايمه من النوم من شويه و قلت أصبح عليكم
مدام وائل ربنا يهديلك ابنك وطولى بالك عليه كل الأطفال كده و أنا من رأى ماما زوزو بلاش تلبسيه البامبرز بالنهار وكل شويه أنت فكريه وقوليله تعال نروح الحمام عشان البيبى هتلاقيه شويه ويتعود وييجى هو يقولك
وربنا يحميه و بكره يا ستى يكبر باذن الله
شيماء أزيك يا قمر ربنا يوفقك وتلاقى الشقه المناسبه ويتمم لك موضوعك على خير على فكرة أنا ليا واحده صاحبتى كانت عملت نفس العملية وفى نفس المركز و ربنا كرمها و عندها أحمد دلوقتى ما شاء الله عقبالك باذن الرحمن
أنا النهاردة عندى أكل من امبارح يعنى الحمد لله ها ترحم من المطبخ النهاردة فبما أنى فاضيه هحاول أستغل اليوم فى التنظيف
و هأبدأ بأذن الله أول حاجه بتنضيف الأنتريه لأن للأسف قماشه فاتح فمش بيستحمل و بيتو سخ بسرعه
و بعد كدة ترتيب أدراج المطبخ و فرز لكل الحاجات اللى مستخبيه ده اللى ناويه أعمله بأذن الله

صباح الخير على البنات انا يا جماعة الهوفر عندى باظ ومش عارفة اعمل اية لو حد يعرف ماركة كويسة يقولى او اى فكرى لتنظيف السجاد لان جوزى من النوع الى ملهوش دعوة بحاجة اول ماقول عايزة اشترى حاجة تلاقية على طول قالى ان مسكين وماشى مقطع انا كنست السجاد باليد وطبعا كل البيت بقى تراب قمت شايلة السجاد وقعدنا على البلاطة ومش عارفة اعمل اية

كمان عايزة تلاجة وكمان غسالة كلة عندى تهالك من كتر الاستهلاك وصلت للعمر الافتراضى لكل شى ولا يخفى عليكم كلها شهرين ودخلة المدارس والانسى انك تجيبى حاجة الازوج بقم فى منتهى الغرابة

:icon28::icon28::icon28::icon28::icon28::icon28:
:icon28::icon28::icon28::icon28:
:icon28:
مدام وائل ظهرت اخيرا والله كنت هقترح على البنات النهاردة نعمل اضراب لحد ما ترجعى
حمد لله على السلامة
على فكرة

والله كل اللى بتقولية على بودى عادى بنسبة 80 %من الاطفال
احنا عندنا نفس الشقاوة دى فى ولاد اختى بكل التفاصيل اللى قلتيها

بس قولى لى هو عندة كم سنة بالظبط تقريبا سنتين مش كدة؟؟؟؟؟؟

ابن اختى فضل سنتين ملوش علاقة بالحمام مهما حاولت وممكن يعمل قدام الناس ومش حاسس انة بيعمل حاجة غلط
مرة وحدة مرة واحدة ما شاء **** بقى هو اللى بيطلب الحمام وعايز يعمل زى الناس

بصى

متحسسيهوش ان الببى او الكاكا حاجة مقرفة قوى لدرجة انة ميعملش قدامك ويعمل من وراكى
خلية يعمل ببى على الارض فى الحمام فى البداية

خلى المكافات سريعة زى التصفيق او البوس
احسن من الشوكولاتة فى الحالات دى
لازم يكون عندة استجابة بسيطة او تاجليها
ومتضغطيش على نفسك وعلية عشان كلام حد

بالنسبة للشقة
كفاية ان الصالون نضييف هههههههههه
حاولى تقعدى معاة فى حجرتة فترة طويلة وممكن تنقلى التلفزيون حجرتة وتخلى القعاد هناك
وعى فكرة من الاخر
هو عايز يطلع الطاقة اللى عندة
يعنى لازم حضانة
وسؤال لما بيكون معاة اطفال بيبقى شقى بردة ولااية؟؟؟؟؟؟؟؟؟
المهم حمد لله على سلامتة وسلامتك
ويا رب ما تبعدى تانى

بنات وحشتوني و معلش مختفيه اصل الدنيا مدربكه شويه عندي اصل حمايا و حماتي راجعين من الامارات النهارده نهائي!!!!!وورايا دشليون حاجه
ادعولي بقى الامور تبقى لطيفه معاهم لان ده اول احتكاك حقيقي بيني و بينهم و ربنا يستر احسن انا حساسه و بتلكك

مشمشه ميرسي يا قمر على سؤالك و انت دائما اللي فاكراني


مدام وائل_______حمدا لله على سلامتك و بجد متطوليش كده

انا عندي نفس التجربه بالنسبه للشقاوه و بالنسبه للحمام

اولا الحمام:::::
بصي محستوش مستعد الا بعد سنتين و شهرين
حضرت كيس مليان لعب صغير و رخيصه و ربطه في السخان فوق التواليت
و جيت يوم الصبح قلت له بص يا يويو النهارده مفيش بامبرز ___اعد يعيط و يقوللي نووووووووووووو
قلعتهوله و لبسته بانتي و بنطلون قطن و بس
و بقيت كل ساعه اخده على التواليت بحيث مديهوش فرصه يحوش و فعلا كان بيعمل نقط بس
و مرات عمل على نفسه بس بقى مزعقتش خالص انما اخدته على كيس اللعب و فتحته و جه يمد ايده ياخد قلتله نوووووووو لما يويو يعمل في التويلت هياخد لعبه
و فعلا بقى كل شويه يقوللي عايز لعبه اقولله هنروح التويلت يقوللي اوك و مره يعمل و ياخد لعبه و اسقف و ارقص و مرات ميعملش
بس اهم حاجه انك كل ساعه توديه و بالظبط 3 ايام و بدا هو يطلب
و بالليل لما ينام البسه البامبرز وهو نايم خالص
انما لسه بلبسه باليل لحد دلوقتي لان الدكتور قاللي 2 ناشف صباحا و 3 ناشف ليلا
اهم حاجه متخرجيش بيه الا لما يتعود
بس استحملي بقى و انت بره كل شويه مامي عايز تويلت



ثانيا الشقاوه::::::::
مقولكوش على ابني جباررررررررررررررررررررررررررررررررررررررررر

متهور و جرئ جدا و اي حاجه ممكن يعملها
مره جاب مسمار و حاطه في الفيشه و اتنطر من الكهرباء و فضل نص ساعه مش بيتحرك(كنت واقفه امامه بس في ثانيه عملها)
مره جاب الكلور و غسل بيه عينه!!!!!!!!!!!!!!!!!!!!!!!!!!!!و كانت ليله سودهههههههههههه
مره رمى كوره كفر من 14 و نزلت على راس واحد !!!!!!!!!!!!بس ربنا ستر
كل جزمه اترمت
بيغسل ايده في التويلت


بصوا اي كارثه ابني عملها و ببقى واقفه معاه بس هو اسرع من تصوراتي

الحل الاكيد الحضانه !!!!!
وديته بقى له اسبوع
و بقى ماشاء الله احسن بنسبه 60% لانه بيطلع طاقته

و بعدينانا كنت زيك في الاول و بقول اخاف ميقدروش عليه انما لما لقى ان في اطفال غيره و هو مش بس محور الاهتمام الموضوع اتغير
دا غير انه طول اليوم بيلعب في جنينه الحضانه فعلا بيتهد جداااا و ييجي عايز ينام


بجدد ده الحل الامثل عشان كمان اعصابك تهدا شويه و تعرفي تتنفسي دا غير انهم هيساعدوكي في موضوع الحمام ده

و متخافيش انا مودياله كل حاجه له لوحده يعني قاعده تواليت و ديتول و صابون و كلينكس و فوطه و هدوم يعني ان شاء الله امان

و مش محتاجه اوديه كل يوم يعني بمزاجي